| | عاوز تسافر السعودية ؟ اعرف المعلومات دي قبل م تسافر !! |  |
|
| كاتب الموضوع | رسالة |
|---|
 طير الجنة
 المتميز دائما
 عدد المساهمات : 442
نقاط : 85703
السٌّمعَة : 18
تاريخ التسجيل : 10/05/2009
الموقع : السعودية
| موضوع: عاوز تسافر السعودية ؟ اعرف المعلومات دي قبل م تسافر !!  السبت مايو 16, 2009 4:16 pm |
|
كثير من شباب ميت عزون يتمنى إنه يسافر بره
مش عشان إنه عاوز يسافر ... لكن عشان على الأقل يحاول يغير الواقع إللى هوه عايش فيه
بيته عاوز يتصب شقته عايزه تتعمل عاوز يتجوز عاوز يجوز اخواته البنات عاوز يصرف على البيت وغيره
كتير من شبابنا بيفكر بس إنه يسافر يطلع من البلد ...
لكن يروح يشتغل أيه بره دا موضوع مش مهم عنده
عشان كده حبيت أنقل ليكم فكرة عن موضوع السفر مبسطة
وبحكم إني الحمد لله ربنا كتب لي السفر إلى السعودية سأتكلم عن هذا البلد فقط
وإسأل مجرب ومتسألش خبير
أول حاجة لما تحب تسافر إلى السعودية لازم تعرف المعلومات دي فقط لاعضاء منتدي ميت عزون
لما يجيلك سفر مثلا للسعودية بيجيلك بطريقتين
1 ــ عن طريق عقد عمل مع مؤسسة أو شركة
2 ــ عن طريق فيزا حرة.
الأولي : عن طريق عقد من شركة أو مؤسسة وهوه أنك هتروح تشتغل عندهم بوظيفة كذا وراتب كذا وفي الأغلب بيكون الموضوع ده فيه تحكم فيك شوية وكمان متقدرش تغير شغلك وتروح مكان تاني أفضل لأنهم ببساطة بيهددوك أنهم يعطوك نهائي ومن الأساسيات في هذا النظام عشان مفيش حد يضحك عليك إنك تتأكد من الآتي: 1 ــ إن قيمة تكاليف السفر وقيمة التأشيرة واستخراج وتجديد الإقامة عليهم مش عليك.
2 ــ إطلب منهم عقد عمل موقع ومختوم وموثق من عندهم من الغرفة التجارية موضح فيه موضوع فيه الراتب الأساسي ونسبة العمولة وبدل السكن وهل فيه سيارة أم لا ونوع ومكان الوظيفة وبدل الأجازة ... وغيره يعنى على قد م تقدر إتفق على أي بند قبل م تسافر
ومن الطبيعي في هذا الموضوع انك مبتدفعش مليم في الموضوع ده
واما الطريقة الثانية : عن طريق فيزا حره : يعنى هتشتري ورق يدخلك البلد بشكل رسمي وكأنك رايح تشتغل عندهم بس في الأصل همه ناس معندهاش شغل وواخدين الموضوع ده موضوع تجارة وبس
يعني هيدخلوك البلد وانته مهمتك تدور على شغل ومشكلة النظام ده إن كل التكاليف على دماغك أنته
وكمان مفيش عقد عمل ولا بيدفعوا ليك مليم مقابل أي حاجة وتقريبا الموضوع ده بيكلف حوالي 21 ألف جنيه مصري بما فيهم تخليص الورق في مصر وقيمة التأشيرة إللى سعرها تقريبا في الوقت الحالي حوالي 11ألف ريال سعودي ومصاريف استخراج إقامة وكشف طبي ورخصة قيادة في السعودية.
