 الســـــقا
 يسعي الي الاحتراف
 عدد المساهمات : 51
نقاط : 74468
السٌّمعَة : 0
تاريخ التسجيل : 20/09/2010
|  موضوع: ايــــــــــة القــــــــــــرف دا  الأربعاء فبراير 09, 2011 1:09 am |
|
سلاماااااااااااااااااااااااااااااااااااااااااااااااااااااااااااااات عليكم
ايه القرف دا
ترن ترن ترن
سلامو عليكم
و عليكم السلام . ازيك يا ماما
الحمد لله يا مها عاملة ايه يا حبيبتى
الحمد لله يا ماما . هو هشام جهز و لا لسه
و الله يا بنتى سايباه من 3 ساعات بيجهز فى اوضته
استغفر الله العظيم . يا ماما كده هانتأخر على الناسمستغربة
طب اعمل ايه فى اخوكى يعنى انتى تايهة عنه
طب يا ماما لحلحيه شوية عيب نتأخر عليهم فى اول ميعاد و بالله عليكى يا ماما تقولى له يبطل يعمل الحركات اللى بيعملها دى . انا مش عايزة فضايح مع البنت
يا بنتى و الله ريقى نشف من امبارح معاه و عماله أأقرى فيه بلاش على الله ييجيى بفايده المره دىملخبطة
انتى شوفتى اخر مره لما وديته لقريبة محمود جوزى فضحنا و الناس من ساعتها مقاطعينى انا و جوزى
معلش يا حبيبتى . انا هادخله تانى و ربنا يقدم اللى فيه الخيرفي نص هدومي
ماشى يا ماما انا هاستناكم تعدوا عليا بالعربية
طب يا حبيتى مع السلامه
هشام . يا هشام . يا هشام انت فين
ايوه يا ماما انا فى الحمام
بتعمل ايه ؟
باستحمى
يا نهار ازرق يا ابنى ما انت لسه مستحمى من ساعهمستغربة
هشام خلص الحمام و طلع على اوضته
يا ابنى هانتأخر على الناس الله لا يسيئك شهل شوية
يووووووووووه كل مرة لازم اسمع الموشح بتاعك ده .. حاضر يا ماما هاخلص بسرعه عشان الناس اما اشوف اخرتها ايه . هو انا يعنى كنت باستحمى ليه مش عشان اكون نضيف و احنا عند الناس
يا ابنى ده انت بتستحمى كل ساعتين و بتغسل ايدك كل 10 دقايق حرام عليك ده نص المعاش بيروح على الصابون و المسحوق ارحمنى و ارحم الغساله اللى ما بتبطلش لا ليل و لا نهارمخنوقة
تانى موال كل يوم مش كده اهو حضرتك بقى اللى بتعطلينى
لا يا ابنى انا هاطلع بره عشان تلبس
طب مش لما اكوى الاول
تكوى ايه ما انا كاويه لك القميص بتاعك من بدرى
لأ ما انا غسلته تانى
ليهملخبطة
انا مش 100 مرة قايل لحضرتك هدومى ما تتغسلش مع هدوم حد تانى
حد تانى مين هو فيه حد عايش معانا . و لا انت قصدك على هدومى انا انت قرفان من هدومى يا ابنى
بس يا ماما بقى الله يبارك لك . خلينى ساكت انتى امى . ده انتى ما بتستحميش الا كل يومين عايزة تحطى هدومك مع هدومى طب تيجى ازاى
امتى تتجوز و اخلص منك اخواتك كلهم اتجوزوا الكبير و الصغير لكن انت عملى الردى فى الدنيا
يا ساتر يا رب بقيت عملك الردى عشان نضيفملخبطة
