 الورده مريومه
 ولاد البلد
 عدد المساهمات : 392
نقاط : 85072
السٌّمعَة : 3
تاريخ التسجيل : 14/06/2009
|  موضوع: بركه شراب ابو تريكه من اختكم مريومه  السبت نوفمبر 28, 2009 9:39 am |
|
«أبوتريكه.. أبوترييكة.. أبوتريييييكة» قالها الشيخ المعمم فى حماس فى الميكروفون الذى تردد صداه فى السرادق المقام لإحدى المناسبات الدينية فى إحدى القرى..
وانطلق يحكى للجالسين كيف جعل من النجم الأهلاوى محور أكثر من خطبة من خطبه الدينية ليحمس الشباب ويدعوهم للتشبه بالنجم الخلوق.. «ما بيخرجش من بيته غير لما يقبل قدم والدته» قالها فى ثقة واحد عايش معاهم كل يوم.. إيش عرفك يا سيدنا؟.. ما علينا فلنعتبرها من باب المبالغة اللى هتفيد لتأكيد فكرة احترام الوالدين ومش هتضر..» يترك الجميع فى احتفالاتهم وصخبهم ويجلس فى ركن ليصلى ويتعبد».. والله جايز برضه.. مش بعيد.. أنا فاكره يوم ماجابوا (نانسى) تغنى للمنتخب كان الوحيد اللى اختفى من أرض الملعب بينما التف حولها بقية اللاعبين وعلى وشوشهم ملامح السعادة اللى بتفكرك بسعادة الأيتام فى رحلة (دريم لاند) بتاع أول أبريل.. «ماكانش معاه تمن الكوتشى.. دلوقتى بقه صاحب ملايين».. فيها سنة نفسنه دى لكن برضه مش وحش، تشجيع للشباب.. «ما كانش قادر يشترى كورة كان بيلعب بكورة شراب.. شراب.. شراب أبوتريكة.. شراب أبوترييييكة ــ البركة ــ ونعم الشراب»... أهى ونعم الشراب دى بقه بدأت تنرفزنى.. «إنه يقوم الليل.. يصلى والناس نيام».. طب دى إيش عرفك بيها بأاااه؟..
كده فاضل دقيقة ويقول (رضى الله عنه أو عليه الصلاة والسلام).. الشيخ صاحب الخطبة بالطبع أهلاوى يمارس عادة المصريين المفضلة.. نطلع باللى بنحبه لسابع سما ونقربه من مصاف الملائكة والأنبياء وننزل بالباقين سابع أرض.. الشيخ الأهلاوى ــ بعيدا عن مبالغاته الزائدة عن الحد ــ له بعض الحق فى اختيار موضوع خطبته، فبالتأكيد (أبوتريكة) شخص يستحق الاحترام وأن نقدمه كقدوة للشباب والإنترنت يمتلئ بفيديوهات ومقالات وأعمدة تحمل المعنى ذاته لكنها لا تعد نقطة فى بحر الفيديوهات والمقالات والأعمدة التى تتحدث عن أخطاء وفساد وأحيانا غباء الكثيرين.. كلنا مثل الشيخ الأهلاوى نبحث عن بارقة أمل.. قصة إيجابية لشخص إيجابى تحسسنا إن الدنيا لسه بخير ولكل مجتهد نصيب..إن لسه فيه ناس بتتقى ربنا وبتشتغل بذمة وبتخلص فبالتالى بتحظى بإعجاب وحب وتكريم الآخرين.. أكيد إنت زيى نفسك تفتح إيميلك يوم تلاقى حد باعتلك مقال (تكريم طبيب شاب يعالج الفقراء بالمجان).. تفتح اليوتيوب تلاقى فيديو (منح وسام لسائق تاكسى وجد مبلغ من المال وأعاده لصاحبه).. تفتح الفيس بوك تلاقى جروب (ياللا بينا نبارك للمدرس اللى عاش عمره يساعد تلاميذه على رفع درجاتهم بلا مقابل على تكريمه من رئيس الجمهورية).. والمهندس اللى صمم مبنى جميلا ورجل المطافى اللى أنقذ عيلة من الموت..تفتح التليفزيون تلاقيه مليان ببرامج بتعرض حالات إيجابيه لناس تستحق الاحترام بدل برامج الفضايح اللى بتكشفلك إن الفنانة الفلانية خانت جميع أزواجها والمحامى الفلانى ما بيردش على خصومه غير بالجزمه.. ليه مافيش قدام كل صفحة حوادث صفحة تكريمات؟.. وقدام كل برنامج فضائح دقيقة واحدة حتى من برنامج يعرض حالة إيجابية لشخص يستحق الاحترام؟..
