التحقيق الشامل فيمن عاش في ميت عزون من آل البيت

بسم الله الرحمن الرحيم

الحمد لله رب العالمين و الصلاة والسلم على أشرف المرسلين و الحمد لله رب العالمين . و بعد

فطبعا أنا من امبارح كتبت لكم عن أن فيه قنبلة ، تحقيق في تاريخ ميت عزون ما شوفتوش قبله على المنتدى ولا غير المنتدى ، ويمكن ما تشوفوش زيه تاني عن ميت عزون . يمكن من أهم المواضيع التاريخية عن ميت عزون إللي هتتحط على المنتدى .

ليه المبالغة دي ؟

مش مبالغة ولا حاجة . بس تابع الموضوع حتى نهاية الأسئلة

تابعوا الجزء البسيط الجاي من المخطوطه القديمة ، ومنتظر تعليقاتكم و الأسئلة .

التحقيق الشامل فيمن عاش في ميت عزون من آل البيت 5296_1198364966746_1457172128_540256_3004978_n

التحقيق الشامل فيمن عاش في ميت عزون من آل البيت 5296_1198364966746_1457172128_540256_3004978_n

والصفحتين إللي بعدهم من المخطوطة :

التحقيق الشامل فيمن عاش في ميت عزون من آل البيت 5296_1198366966796_1457172128_540259_5906228_n

موضوع جميل يادكتور ضياء
بس فيه حاجه اللي انا فهمتها من ده كلها وقدرت اركز عليها
ان ورق البردي ده كان كتير
لان انت جايب صفحه 47&48&49&50
انا عاوز الباقي عشان اقدر اترجم
ويمك اتوصل لحاجه
بس ده دليل ان لنا تراث جامد والله
وهو ده الجزء اللي فهمته...من الحروف الهيروغليفيه دي

الكود:: [color=blue]وطراز العصابة النبوية العلوية الهاشمية السيد علي العزوني الكاين مقامه بمنية عزون على ساحل بحر طناح بن السيج[/color] [color=blue]احمد الطلخاوي[/color]

بس رجاء لو حضرتك كنت عارف تترجمها...او توضحها ياريت

مع تحياتي اللي ترجم جزء من حجر رشيد بميت عزون
ابو حمدي2012

ايه يا سيدي هو الكلام بلغة مش مفهومة ؟ يمكن لأن المخطوطة يمكن ترجع للقرن ال17 أو ال18

المخطوطة كاملة موجودة ، لكن حبيت أبدأ بالكلام إللي ذكر فيه ميت عزون ( منية عزون ) زي ما كان اسمها أيام ما الوثيقة اتكتبت .

طبعا بعد تعديل العنوان عرفت الوثيقة بتتكلم عن ايه في العموم , وانا لسه ما فصلتش .

بالنسبة للترجمة ممكن قوي . ايه المانع . بس استنى اما افوق لك كده إن شاء الله

انا مش فاهمه اي حاجه

عمو صلاح ايه منيه عزون دي

بلدنا ميت مش منيه

وكلام كتير مش فاهماه

رائع دائما يا أخ ضياء الحق
أن تحصل علي مخطوط لإناس كانوا يعيشون في منطقتك أو بلدك..
من خلال قرائتي للورقتين ... استنتجت الآتي:
1- أن الورقتين جزء من مخطوط كامل كما هو واضح من ترقيم الصفحات.
2- أن موضوع المخطوط عموما يتحدث عن نسب فروع الأشراف في منطقتك أو بلدك.
3- استخدام لقب السيد لكل اسم يدل علي أنهم جميعا من السادة الأشراف (وهم نسل النبي محمد صلي الله عليه وسلم)

وعلي فكرة لقد استطعت قراءة الورقتين بسهولة لكن فيه بعض الكلمات يبدو أنها في الأصل بلون مختلف .. ودي كانت صعبة في القراءة .. لكن استخدام برامج الصور وتغميق الألوان أتي بنتيجة مبهرة ...