هى دى نضافة ده مرض انت يا ابنى مجنون و الله العظيم انا بافكر اوديك لدكتور يعالجك
ماما انتى عايزة نروح للعروسة و لا نقعد نرغى
لا طبعا نروح للعروسه . بس على الله ما تعملش زى كل مرة
ربنا يسهل
هشام لبس هو و مامته و جايين نازلين
ثانية واحده يا ماما
فى ايه تانى
هاغسل ايدى بس
ليه يا ابن المجنونه
مش لبست الجزمة افرضى فيها حاجه من الارض مش نضيفهملخبطةغضبانة جدا
و هاتجيلها منين الحاجه ما انت بتنضفها وش و ضهر كل مرة ده انت ناقص تلبس عليها كيس عشان ما تتوسخش
معلش ثانية واحده بس
يا ماما يا ماما
فى ايه يا عملى المنيل
فين الديتول
ديتول ايه . حرام عليك هاتموتنى ناقصة عمرالشر كله
المهم وصلوا عند اخته تحت بيتها و اتصل بيها عشان تنزل
ازيك يا ماما . ازيك يا هشام
ازيك يا مها
كل ده يا هشام دى العروسة كلمتنى بتحسبنا مش رايحين
طب يالا بسرعه بس اتنى خدى الكيس ده حطى فيه جزمتك
نعم
معلش يا مها العربية انا لسه منضفها و قدام البيت عندك فيه ميه شكلها مش مطمنى ممكن تكون مية مجارى
انت عايزنى اركب حافيهملخبطة
ايوه
معلش يا بنتى خلصى هانتأخر
يعنى يرضيكى يا ماما اللى بيعمله فيا
معلش يا حبيبتى عشان ما نتأخرش على صاحبتك . و الله العظيم انا ساعات بيقعدنى على ورقة جورنال
ماشى يا ماما عشان خاطرك و خاطر البت الغلبانه اللى مستنيانا
هشام لو سمحت خليك كويس مع الناس البت دى لسه متعينه جديد معانا و شكلها طيبة قوى
المهم تبقى نضيفة
من الناحية دى اطمن شكلها نضيف و زى الفل
وصلوا عند العروسة
هشام و هو داخل ما رضيش يسلم على حد بالإيد و طبعا احرج الناس كلها بس لما شيماء دخلت مها زغدته و قالت له سلم عليها
العروسة دخلت و قدمت العصير و هشام ما رضيش ياخد كاس العصير
ام العروسة : ايه ده هو انت مش راضى تشرب ليه يا هشام ؟ انت مكسوف و لا ايه ؟
لا مش مكسوف بس انا ما باشربش الا العصير اللى فى العلب
طب و ماله روحى يا شيماء هاتى لعريسك من التلاجه . ده انتوا نورتونا
ام هشام : الله يخيكى منور بوجودكم
شيماء جت و صبت العصير فى كاس
ايه ده . انا عايزه فى العلبه
نعم !!!!دايخة
مها : معلش يا شوشو اصل هشام متعود يشربه فى العلبه
طب حاضر زى ما تحب و جابت له علبة العصير
و فى محاولة منهم لتهوية الجو قامت ام العروسة و اخواتها و ام العريس و مها و سابوهم لوحدهم فى الاوضة
قوليلى انتى بتشتغلى مع مها من زمان
لأ من شهرين بس
اه طب ممكن اسالك على حاجه مهمة
لأ يا سيدى اطمن ما ارتبطش بحد قبلك
ايه ده و انا مالى . انا هاسألك على حاجه تانية خالص
اتفضل
انتى بتستحمى كام مرة فى اليوم
نعم !!!!!!!!!!!!!!!!!!
