بسم الله الرحمن الرحيم
السلام على من أتبع الهدى
&^&^&^&^&^&^&

..!!.. كشكـ الحكومه دهب ..!!..

جمله غريبه طرأت لذهنى فجأه بعد تجربه شخصيه من خلالها تأكدت أننا بنعيش أزهى عصور العداله

ومش غريب علينا إننا نشعر بالعدل بطريقة خاصه تختلف عن أى بلد أخر

فمثلاً لو عليكـ مليم للحكومه وظروفكـ زفت وجيت إتأخرت يومين هاتلاقى المليم عشره جنيه ويا الدفع

يا إما الحبس وبعدين تدفع برضه

قوانين جديده كل يوم بتصدر وتعديل مواد ودستور وطامة كبرى ومعظم الناس ودن من طين والتانيه من عجين

وبما أننا علمنا الشعوب فنون الصمت والسكوت عن الحق فمن الطبيعى نعيش حاله من الفوضى وحاله من عدم الرضا

المهم جينا فى فتره كان القائد الهمام / محمد شومان قاد حمله بعنوان " الضرائب مصلحتكـ أولاً "

وكعادتنا بنحب قوى مصلحتنا أولاً كل واحد جرى وبقى يشوف الملف الضريبى بتاعه وقيمة المشروعات اللى بينفذها

وبالتالى بيعرف عليه قد أيه ضرايب وبيسددها

الغريب فى الأمر إنى لقيت واحد محترم جايلى البيت وبيقولى لازم تحضر مصلحة الضرائب خلال الاسبوع ده

وحدد لى ميعاد وطبعاً قولت لعله خير وفـ ميعادى روحت وكالعاده بدرى نص ساعه هو فى حد يقدر يتأخر على الحكومه

المهم لقيت الموظف المحترم بيقولى عليكـ مبلغ وقدره ضرائب من سنة 2002 / 2004

طبعاً سمعت المبلغ لقيتنى حاسس بدوخه غريبه ومش عارف أوصف شعورى قعدت خمس دقايق مش عارف أقول أيه

المهم لقيتنى بسأله ممكن أعرف أيه الأعمال اللى نفذتها وهتدفعونى عليها ضرائب دى ؟

قالى لحظه وقعد يدور يمين وشمال وفى النهايه قالى مشروع تنفيذ كذا كذا

وقتها لقيتنى بضحكـ فسألنى قولت له يافندم حضرتكـ فلوس المشروع ده أنا لسه ما أخدتهاش منكم عشان أدفع لكم

ضرايبها رد وقالى إحنا مالناش دعوه غير باللى قدامنا واللى ع الورق

قولت له خلاص هاتوا فلوسى اللى عندكوا اللى بقالى سنتين بجرى عليها ولم احركـ ساكناً وساعتها خدوا ضرايبكم

وعليها الف شكر وتحيه وتقدير للقياده العليا ولمصلحة الضرايب

قانون غريب بيحكمنا دلوقتى وبعد جلسه طويله لازم أدفع ضرائب على فلوس فى علم الغيب هتيجى أمته ؟

وفى نفس الوقت عاملين نظام الفوائد يعنى الفلوس بدل ماكانت مثلاً خمسين الف شويه فوايدهم دلوقتى كام ؟

طيب

هل أنا أما أجى اصرف مستحقاتى هحط عليهم فوائد وأقول بدل ماهما مية الف عاوز ربع مليون ؟

طبعاً الفوائد من نصيب الحكومه فقط إنما أنا فلوسى متعطله بقالها سبع سنين لدلوقتى وأدفع ضرايبها وكمان فوائد

وغير كده منين بقى ماتصرفهم ربنا يباركـ لكـ فيهم يابنى

طيب عندى سؤال : مش الفوائد دى حرام وأسمه ربا وربنا حرم الربا وإحنا دوله إسلاميه صح ؟ يبقى ليه فى فوائد ؟

حقيقى أخر ماكنت أتصور وتجربه بقالى لحد دلوقتى عشر أيام مش عارف حتى أتصرف إزاى

وساعات بقول لنفسى السجن أحسن لكـ ماتظلم نفسكـ وأخواتكـ وساعات أقول ربنا كبير وسددهم ومانقص مال من صدقه

وأعتبرهم صدقه وأمركـ لله

حقيقى والله ماعارف أنا كتبت الموضوع ليه

بس طفح الكيل ومفيش بإيدنا غير إننا نحتمى بربنا ونقول يارب أخرجنا منها سالمين زى ما دخلناها آمنين " بلد الكنانه طبعاً"

..!!.. كشكـ الحكومه دهب ..!!..

ناقشنى واللى شايف إن فى حاجه غلط يقول يارب أكون بحلم

ربنا يكفينا ويكفيكوا شر الضرائب والفوائد

وأحب أكرر سؤال برضه إذا سمحتم

مش الفوائد دى حرام وأسمه ربا وربنا حرم الربا وإحنا دوله إسلاميه صح ؟ يبقى ليه فى فوائد ؟ وليه بتتطبق على

واحد عليه فلوس فى مصلحه حكوميه زى الضرائب والتأمينات

أسف على الإزعاج

دمتم فى حفظ الله

شكراً لمروركـ وردكـ الجميل

وبحترم رائيكـ طبعاً لأن فى دول كتير فى العالم مش بتفرض ضرائب أساساً

لكن هنا بنتعامل بحجة المعاشات وكل ما يخص الشئون الاجتماعيه

لكن فى نفس ذات الوقت فى جانب كبير فيه ظلم علينا كمواطنين يعنى لو قولنا

على سبيل المثال بدفع ضريبة مبيعات 5% من قيمة الاعمال طيب أساساً مكسبى قد أيه عشان تاخد من القيمه

5% ؟؟؟؟؟؟ دى حاجه

والحاجه التانيه الصحوه اللى شفناها الصحوه الاعلاميه عن الضرائب اللى جات زى مسكن للناس

أما لقينا شباب بيقول عايز حقى قالوا نشغلوهم بفاتورة الحلاقين عشان يبطلوا يقولوا حقنا وفى النهايه احنا المستفيدين



لكن لازم فى النهايه نتكلم لأننا لو فضلنا ساكتين ممكن بعد كده يفرضوا ضرائب على الميه اللى بنشربها

لعل القادم خير

مشكور جداً لردكـ الكريم

تحيتى لكى