ونص الورقتين كما قرأتهم :

الورقة الأولي:

والسيد عبد الفتاح المدفونين بجوار مقام جدهم السيد موسي الباز ولهم العقب بطلخا اما السيد علي الباز الكائن مقامه شرقي سندوب علي ساحل بحر طناح اعقب السيد محمد ابو النور الكائن مقامه بالحواوشه رضي الله عنهم اجمعين

خامس زاوية من السبع زوايا المنصورية لفرع الشجرة الزكية
وطراز العصابة العلوية الهاشمية االسيد علي العزوني الكاين مقامه بمنيه عزون علي ساحل بحر طناح بن السيد احمد الطلخاوي بن السيد ناصر القبابي شقيق السيد منصور الباز القبابي
اما السيد علي العزوني اعقب السيد عبد الرحمان المدفون معه بالمقام وهو اعقب ثلاثه وهم السيد احمد والسيد محمد والسيد ابراهيم المدفونين مع والدهم بالمقام ولهم العقب اما السيد احمداعقب اثنين وهما السيد سعود والسيد زهري المدفونان

الورقة الثانية

بزاويه منيه عزون ولهما العقب اما السيد سعود اعقب السيدعلي سعود المكني ابي نخله ومقامه بمنيه عوام وهو اعقب ثلاثه وهم السيد عوض سعود والسيد وهب سعود المدفونين بزاويه منيه عزون والسيد شاور ابو قناطر المدفون شرقي منيه عوام ولهم العقب اما السيد عوض سعود اعقب اثنين وهما السيد احمد سعود والسيد سليمان سعود المدفونان بزاويه منيه عزون ولهما العقب بجزيره اللبن بجوار مقام جدهم السيد ناصر واخيه السيد منصور الباز الاشهب القبابي بارض القباب الكبري واما السيد وهب سعود اعقب السيد زهري سعود المدفون بزاويته بمنيه محله دمنه وله العقب واما السيد شاور ابو قناطر اعقب السيد احمدابو شاور المكني بالارزق المدفون بحري طلخا ولم يعقعب أما

أهلا بفتاة من زمن قديم . فينك بقالك كام يوم ؟

منية عزون هي اسم ميت عزون من زمان . منية اتحولت إلى ميت .

زي ما شوفتي مكتوب منية عوام إللي هي ميت عوام .

دي أولا

ثانيا :

ما شاء الله عليك يا lacost أنت متعدد المواهب . و أحترم لك ثقافتك العامة العالية . و بصراحة أنت فكيت رموز حجر رشيد على رأي الدكتور سيد .

أعتقد أن حاجات كتيرة وضحت الآن .

أكمل كلامي

ميت عزون أو منية عزون إللي سكنها السيد علي العزوني ( من آل البيت من ذرية سيدنا الحسين عليه السلام ) .

طبعا المخطوط كامل موجود ، لكن إللي يهمني حاليا هو أصل المخطوط ده .

المخطوط ده وضعه الشيخ منصور الباز رحمه الله ، وموجود منه نسخ عند أفراد من عائلة الباز سواء في طلخا ، أو في أبو حريز ( الشرقية ) . ومنه كمان نسخ مصوّرة في دار الكتب والوثائق المصرية .

الموضوع وضح شوية وللا لسه ملتبس عليكم . هل عرفتم ايه القصد من الموضوع ؟ عرفتم شيء من تاريخ ميت عزون ؟

ولسه برضه الموضوع فيه كلام تاني إن شاء الله معاكم [b]

فين قبر السيد علي العزوني ؟

المخطوط بيقول أنه ( أعقب السيد عبد الرحمن المدفون معه بالمقام ) . يعني إيه كلمة أعقب ؟

أعقب يعني ربنا رزقه بذرية . يبقى السيد علي العزوني خلف السيد عبد الرحمن . تمام كده .

وبعدين ؟

و بيتكلم عن السيد عبد الرحمن أنه خلّف ثلاثة ( وهو اعقب ثلاثه وهم السيد احمد والسيد محمد والسيد ابراهيم المدفونين مع والدهم بالمقام )

يعني له أولاد السيد أحمد و السيد محمد و السيد إبراهيم .

أكيد عرفتم مكانهم مش محتاجه نباهة . حتى بالعامية كده كنت تسمع جدك وجدتك تقول " ولاد الشيخ عبد الرحمن "

نكمل قراءة في الورقتين إللي قدامنا

ولهم العقب :

يبقوا هم كمان خلّفوا

اما السيد احمد اعقب اثنين وهما السيد سعود والسيد زهري المدفونان بزاويه منيه عزون .

