_واحده صاحبتى من فتره بتتصل تسلم عليا وبعدين سألتنى وقالت:
انتا مبسوط ؟؟؟؟؟
اول مره حد يسألنى السؤال ده!!
_دايما كنت اسأل نفسى ايه الاحسن انك تحب ولا تتحب.
لما شفت دموع صاحبتى وهى بتحكيلى عن خيانة جوزها
اول مره اعرف ان الاحسن انك تتحب.
_واحد من اصحابى فى الشغل بصلى وابتسم جدااااا فى احد المرات وقالى
مشكتك انك محترم زياده عن اللزوم!!!
اول مره اعرف ان الاحترام باه مشكله.
_سمعت رئيس الوزراء مرة بيقول فى مجلس الشعب بيقول بالحرف الواحد
آن الاوان لشعب مصر ان يمارس حقوقه والحياه السياسيه
اول مره اعرف ان الشعب ليه حقوق..
_لما كانت جدتى نايمه على السرير ووطيت بوستها
اول مره متردليش البوسه لانها كانت ماتت ودى كانت قبلة الوداع.
_لما سمعت فيفى عبده وهى بتقول انها كانت السبب فى ان العمله الصعبه بتدخل مصر
اول مره اكتشف ان اللى بنى مصر كان فى الاصل رقاصه.
_ ابن خالى المفعوص فى 3 اعدادى ومش عاوز يروح الامتحان لانه باه مقتنع ان التعليم ملوش فايده
ولما كلمته وقلتله التعليم ده اللى هيخلى منك بنى ادم بصلى وقالى اخويااتخرج اهو ومش بيشتغل
تفتكرى هو كده اصلا بنى ادم؟!
اول مره اعرف ان الجيل الجديد كبر وكبر جداااااااااااا كمان.
_لما سمعت وزير الماليه وهو بيقول العلاوه هتكون 5% اجيبلكوا منين؟
اول مره اعرف اننا بنشحت فلوسنا...على اعتبار ان الضرايب دى مش فلوسنا.
__مره تعجبت من طريقه تهريج زميل وزميله ليا وخصوصا انه تهريج بالايد
بصلى الحاضرين وقالولى انتا بس اللى محبكاها شويتين
اول مره اعرف ان الاخلاق اتغير اسمها وباه اسمها الجديد محبكاها..
_لما سمعت ان رحلات الوزرا ومرافقيهم اتصرف عليها 100 مليون جنيه
اول مره اعرف ان شعبنا جميل,, يتسرق ويصقف(على رأى صبحى فى تخاريف)
_ لما شفت حالة صاحبتى بعد انتهاء قصه حب مدتها 8 سنين
اول مره افهم واشوف يعنى ايه قلب مكسور.
_لما ابن اخويا اللى عنده سنتين نور عيلتنا,
اول مره افهم يعنى ايه حفيد ويعنى ايه اعز الولد ولد الولد
كل ده من نظره امى ليه.
_فيفى عبده قالت ان الاجانب كانوا بيجوا مصر علشان 3 حجات
الاهرامات وابو الهول وهى.
اول مره اعرف ان فيفى من الحفريات
_رمضان اللى فات اول رمضان يعدى وجدتى مش معايا (الله يرحمها ويرحم اموات المسلمين جميعا)
اول مره احس انها وحشانى جداااااااااااااا ووحشنى وقت الفطار لما كنت بتصل بيها واقولها
ادعيلى انتى دعوتك مستجابه ودا وقت استجابه الدعاء ادعيلى بكذا وبكذا اوعى تنسى,,
وكانت تضحك وتدعيلى وفى الاخر تقولى
ربنا يريح قلبك وبالك ...ويزوقئك بيبنت الحلال وحشتنى اوى الدعوه دى.
_لما بشوف برنامج(واحد من الناس)للمذيع الرائع عمرو الليثى بستغرب ان فى مسؤلين
مش بيشوفوا شغلهم بضمير...
ولاول مره بشوف مصر وعليها شاره سودا..
__طول عمرى مش بضحك من مسرحيات ولا افلام عادل امام
اول ماشوفته مع عمرو الليثى
جاتلى هيستيريا ضحك.
كنت بحلم بقصه حب مفيش اطهر ولا احلى منها لحد مدخلت الجامعه
وفوجئت بواحد لسة اعرفة من ساعة بيقولى شايف اللى هناك دى متراهن عليها بعلبة سجاير...
اول مره احس ان حد بيكسر حلمى وبيشوه صورته لحد
مختفى الحلم ومبقتش بشوفه
مستنى منكم مشركتكم فى التوبيك بأفكركم بكل ما لديكم من قوة ومتنسوش احنا هنا علشان نحطم ( اقعنة الوهم الكدابة )
وذى ماقتولكم
لو مخنوق بجد حان وقت التغير الع هدومك وانزل الترعة
الأربعاء ديسمبر 16, 2009 7:29 pm
الموضوع الأصلي : 
الكلمات الدلالية 
رابط الموضوع 
HTML كود الموضوع