 الماجيكو
 امــــيـــــر الـــمـــنــــتـــدي
 عدد المساهمات : 3603
نقاط : 87048
السٌّمعَة : 7
تاريخ التسجيل : 07/05/2009
الموقع : http://www.dehkanet.dahek.net
|  موضوع: عايش في وهم  الأربعاء مارس 09, 2011 4:22 am |
|
اوقات بخاف أني أكون عايش في وهم
وأعشم في ناس واخلص لهم وأشيل في هم
واصبر عليهم والعشم عمال يزيد
واقول دي هانت بكرة هاينعدل حالهم أكيد
وأكتب كلام بحروف دموعي وحسرتي
وابعتلهم جوابات كتير بمحبتي
عشمان يحسوا بشوق عيوني ولهفتي
لكن بخاف اني اكون عايش في وهم
وافضل اقول أهو بكرة هايردوا الخبر
وأسرح ليلاتي عشمان و باصص للقمر
وأقول اكيد بكرة هايبتسم ليا القدر
لكن بخاف اني اكون عايش في وهم
ويجي بكرة واقول خلاص الليله عيد
وارسم سيناريو لحب هايعيش من جديد
وأنسى اني كنت في يوم عايش وحيد
لكن بخاف اني اكون عايش في وهم
ويضيع نهاري وليلي يبعدلي السحاب
ودموعي تنزل وابدأ احس انا بالعذاب
كان ليه اصدق حلم كان وهم وسراب
واعشم في ناس كانت بتقدر عالغياب
احساسها مات وقلوبها أقوى من الحجر
وانا قلبي مات واحساسي جوايا انكسر
والعمر فات وانا أكيد بيا اتغدر
صوت السوكات جوايا بالحزن انفطر
وانا السبب علشان فاكرهم م البشر
وعاندت حظي واتحديت حتى القدر
وآدي النتيجة, هاشيل في هم
علشان طلعت أكيد أكيد عايش في وهم !
 الموضوع الأصلي : عايش في وهم المصدر : منتدى ميت عزون www.meetazoon.com | |
|
راجي حب الملك جل جلاله
 المميز
عدد المساهمات : 998
نقاط : 74488
السٌّمعَة : 5
تاريخ التسجيل : 16/12/2010
الموقع : متغرب في أرض الله
| | موضوع: رد: عايش في وهم الأربعاء مارس 09, 2011 6:05 am |
|
ربنا يهديني ويهديك ويتوب علي وعليك فيها كلام نخالف للعقيدة ويودي ف داهيه من أسرع طريق
وهو قولك:- "وعاندت حظي واتحديت حتى القدر"
فهل يتحدى أحد قدر الله الذي كتبه على عباده قبل خلق الخلق أساساً
هذه مخالفه عقديه رهيبه لأن الغقيدة الصحيحة هي أصل النجاة من النار يوم القيامه
فاحذفها بارك الله فيك
وطبعاً ده غير أن شعرك فيه نسبة خيالات كبيره جداً وده مما قال فيه الله تبارك وتعالى في كتابه الكريم في سورة الشعراء :- "والشعراء يتبعهم الغاوون * ألم تر أنهم في كل واد يهيمون * وأنهم يقولون مالا يفعلون إلا الذين آمنوا وعملوا الصالحات وزذكروا الله كثيراً وانتصروا من بعد ما ظلموا وسيعلم الذين ظلموا أي منقلب ينقلبون *"
ربنا يجعلني وإياك وجميع المسلمين من الذين آمنوا وعملوا الصالحات وذكروا الله كثيراً وانتصروا لشرع الله تعالى
تقبل النصيحة في الله وما تزعلش مني
وأنا مش بحب أروح الركن بتاع الشعر في المنتدى عشان كده بس انت اللي طلعت ليا براه
وشفتك ومحدش يرى أي خطأ ويسكت عليه خصوصاً لما يكون خطأ عقدي لأني خايف عليك من النار فالعقيده أخطر ما يخطئ فيه الإنسان
جزاك الله خيراً
الموضوع الأصلي : عايش في وهم المصدر : منتدى ميت عزون www.meetazoon.com توقيع: راجي حب الملك جل جلاله | |
|
الكلمات الدلالية 
رابط الموضوع 
HTML كود الموضوع