ولهما العقب

اما السيد سعود اعقب السيد علي سعود المكني ابي نخله ومقامه بمنيه عوام وهو اعقب ثلاثه وهم السيد عوض سعود والسيد وهب سعود المدفونين بزاويه منيه عزون والسيد شاور ابو قناطر المدفون شرقي منيه عوام ولهم العقب

اما السيد عوض سعود اعقب اثنين وهما السيد احمد سعود والسيد سليمان سعود المدفونان بزاويه منيه عزون ولهما العقب بجزيره اللبن بجوار مقام جدهم السيد ناصر واخيه السيد منصور الباز الاشهب القبابي بارض القباب الكبري واما السيد وهب سعود اعقب السيد زهري سعود المدفون بزاويته بمنيه محله دمنه وله العقب واما السيد شاور ابو قناطر اعقب السيد احمدابو شاور المكني بالارزق المدفون بحري طلخا ولم يعقعب أما

انتهى الصفحتين دول من المخطوطة .

عدّ معايا بقة كده وقول كم واحد من آل بيت النبي عاش في ميت عزون و اتدفن فيها ؟

جميل أوى التاريخ ده يا ضياء

جميل لما يكون لينا تاريخ محفوظ ومخطوط وشرف لبلدنا وجود آل البيت

إستنى أعد معاكـ كدا

السيد على خلف

أحمد_ محمد_ وإبراهيم

أحمد خلف
سعود؛زهرى

سعود خلف

على

على خلف

عوض؛؛ وهب

وعوض خلف

أحمد وسليمان

لو ما عديتش غلط أو حاجه وقعت منى فى العد يبقى فيه11 واحد عاشو من آل البيت وإتدفنو فى ميت عزون

طبعاص أنا ماعديتش إلا اللى عاشو وإتدفنو

على أى حال دا شرف لبلدنا

وتسلم يا ضياء على المخطوطه النادره دى

إحترامى لكـ

طيب :

أتكلم عن المخطوطة أكتر

المخطوطة كاملة موجودة عندي على الكمبيوتر ، وقلنا مين إللي كاتبها .

طبعا حسب رأي خبير مخطوطات متخصص فيها قال أن بحسب الخط الموجود فهو بيرجح أنها ترجع للقرن ال17 أو ال18 يعني في سنة 1600 أو 1700 لحد 1799 .

ملاحظة هو تحريف منية عزون ل ميت عزون

المخطوط اتكلم الساده البازات الحسينيين . وقال أن لهم 7 زوايا ( 7 فروع )

وزي ما انتم ملاحظين أن الزاوية الخامسة بدأت في ميت عزون من عند السيد علي العزوني .

أنتي نسيتي الشريف عبد الرحمن . على ما أعتقد أنك نسيتي تعديه مع أنه هو الوحيد المعروف منهم بالاسم في البلد يعرفه الصغير و الكبير.

وطبعا مش ده المخطوط الوحيد للنسب ، لكن موجود نسخة منه عند كل آل باز في طلخا و أبو حريز ( شرقية ) و دار الكتب والوثائق المصرية .

و إللي عاوز يوصل لنفس الموضوع على النت ممكن يدخل يكتب في جوجل كلمة ( منية عزون ) وهيوصل لنفس النتيجة . لكن مش نفس المخطوط .

الصفحتين الأولى والثانية من المخطوط :

التحقيق الشامل فيمن عاش في ميت عزون من آل البيت 10716_1199539156100_1457172128_544397_3834591_n

طبعا كتبت من المخطوط ما يهم ميت عزون . فيه كلام كتير تاني يهم الباحثين أكتر مننا . يمكن احطه أو لا .

ايه الجمال ده يادكتره
والله رائع
وتستحق ع الموضوع ده...بوسه كبيره
جميـــــــــــــــــــــــــــــــــــــــــــــــــــــــــــــــــل جــــــــــــــــــــــــــــــــــــــــــــــــــــــــــــــدا
شكرا لك ع المعلومات الوفيره دي

مع تحياتي
ابوحمدي2012

كل إللي عملته هو أني وضعت الموضوع على المنتدى .