مش بس لاعب كرة ولا مطرب ولا فنان.. ناس كتير عادية زيى وزيك كل يوم بيعملوا حاجات تستحق التقدير والتكريم. ليه ماحدش بيدور عليهم ويكرمهم ويخللى الباقين يحاولوا يقتدوا بيهم ويقلدوهم؟.. وقتها هيلاقى فضيلة الشيخ الأهلاوى ومشايخ آخرون وآباء وأمهات ومدرسون ومدرسات أشخاص يقدروا يقدموهم لأولادهم وتلاميذهم ليقتدوا بهم ويتبعوا خطاهم على الأقل وقتها سيجدون كلاما أكثر واقعية واتزانا ولن يتطرق الحديث إلى بركة شراب أبوتريكة ولا بركة فانلة حازم إمامسلامو عليكم
 الموضوع الأصلي : بركه شراب ابو تريكه من اختكم مريومه المصدر : منتدى ميت عزون www.meetazoon.com | |
|
فتاه من زمن قديم
 المميز
عدد المساهمات : 1389
نقاط : 86845
السٌّمعَة : 18
تاريخ التسجيل : 25/04/2009
| | موضوع: رد: بركه شراب ابو تريكه من اختكم مريومه السبت نوفمبر 28, 2009 2:02 pm |
| | |
|
الورده مريومه
ولاد البلد
عدد المساهمات : 392
نقاط : 85072
السٌّمعَة : 3
تاريخ التسجيل : 14/06/2009
| | موضوع: رد: بركه شراب ابو تريكه من اختكم مريومه الأحد نوفمبر 29, 2009 3:50 pm |
| | |
|
جوليت هذا العصر
 يسعي الي الاحتراف
عدد المساهمات : 161
نقاط : 82375
السٌّمعَة : -1
تاريخ التسجيل : 23/11/2009
| | موضوع: رد: بركه شراب ابو تريكه من اختكم مريومه الأحد نوفمبر 29, 2009 4:20 pm |
|
انا مش هقولك انك بتبلغى فى كلامك
بس هقولك موقف صغير لمحمد ابوتريكة
انا عن نفسى شفته
كانوا مسافرين راحين يلعبوا ماتش
والمذيع رايح يعمل معاه حوار كان الاذان بيأذن
توقع اللى انت بتكلمى عليه ده قال اية
قال كلمه واحدة ومشى
بسم الله الرحمن الرحيم
ان الصلوة كانت على المومنين كتابا موقتا
صدق الله العظيم
بيتهايلى اوى دى كفايا ان احنا نخدوه قدوه اوى يعنى
ومش معنى كدة انى مش مع كلامك فى شخصيات تانية تستاهل التقدير والاحترام
بس اللى متاكدة منه ان ابو تريكة واحد من دول
الموضوع الأصلي : بركه شراب ابو تريكه من اختكم مريومه المصدر : منتدى ميت عزون www.meetazoon.com | |
|
محمود عبد القادر
 الاداره
عدد المساهمات : 7217
نقاط : 95371
السٌّمعَة : 68
تاريخ التسجيل : 20/04/2009
الموقع : layaly2052717@yahoo
| | موضوع: رد: بركه شراب ابو تريكه من اختكم مريومه الأحد نوفمبر 29, 2009 4:30 pm |
|
للأسف يا أستاذة أمام كل نموذج إيجابي 50 نموذج سلبي و خاصة في مجالات الرياضة و الفن و الإعلام و لهذا يتوقف الكثيرون عند أبوتريكة باعتباره نموذج مشرف تحت بؤرة الضوء و لا يحملون أنفسهم عناء البحث عن آخرين في مجالات يقف أصحابها في الظل بعيدا عن فلاشات المصورين سعيد بموضوعاتك النابعة من القلب ..إستمري
الموضوع الأصلي : بركه شراب ابو تريكه من اختكم مريومه المصدر : منتدى ميت عزون www.meetazoon.com | |
|
اسلام ناجي محرم
 المتميز دائما
عدد المساهمات : 736
نقاط : 86126
السٌّمعَة : 2
تاريخ التسجيل : 29/04/2009
الموقع : wentersonata2000@yahoo.com
| | موضوع: رد: بركه شراب ابو تريكه من اختكم مريومه الأربعاء ديسمبر 02, 2009 1:06 pm |
| | |
|
ليه
الكلمات الدلالية 
رابط الموضوع 
HTML كود الموضوع