نصائح أخري
أكتر الكلام إللى هتسمعه في مصر من الوعود مش هتلاقيه بره
يا ريت تكون عارف هتشتغل ايه لما تسافر بره عشان متتعبش
نظام الكفالة ببساطة هو نظام استعباد أو رق بشكل جديد
بيعطي صاحب العمل صلاحية إنه يروحك في أي وقت حسب مزاجه
وبياخد منك جواز سفرك ويحملك فوق طاقتك ولو اشتكيت يهددك إنه يروحك مصر
إعلم إنك لما تيجي متكونش فاكر إن دي أرض الصحابة والرسول ومكة والمدينة وبس
لكن إفتكر كمان إن كان فيها أبو جهل وأميه إبن خلف والوليد بن المغيرة ... لأن أولادهم هنا كتير قوي
وفي النهاية نتمني للجميع بسعة في الرزق وبطول العمر
وجزاكم الله خيرا
محبكم في الله / طير الجنة
 الموضوع الأصلي : عاوز تسافر السعودية ؟ اعرف المعلومات دي قبل م تسافر !! المصدر : منتدى ميت عزون www.meetazoon.com | |
|
| | |
محمود عبد القادر
 الاداره
عدد المساهمات : 7217
نقاط : 95371
السٌّمعَة : 68
تاريخ التسجيل : 20/04/2009
الموقع : layaly2052717@yahoo
| | موضوع: رد: عاوز تسافر السعودية ؟ اعرف المعلومات دي قبل م تسافر !! السبت مايو 16, 2009 4:54 pm |
| | |
|
| | |
B7r
 المشرف المميز
عدد المساهمات : 2009
نقاط : 87183
السٌّمعَة : 13
تاريخ التسجيل : 09/05/2009
الموقع : tigar256@yahoo.com
| | موضوع: رد: عاوز تسافر السعودية ؟ اعرف المعلومات دي قبل م تسافر !! السبت مايو 16, 2009 5:33 pm |
| | |
|
| | |
WARDA
 عقل المنتدي
عدد المساهمات : 1624
نقاط : 87201
السٌّمعَة : 21
تاريخ التسجيل : 10/05/2009
الموقع : ربنا يسهل بس
| | موضوع: رد: عاوز تسافر السعودية ؟ اعرف المعلومات دي قبل م تسافر !! الأحد مايو 17, 2009 10:12 am |
| | |
|
| | |
dr21381
يسعي الي الاحتراف
عدد المساهمات : 94
نقاط : 85260
السٌّمعَة : 8
تاريخ التسجيل : 08/05/2009
الموقع : sameh_salah16@yahoo.com
| | موضوع: رد: عاوز تسافر السعودية ؟ اعرف المعلومات دي قبل م تسافر !! الأحد مايو 17, 2009 10:29 am |
| | |
|
| | |
R@MY D@WOD
 المشرف المميز
عدد المساهمات : 689
نقاط : 86110
السٌّمعَة : 6
تاريخ التسجيل : 27/04/2009
الموقع : come_from_fire77@yahoo.com
| | موضوع: رد: عاوز تسافر السعودية ؟ اعرف المعلومات دي قبل م تسافر !! الأحد مايو 17, 2009 11:40 am |
| | |
|
| | |
B7r
المشرف المميز
عدد المساهمات : 2009
نقاط : 87183
السٌّمعَة : 13
تاريخ التسجيل : 09/05/2009
الموقع : tigar256@yahoo.com
| | موضوع: رد: عاوز تسافر السعودية ؟ اعرف المعلومات دي قبل م تسافر !! الأحد مايو 17, 2009 11:59 am |
| | |
|
| | |
خالد العدل
 يسعي الي الاحتراف
عدد المساهمات : 78
نقاط : 85174
السٌّمعَة : 0
تاريخ التسجيل : 11/05/2009
| | موضوع: رد: عاوز تسافر السعودية ؟ اعرف المعلومات دي قبل م تسافر !! السبت يونيو 20, 2009 8:01 am |
|
اذيك يا طير الجنة وحشنى الجلوس معاك جداااااااااااااااااااااااااااااااااااااااااا
وموضوع قيم وموجود فعلا ونصايح غالية من اخ غالى وعزيز
بس انا معترض معاك ف نقطة انك بتقول هناك ابوجهل والوليدوامية
وما ذكرتش باقى الناس اللى انا شخصيا عشت معاهم وشكراااااا ليك
اما بالنسبة للدكتور سامح 1ملم اية يا دكتور قول 100000000000000000ملم وبنحاول نخفف وحسنى واللة
الموضوع الأصلي : عاوز تسافر السعودية ؟ اعرف المعلومات دي قبل م تسافر !! المصدر : منتدى ميت عزون www.meetazoon.com | |
|
| | |
محمود عبد القادر
الاداره
عدد المساهمات : 7217
نقاط : 95371
السٌّمعَة : 68
تاريخ التسجيل : 20/04/2009
الموقع : layaly2052717@yahoo
| | موضوع: رد: عاوز تسافر السعودية ؟ اعرف المعلومات دي قبل م تسافر !! الأحد يونيو 21, 2009 4:03 pm |
| | |
|
| | |
طير الجنة
المتميز دائما
عدد المساهمات : 442
نقاط : 85703
السٌّمعَة : 18
تاريخ التسجيل : 10/05/2009
الموقع : السعودية
| | موضوع: رد: عاوز تسافر السعودية ؟ اعرف المعلومات دي قبل م تسافر !! الأحد يونيو 21, 2009 4:57 pm |