أما إللي جاب لي الموضوع الأساسي هو إللي يستاهل البوسة دي .

بوسه من غير ما تعرف هو مين Very Happy

بوسة ليك ولية بصراحة انا مبسوط منك جدا يا دكتور صلاح تسلم ايدك وايدة

تسلم يا باشا . فينك من زمان .

يا تاريخك يا ميت عزون

فعلا لازم نفتخر اننا من بلد زى ميت عزون

شكرا د ضياء على هذه المعلومات الجميله

موضوع جميل جدا جزاكم الله خيرا على الموضوع
ولكن انا اعتقد ان الشيخ غبد الرحمن الى قبره هنا او مقامه هنا ليس هو المعنى والله اعلم لانى اعرف واحدة على صلة قرابة به بتقول انه انه جد امها او حاجة زى كدا يعنى اقرب من انه يكون فى القرن السابع عشر واللع اعلم ولكن بيقولو ان البيت دا او العيلة دى ناس لهم كرامة بيقولو انهم بيسرعو وبيطيرو فى النعش وحاجات زى كدا الله اعلم انا مشفتش لكن ناس بيقولو انهم شافو بس يمكن يكون دا اسمه عبد الرحمن على اسم جد له الى هو الاصل
الله اعلم
على العموم موضوع جميل جدا جزاكم الله خيرا ض

موضوع جميل جدا
لازم نفتخر باننا من هذه البلد الجميلة
لو لم اكن عزونيا لوددت ان اكون عزونيا

شكرا على الطرح الرائع والمميز يا دكتور

انا مش فاهم اى حاجه

فرضنا ان الجماعه اللى انتم قلت عليهم من ال البيت حقا

نعمل ابه

نعمل مقامات لهم ونطوف حواليهم مثلا

حد يفهمنى يا جماعه

اصل انا يمكن مبفهمش حاجه

السلام عليكم ورحمة الله وبركاته
اولا جهد تشكر عليه يا دكتور جزاك الله عنا خيرا
ثانيا الاخ الدكتور سعد
ليس المعنى من بحث الاخ ضياء فى المخطوطات سواء عن ميت عزون ومدى تاريخ تلك القريه
او عن ال البيت الذين عاشوا فى القريه ان نرفع لهم البناء والمقامات حتى تقوم حولهم البدع والموالد
ولكن هذا تاريخ لتلك القريه لم تكن قريه جديده باسم جديد ولكن تلك القريه
لها تاريخ وثقافه وقديمه منذ قرون
وهذا كله اجتهاد
الان نرى كثير من الباحثين يبحثون عن قطعه اثريه وجدوها ثم يذكروا انها من سنة كذا وترجع الى عصر كذا
وربما انطلق باحث حول معركه ترجع الى اقدم العصور يغوص فى المخطوطات القديمه
يبحث حولها وربما اخذ عليها ماجستير او دكتوراه
رساله الدكتور سيد محمد المتولى عطيه على سبيل الميثال
كانت فى العصور الوسطى عن شئ لا يعرفه احد حتى الاساتذه لجنة التحكيم اقروا بعجزهم امام تلك الرساله
لانهم لا يعرفون عن محتواها شئ وجميعهم اقروا بذلك
بحث عن هذا التاريخ فى مراجع شتى حتى انه تعلم لغات كالفرنسيه واللاتنيه
الخلاصه ان تلك معلومات قد تفيد او لا تفيد لكنها لا تضر
هذا رأى قد اكون اصبت او يرى الدكتور ضياء امرا اخر
جزاكم الله خيرا

» اهلا بي وبكم جميعا في منتدي ميت عزون الشــــــ ميت عزون ــــــــباب الطمــــــــــ ميت عزون ـــــــــــــوح
» تباين بشأن تقرير لجنة التحقيق بالبحرين
» الشامل في الإملاء
» حريق في قريه ميت عزون بحب شعبك الحنون بحبك ياميت عزون رغم انف الحاقدين
» انتظرونا

التحقيق الشامل فيمن عاش في ميت عزون من آل البيت

التحقيق الشامل فيمن عاش في ميت عزون من آل البيت :: تعاليق

التحقيق الشامل فيمن عاش في ميت عزون من آل البيت

مواضيع مماثلة

مواضيع مماثلة