مين اللى قال
مين قال إن الزمان ملوش آمان
مين قال إن كل الكلام له أساس وعنوان
مين قال إن الصديق أصبح فى خبر كان
مين قال إن الشهامة مازالت فى الوجدان
مين قال
مين قال أنى محترف وكاتب أشعار
مين قال أنى كان بينى وبينهم حوار
مين منهم بجوارى ومين خلانى احتار
مين قال الحقيقة ومين كاتم للأسرار
مين قال
مين قال إن لسه فى العمر كتير
مين قال إنى حتجوز تامر
مين قال إنى حخلف حسين ونرمين
وبكره يبقوا علما ويعلقوا نياشين
مين قال
مين قال إن البعيد عنى سفير
مين قال ان الصديق أمره محير
مين قال ان ابني حيكون بكره مشير
مين قال ان بنتى حتنجب ولاد كتير
مين قال
مين قال إن كل الشباب مستهترين
مين قال إن كل البنات مدلعين
مين قال ميش حيخرج منهم صلاح الدين
ينقذ البشرية من غل وحقد الحاقدين
مين قال
مين قال حكون من أصاحب الملايين
واركب مرسيدس وكمان ليموزين
وعمارة بحمام سباحه فى الطابق العشرين
ومصانع وشركات وناس كتير شغالين
مين قال
مين قال ان خروج إسرائيل من فلسطين مستحيل
مين قال ان الفلسطينى حيفضل طول عمره أسير
مين قال استعمار العراق دا شىء أكيد
مين قال العراقى حيكون فى يوم لهم أجير
مين قال
مين قال إن العرب حيفضلوا متفرقين
مين قال إن العرب فى كلمتهم متحدين
مين قال حنفضل مستسلمين
وكمان مقهورين
مين قال

عارفين مين للى قال؟؟؟؟

انت اللي قولت وكلامك كان جميل
حسيت واحساسك كان دليل
قولت كلمة تفرح القلب العليل
وتخلي النهار يدوس على كل ليل
انت اللي قولت بالايمان مفيش مستحيل
وكل همسة من كلامك خلقة احساس جميل
يملا قلب الحبايب يخلي المركب تسير
قول وغرد واحلم باحساسك ...
دا عند ربنا مفيش اي شيء مستحيل
واحلم وقول مين اللي قال انه الحلم مستحيل