عايش طول حيــاته عشــان يكتشف نفســه

تاريخ التسجيل : 22/07/2009

..بسم الله الرحمــن الرحيم..
..السلام عليكم ورحمــة الله وبركاتـــه..
*******
الموضوع ده شوفته ف احد المنتديات وعجبنى جداا الكلام
بجد ياريت ناخد الموضوع بجد ونحطه ف اعتبارنا
واتمنى انه يعجبكو وتستفادو من كل حرف مكتوب
***********

كل إنسان بيتولد و بيفضل عايش طول حياته عشان يكتشف نفسه

يجرب حاجة ويفشل فيها..
مش مهم يكمل على قد ما مهم إنه يدرك ويتأكد إذا كان هو ده الشيء اللي هيسعده لما يحققه ولا لأ ؟؟

ممكن يحاول ويفشل،،
ويحاول تاني ويجتهد ويسعى وبرضه يفشل،،
ويحاول للمرة المليون،،، وفي الآخر ينجح..
لكن للأسف لما بينجح بيبقى مش سعيد،،
ويكتشف فجأة إن مش الحاجة دى اللى كان بيدور عليها، ولا قدر لما حققها إنه يكون سعيد!!

معنى كده إن مهم أوى أوى -وهفضل أ أقول أوى من النهارده للصبح- إننا نحدد في البداية:
احنا عاوزين إيه ؟؟
بنحب إيه ؟؟
إيه اللي هــ نقدر نبدع فيه ؟؟
وبعد ما تحدد اختبر اختيارك،،
إسأل نفسك:
( إيه اقصى طموح عاوز اوصله فى المكان ده ؟؟ )
هـ تجاوب، وبرضه تختبر إجابتك وتسأل نفسك أهم سؤال في الموضوع كله:
( هل لما أوصل للمكان ده أكيد هـ كون سعيد ؟؟؟ )
لو كانت إجابتك:
( طبعاً.. )
يبقى إتكل على الله،،، إنت كده حددت وجهتك صح،،
ناقص بس تشوف إنت محتاج إيــه في طريقك..
يعنى شوية مهارات وإمكانيات هـ تساعدك..
إرسم طريقك وابدأ وربنا معاك .. هـ توصل يعنى هـ توصل..
ولو موصلتش حتى هـ تكون ماشي في طريق بتحبه وهـ تكون مستمتع أوي بيه .. وهو ده المهم ..

هو ده الموضوع ..
هو ده النجاح الحقيقي..
إنك تستمتع بالطريق..
بالحياة..

أما بقى لو سألت نفسك نفس السؤال -اللي هو ( هل لما اوصل للمكان ده اكيد هكون سعيد ؟؟؟ )- وكانت إجابتك:
( لأ .. )
أو
لقيت نفسك بتفكر كتير وبتاخد وقت عقبال ماتجاوب..
يبقى أوعى ..
أوعى تبدأ وتاخد أي خطوة إلا لما ترجع تاني وتكتشف نفسك وتعرف إنت عاوز إيه ؟؟ بتحب إيه؟؟ نفسك في إيه ؟؟
لأنك لو بدأت وأنت مش محدد إنت رايح فين بالظبط يبقى هـ تضيع منك وقت كبير أوي،،
يمكن كنت هـ تقدر تستمتع بيه لو من الأول حسبتها صح ..

أنا شخصيا بستمتع باللعبة دي أوي..
مؤمن جداً إن حياتى كلها عبارة عن وقت بكتشف فيه نفسي..
بدخل فى كل شيء وبجرب لأني مقتنع إن كل إنسان فيه حجات مايعرفهاش عن نفسه..
إعمل اللي إنت عاوزه،، اللي هـ يبسطك..
استمتع بالطريق،،
لأنك متعرفش هيخلص امتى..
وافتكر إن كل إنسان بيتولد وبيفضل عايش طول حياته:
(عشان يكتشف نفسه)

ابوحمدي2012

منتدى شباب ميت عزون /><!--
بداية قالب الموضوع الاصلي - www.meetazoon.com --><br /><font color=

الموضوع الأصلي : عايش طول حيــاته عشــان يكتشف نفســه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: ابوحمدي2012

تاريخ التسجيل : 29/11/2009

عايش طول حيــاته عشــان يكتشف نفســه 304957

الموضوع الأصلي : عايش طول حيــاته عشــان يكتشف نفســه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: فارس بلا جواد

تاريخ التسجيل : 27/04/2009

هلا بو حمدى حبيب قلبى انت عامل ايه
منتدى شباب ميت عزون /><br /><font color=

الموضوع الأصلي : عايش طول حيــاته عشــان يكتشف نفســه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: قاهر الحب

تاريخ التسجيل : 02/05/2009

موضوع في الجوووون

تحديد أهدافك شيء مهم ، ممكن يبقى هدف سهل وواضح وصريح وتبدأ تسعى له ، وممكن يبقى هدف محتاج لف ودوران وتعب بس في النهاية ممكن توصل له . وممكن هدف مستحيل توصل له .

السعادة ممكن تكون في الوصول لهدفك ، لكن السعادة الأكبر ممكن تبقى في السعي نفسه لهدفك . التجربة شيء ممتع جدا .

وأهم حاجة أننا لازم نعتقد أن حياتنا قابلة للتغيير ، وبأننا ما وصلناش لأقصى مدى لينا ، ولا أن الطريق إللي ماشيين فيه هو الطريق إللي مش هنمشي إلا فيه .

مثلا / ممكن تعتقد أن المهنة إللي أنت فيها دي هتقضي عمرك كله فيها ، لكن ممكن تتفاجأ انك مضطر تغيرها أو أنك سبتها لأي ظرف من الظروف . وهتلاقي نفسك بتبدأ من الصفر .... ساعتها هل هتحبط ؟

لا طبعا ... افتكر أن زي ما قدرت توصل مرة إن شاء الله هتوصل مرات ومرات . المهم في النهاية أنك تحاول ما تبقاش تقليدي في تفكيرك .

غامر :

في الحياة جرب حاجات كتيرة ، أنت لسه صغير في العشرينات ولسه ما اتجوزتش .... إمال هأخاطر إمتى ، لما اتجوز ويبقى عندي ( كوم لحم ) ؟ في فترة العشرينات نقدر نغامر ونجرب أكتر من التلاتينات .

اتمرمط :

كل ما تتمرمط في الدنيا وأنت صغير ، هترتاح وأنت كبير . وصدقني ... الكل بيدور على نفسه . وكل ما جربت اتجاهات كتيرة كل ما قربت توصل لنفسك .
منتدى شباب ميت عزون /><br /><font color=

الموضوع الأصلي : عايش طول حيــاته عشــان يكتشف نفســه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: ضياء الحق

تاريخ التسجيل : 14/06/2009

بارك الله فيك موضوع قيم ورد من العضو ضياء قيم
منتدى شباب ميت عزون /><br /><font color=

الموضوع الأصلي : عايش طول حيــاته عشــان يكتشف نفســه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: الورده مريومه