|
أخي الغالي محمود
رداً على موضوع رغبتك في السفر إلى السعودية ، ليس المطلوب مني أن أقول لك سافر أو لا تسافر
لكني أقول لك ما هنا وأنت الذي تحدد ، فقد يكون وضعك في مصر أفضل بكثير من السفر
صحيح أن السفر سيعلمك أشياء جيدة كثيرة، فكما يقولون غربة سنة بخبرة عشرين سنة
لكن المتعب دائماً في السفر هو اننا نرغب في السفر وفقط
دون أن نحدد المهنة التي نرغب في العمل بها بعد السفر ، لكن حدد مهنة معينة في ذهنك
وإن شاء الله عندما تأتي حاول أن تبحث في حدود هذه المهنة حتى تعمل عمل أنت ترتاح له وتحبه
ثانياً ان ما يضايقنا في السفر هنا هو القوانين الغبية الموجودة هنا من نقل كفالة وتغيير مهنة
أو الانتقال من عمل لعمل أفضل وسوء استخدام نظام الكفالة لدي السعودين من تهديدنا بالسفر إذا لم
تكن على هواه أو استقدام أو عمل زيارة للزوجة لأنهم يتقيدوا بالمهنة إللى أنته جاي عليها لازم تتشتغل زيها
حتى إن فيه نكته هنا على هذا الموضوع وهي :
إن فيه أسد عايش في أفريقيا قرف من العيشية في الصحراء والجري كل يوم وراء الفرائس
قال اسافر السعودية أشتغل في أي سيرك هناك أحسن من القعدة هنا ، اشتري فيزا وجه السعودية
واشتغل في سيرك وكانوا عاملين عليه حارس سعودي،
لكن الأسد لاحظ إن الحارس كل يوم يجي ويحط قدامه صابعين موز في الصباح وصابعين في المساء
زهق الأسد وفي يوم سأل الحارس : أنته عارف أنا مين؟
قال له الحارس طبعاً عارف .. أسد من أفريقيا
قال الأسد : طيب لما أنته عارف إني أسد ليه كل يوم تحط قدامي صابعين موز ؟
قال له الحارس : لأن التأشيرة إللى أنته جاي عليها فيزة قــرد .
..... ......... .....
فهذا هو الوضع الذي نعامله ، هتعامل عقول غريبة ، وهتشوف طباع غريبة
لكن أنصحك أنك تصلي إستخارة وبعدها تحدد ، وموضوع الإختيار هذا يترك لك وحدك أنت الذي تحدده
لكن نصيحة مني : إذا كنت لا تشتكي في مصر من ضيق الرزق فلا تبحث عن سفر على الإطلاق
وربنا يوفقك ويقدر لك الخير في أي مكان ، وبعدين هتسيب المنتدي لمين !
الموضوع الأصلي : عاوز تسافر السعودية ؟ اعرف المعلومات دي قبل م تسافر !! المصدر : منتدى ميت عزون www.meetazoon.com | |
|
| | |
محمود عبد القادر
الاداره
عدد المساهمات : 7217
نقاط : 95371
السٌّمعَة : 68
تاريخ التسجيل : 20/04/2009
الموقع : layaly2052717@yahoo
| | موضوع: رد: عاوز تسافر السعودية ؟ اعرف المعلومات دي قبل م تسافر !! الأحد يونيو 21, 2009 7:09 pm |
|
السلام عليكم ورحمه الله وبركاته
اولا موضوعك اثر في روحي كتير جدا
والقصه التي طرحتها امامي للتوضيح امتع وافضل بكثير جدا
بالنسبه للراحه في مصر انا مرتاح جدا
وشغل كويس والحمد لله رب العالمين
كل هذا من فضل ربي
اما الشئ البيضايق بجد
ان مفيش فلوس في الجيب
بمعني الجاي علي اد الرايح
المال كتير بس طول منا قاعد هنا بشتري وبصرف
وبجيب اي حاجه تختر علي بالي
انما لو مسافر هعمل حساب كل قرش هطلعه من جيبي
لاني عارف اني في غربه وجاي علشان اشتغل
هتقولولي الفلوس ملهاش لزمه
اللقدر ارد عليه اقولكم اجوز منين اعمل سقتي منين
الحمد لله رب العالمين
وبشكرك علي نصيحتك دي اخي واستاذي الفاضل
تقبل تحياتي واحترامي ومدتي لحضرتك ايها المعلم الفاضل
جعل الله هذه المعلومه في ميزان حسناتك
وفعلا كلامك صحيح
اما بالنسبه للمنتدي طول ما فيه اعضاء زي حضرتك فبصراحه مفيش كلام
وكفايه الاشراف الدائما صاحي في المنتدي سواء حضرتك او ورده او رامي او بحر او اسلام او بحر
او غير ومنساش كمان العضو ضياء الحق ربنا يوفقه يارب
ويرجع للمنتدي بالسلامه ان شاء الله
شكرا لكــ اخي الغالي
الموضوع الأصلي : عاوز تسافر السعودية ؟ اعرف المعلومات دي قبل م تسافر !! المصدر : منتدى ميت عزون www.meetazoon.com | |
|
| | |
| | عاوز تسافر السعودية ؟ اعرف المعلومات دي قبل م تسافر !! | |
|
الكلمات الدلالية 
رابط الموضوع 
HTML كود الموضوع