ايه سؤالى مش واضح
لأ غريب شويه بس على العموم يا سيدى مرتين فى الصيف و مرة فى الشتا
مش كفايه
يعنى ايه
يعنى انا باحب الست النضيفة و عايزك تعودى نفسك على كده
طبعا مها كانت رامية ودنها و خايفة من كلام هشام اللى عامل زى الدبش فدخلت تجرى على الاوضه
و الله يا شوشو انتى زى القمر النهارده مش كده يا هشام
اه طبعا
معلش يا حبيبتى ممكن كوباية ميه
حاضر
ايه يا بنى ادم اللى بتقوله للبت ده فى حد عاقل يقول لعروسته بتستحمى كام مرة
و انتى مالك انتى واحده معفنة و متجوزة واحد زيك فيا ريت تخليكى فى حالك بقى
و ايه اللى جاب سيرة محمود دلوقتى مش كفاية مخليه مش طايقك من عمايلك السوده معاه
كل ده عشان باقوله يغسل ايده قبل ما يسلم عليا و عشان ما بارضاش ابوسه ده انتوا عالم غريبة
احنا و لا انت
المية يا مها
ميرسى يا قمر
قعدوا يتكلموا فى التفاصيل و بعد كده هشام قام يغسل ايده كالعادة و مامته سألت على ابو شيماء
و الله مش عارفة اقولكم ايه . اصله بعافية شويه و قاعد فى اوضته مش قادر يتحرك
ليه كفى الله الشر
اصله جاله الدور اللى ماشى ده
دور ايه يا حبيبتى
جاتله انفلونزا الخنازير امبارح و الله لولا اننا خوفنا لا تزعلوا كنا اجلنا الموضوع بس هو قال خليهم ييجوا على بركة الله
طب و ما وديتهوش مستشفى الحميات ليه ؟
الدكتور قال بطلوا يحجزوا حد فيها فقولنا ياخد العلاج هنا و خلاص
يحجزوا مين
بابا . اصله اتعدى منى
ليه هو انتى كان عندك ايه
و مها عماله تغمز لها و هى برضه بتكمل كلام
اصلى جات لى انفلونزا الخنازير من شهر بس خلاص خفيت الحمد لله
انفلونزا ايه يا نهار اسود يا نهار اسود و سلمتى عليا و شربت عندكم عصير
و طلع هشام يجرى
يا هشام رايح فين يا ابنى استنى . بتقولك خفت
رايح الحميات الحق نفسى منك لله يا مها منك لله يا مهاهبل
و بعد ما اتأكد من انه صاخ سليم زى الطور قرر هشام يروح يعمل اعلان جواز فى الجورنال لأن العروسة طارت طبعا زى كل مرة
مواصفات العروسة ايه يا فندم
تقدس النضافة و تعشق الماء و الصابون
فمن تجد فى نفسها هذة الصفات تتفضل للتقدم يا سلام
 الموضوع الأصلي : ايــــــــــة القــــــــــــرف دا المصدر : منتدى ميت عزون www.meetazoon.com | |
|
الماضي المجهول
 ولاد البلد
عدد المساهمات : 355
نقاط : 82534
السٌّمعَة : 4
تاريخ التسجيل : 25/04/2009
| | موضوع: رد: ايــــــــــة القــــــــــــرف دا الأربعاء فبراير 09, 2011 7:18 pm |
| | |
|
راجي حب الملك جل جلاله
 المميز
عدد المساهمات : 998
نقاط : 74218
السٌّمعَة : 5
تاريخ التسجيل : 16/12/2010
الموقع : متغرب في أرض الله
| | موضوع: رد: ايــــــــــة القــــــــــــرف دا الأربعاء فبراير 09, 2011 8:30 pm |
| | |
|
الســـــقا
يسعي الي الاحتراف
عدد المساهمات : 51
نقاط : 74468
السٌّمعَة : 0
تاريخ التسجيل : 20/09/2010
| | موضوع: رد: ايــــــــــة القــــــــــــرف دا الأربعاء فبراير 09, 2011 11:14 pm |
| | |
|
الســـــقا
يسعي الي الاحتراف
عدد المساهمات : 51
نقاط : 74468
السٌّمعَة : 0
تاريخ التسجيل : 20/09/2010
| | موضوع: رد: ايــــــــــة القــــــــــــرف دا الأربعاء فبراير 09, 2011 11:15 pm |
| | |
|
راجي حب الملك جل جلاله
المميز
عدد المساهمات : 998
نقاط : 74218
السٌّمعَة : 5
تاريخ التسجيل : 16/12/2010
الموقع : متغرب في أرض الله
| | موضوع: رد: ايــــــــــة القــــــــــــرف دا الخميس فبراير 10, 2011 11:18 am |
| | |
|
السادات
 موقوف
عدد المساهمات : 49
نقاط : 73442
السٌّمعَة : 0
تاريخ التسجيل : 27/11/2010
| | موضوع: رد: ايــــــــــة القــــــــــــرف دا الخميس فبراير 10, 2011 5:50 pm |
| | |
|
الكلمات الدلالية 
رابط الموضوع 
HTML كود الموضوع