 نبرة حزن
 رومانتيك المنتدي
 عدد المساهمات : 114
نقاط : 79336
السٌّمعَة : 1
تاريخ التسجيل : 01/12/2009
الموقع : ميت عزون هوا فى غيرها
|  موضوع: مابتقفش الدنيا ابدا على اللى راح  الأربعاء يناير 27, 2010 11:22 am |
|
--------------------------------------------------------------------------------
[b][فى حياتنا ديه بنقابل ناس كتير اللى بيكون صديق ليناأو حبيب واحنا وحظنا
يا يكون الشخص ده كويس ونحمد ربنا اننا قابلناه يا يكون مش كويس بنفضل نندم على
معرفته كل ما بنفتكره وبنكره حتى اليوم اللى عرفنا فيه الشخص ده . وفى الوقت ده
بنكون محتاجين نتكلم مع حد ونشكيله من اللى حصلنا ونحكيله على أحساسنا الصعب
اللى بنمر بيه وفيه دايما جمله بنسمعها من الطرف التانى اللى بيحاول يساعدنا
وهى ( الحياه مبتقفش على حد ) فيه كتير مننا بيصدقها من غير ما يعرف معناها
وفيه اللى مش بيقتنع بيها وبيفضل اللى جواه جواه . بس السؤال هنا هل فعلا الحياه
مبتقفش على حد ؟؟؟؟ فعلا الحياه مبتقفش على حد بس مش المفروض الأول نحدد
مين الحد ده اللى مبتقفش عليه الحياه ؟؟؟
@ @ @ @ @
لازم نعرف ان ا لحياه فعلا مبتقفش على !!!!!!!!!!!!!!!!!!!!!!
الصديق اللى غشنا وخدعنا وعمره ما كان أبدا صديق بمعنى الكلمه لينا
الحياه مبتقفش على الصديق اللى عمره ما حبنا ولا خاف علينا وكان دايما بيفرح
فى كل مره بنسقط فيها وبيتمنى لينا السقوط دايما وعمره ما فكر يساعدنا على النهوض
الحياه مبتقفش على الصديق اللى بساعدنا على الفشل ولا بتقف على الصديق اللى
بيصاحبنا علشان مصلحه منتظرها مننا ولو تمت خلاص مبقاش محتاجنا
@ @ @ @ @
بس الحقيقه الصعبه هنا أن الحياه بتقف على الصديق اللى بيكون لينا اكتر من اخ
الحياه هتقف لو فرطنا فى الصداقه الحقيقيه مع شخص مش مستنى مصلحه مننا
مع شخص بتمنى انه يشوفنا احسن علشان يفتخر بينا ويقول ده أنا صديقه
الحياه هتقف على كل شخص بيحاول يساعدنا ومستعد يساعدنا ومش مستنى مننا
أجر ولا تمن . الحياه هتقف على ضياع صديق بالشكل ده لأننا مش هنقابل تانى
منه كتير ويمكن منقابلش من النوع ده من الأصدقاء غير مره واحده بس فى حياتنا!!!!!!!!!!!!!!!( الحياه مبتقفش على حد ) !!!!!!!!!!!!!!!!!!
فعلا الحياه مبتقفش على الحبيب اللى محبناش . على الشخص اللى أدعى انه بيحبنا
وكل أمله فى الدنيا ديه انه يفضل معانا وفى أول مشكله اختار طريق تانى ومفكرش فينا
الحياه مبتقفش على الحبيب الخاين ولا اللى كان بيكدب علينا ولا بتقف على
اللى كان بيتسلا بينا وأعتبر أن كل ذنبنا اننا حبيناه بجد واخلصناله بجد وكان لينا حلم
كل يوم بندعى ربنا انه يتحقق.. الحياه مش هتقف على الحبيب الى غدر بينا
وولا هتقف على اى حد هان حبنا عليه وجرح مشاعرنا وأستهتر بينا ..
واكيد مش هتقف على شخص كان كل يوم يفرح كل ما يحس انه قدر يعيشنا فى الوهم
واننا صدقنا انه بيحبنا . مش هتقف على الأنانى ..
@ @ @ @
ولكن الأصعب من كل ده ان الحياه فعلا هتقف على كل شخص كان بيحبنا بجد
وأحنا ضيعنا حبه ده من بين أدينا . هتقف على كل شخص حبنا وجرحناه
هتقف على الشخص اللى فضل مستنينا وأحنا مهمناش البعد عنه وسبناه لوحده
هتقف الحياه على كل شخص قال فى يوم من الأيام بحبك وكان حاسس بيها
هتقف الحياه على كل شخص عاش طول حياته يسمع مننا كلمه واحده .
هتقف حياتنا على كل شخص كان بيتألم مننا وسكت وسابنا نحس لوحدنا
وأحنا محسناش بيه وفضلنا كل يوم نجرحه اكتر من اللى قبله .........
هتقف حياتنا على كل شخص حبنا من قلبه ومقدرناش نحافظ عليه ....
هتقف حياتنا اكتر لو كل يوم عرفنا ان الشخص اللى راح مننا ده بالسهوله ديه
صعب نقابل حد زيه تانى ولو عشنا اد عمرنا مرتين ,,,,,,,,,,
هتقف أكتر حياتنا لو عرفنا ان فيه أشخاص مبنقابلهمش غير مره وحده بس
فى حياتنا ومهما عرفنا غيرهم عمرهم ما هيتعوضوا ..
هتقف حياتنا أكيد لو عرفنا ان اللى ضيعناه عمره ما هيرجع حتى لو بكينا اللى
باقى من كل عمرنا
@ @ @ @
اخيرا عايز أقول ان فيه حاجات فى الدنيا ديه مبتحصلش غير مره واحده
وساعات كتير بيبقى منها انك تقابل صديق بمعنى الكلمه أو حبيب
وصدقونى أسؤ شىء هتعملوه فى حياتكم انكو تفرطو فى اى حد منهم [/b]
 الموضوع الأصلي : مابتقفش الدنيا ابدا على اللى راح المصدر : منتدى ميت عزون www.meetazoon.com | |
|
فارس بلا جواد
 القلم المميز
عدد المساهمات : 1336
نقاط : 81103
السٌّمعَة : 10
تاريخ التسجيل : 29/11/2009
الموقع : www.egypda.info/vb
| | موضوع: رد: مابتقفش الدنيا ابدا على اللى راح الأربعاء يناير 27, 2010 8:47 pm |
| | |
|
eslam afifi
 ولاد البلد
عدد المساهمات : 365
نقاط : 82937
السٌّمعَة : 1
تاريخ التسجيل : 21/04/2009
الموقع : eslaa_moh2010@yahoo.com
| | موضوع: رد: مابتقفش الدنيا ابدا على اللى راح الأربعاء يناير 27, 2010 9:10 pm |
| | |
|
محمود عبد القادر
 الاداره
عدد المساهمات : 7217
نقاط : 92461
السٌّمعَة : 68
تاريخ التسجيل : 20/04/2009
الموقع : layaly2052717@yahoo
| | موضوع: رد: مابتقفش الدنيا ابدا على اللى راح الخميس يناير 28, 2010 7:47 am |
| | |
|
الكلمات الدلالية 
رابط الموضوع 
HTML كود الموضوع