فـضـفـضـه

تاريخ التسجيل : 10/05/2009

أنا كتبت الموضوع ده من مده

ومكونتش بهتم أوى بالكتابه

أد ما كنت معتبرها فضفضه فعلاً

يارب يعجبكم أنا كتباه بأسلوب ساخر

ـــــــــــــــــــــــــــــــــــــــــــــــــــــــــــــــــــــــــــ
مش عارفه حبيت افضفض وبما ان مش حد بيقرا اللى بيتكتب فعادى

كأنى بكتب مذكراتى بقى

وبكره هلمع وهبقى حد مهم هو مش بكره بكره يعنى

بس كل شىء وارد

من كام سنه فاتو كان عندى ست جارتنا

الست دى كان تصميم بيتهم زى الفيلل كدا او كان فيلا فعلا

وانا بيتنا زى اى بيت عالى جدا فطبعا كانت كل المنطقه بتشوف بيتهم

عارفه هتقولو واحنا مالنا بالحكايه دى

اصبرو بس ما انا جيالكم فى الكلام اهوه

كانت هوايه عندى انى اقعد اتفرج على الست دى

هيا كانت ساكنه لوحدها فى البيت ده

ماشى لوحدهاااااااااا

ومع ذلك كانت 24 ساعه مش بتبطل كلام وبصوت عالى جدا

فى مره سألت ماى مازر

قالتلى دى ساكن معاها ارواح

قولتلها ودى حاجه حلوه؟

قالت لا مالناش دعوه بيهم وهما كمان

يجعل كلامنا خفيف عليهم

طلعت على السطوح واخدت كتاب

وعملت ال بذاكر

عشان اتبعها من قريب

لقيتها بتتخانق مع حد هو اصلا مفيش حد

وكانت بتشوح جامد بأديهااا وبتقول
( لاء ما انا مش هسكت اه انا ما يتعملش معايا كدا لالالالالا

عيب انسو بقى حرام كل حاجه وليها حد)

انى اشوف روح ترد عليها ولا تقولها حقكـ علينا

او روح تخودها قلمين وتقولها اتلمى ابدا

كنت أعرف أستاذ علم نفس أو بيدرس كدا يعنى

كلمته عنها قالى انا عارف الست دى اتظلمت كتير

ومش ردت على الظلم فا بالتالى مقضيه اغلب وقتها بتقول اللى نفسها تقوله وبترد على نفسهااا

قولتله ما ده غلط

قالى لاء هيا بتفضفض

ولولا ده كانت ماتت من كتر الامراض

المهم اقولكم انا افتكرت الست دى بعد السنين دى ليه

النهارده نزلت اعمل شوبنج

ولقيت واحد واقف جمبى ولاحاسس بالدنيا من حواليه

وقاعد يقول (انا هقولها انا مش هخاف منها هقولها كل حاجه غاليه

وانا اجيب منين اضرب الارض تطلع بطيخ )

انا قولت جايز زعلان لان ده مش اوان البطيخ أو لسا غالى

بس انا بقى بصيت لعم الحج ده وتنحت كدا زى اللمبى لما كان بيقول نعم وهو مش فاهم حاجه

قالى (يابنتى ما انا هطق اعمل ايه العيشه نار والواحد مخنوق ومش عارف يلقيها منين لو سكت هتجيلى نقطه )

كنت فاكره نقطه دى يعنى فلوس اكتشفت انها اللى بتتحط فى اخر الجمله

قولتله سيبها لله ياعم الحج ومفيش حد بيموت من الجوع

صراحه بصلى وسبنى ومشى يكمل كلام مع روحه

ووالله لقيت بنت تانيه لسا صغيره واقفه بتكلم الفترينه وتقول هدخل هنا فى يوم اه كل حاجه ممكنه

فى ايه ياناس!!!!!

هو الشعب كله بقى يفضفض ولروحه

انا كتبت ده لانى حابه اقول ان نهاية الكبت انفجار

الناس دى مش حبه تبان مجانين ولا حبه انها تكون فرجه لياا اولغيرى

بس الناس دى مطحونه وتعبانه وشقيانه عشان كام ملطوش كل اخر شهر

وف الاخر مش بيكفو نص احتيجاتهم اليوميه؟

العيب فين يا جماعه؟

على فكره انا عارفه العيب فين

وانت وكل واحد عارف

عارفين العيب فين ومش بنقولو غير للارواح

حرام لما اشوف ملايين واقفه ادام افران العيش

وياعينى من كتر التعب بيقعدو جوه الطابور

لاء دا بيموتو كمان

لما راجل ينزل فى أمان الله يشترى بجنيه عيش يرجع جثه

المفروض الورثه يوزعو العيش بقى على بعض

الولد رغيفين والبنت رغيف

والأم تمن رغيف

آه دا شقى الراجل وتعبه

مش حرام؟

حرام لما ابسط حقوق فى بلدنا نخودها بالضرب

حرام لما مواطن مطحون وغلبان يموت من الجوع

أو يموت محروق

أو غرقان

أو لأنه مش لاقى تمن دواا؟

فى بلدنا ناس بتموت من كتر الأكل

وناس بتموت لأنها مش لاقيه العيش

حرام لما ألاقى ست كبيره بتنبش فى الزباله

وبتمسح بواقى العيش وتخودها فى كيس

حرام لما ناس فى قمة العقل تمشى تكلم روحهااا

حرام وحرام وحرام

كفااااااااايه

تعبت

بس كلنا بنكتفى بذكر الكلام ده بينا وبين الارواح

كلنا اخرنا نفضفض مع روح سكنانااا

عن اذنكم بقى عندى كلمتين مع الارواح

ــــــــــــــــــــــــــــــــــــــــــ

رجاء

فلتقل خيراً أو لتصمت

منتدى شباب ميت عزون /><!--
بداية قالب الموضوع الاصلي - www.meetazoon.com --><br /><font color=

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: WARDA

تاريخ التسجيل : 20/04/2009

انا عن نفسي اصمت لما الاقي حل

لأن ما باليد حيله .... ادي حال الدنيا

ولازم اي واحد يفضفض مع نفسه

هيعملوا ايه ما غلو الاسعار وغيره وغيره ياورده والله حرام

الواحد مش عارف يشيل قرشين لنفسه للزمن

علي رأي المثل الجاي علي اد الرايح

وعلي راي المغني بتاع حضروو*** الجبته خدته وحطينا عليه ****

مش هقول غير لينا رب كريم

وان شاء الله هحاول اكتب كلمتين كويسين في هذا الموضوع

موضوع مميز ياورده وتعبيرات موضحه

بس احلي حاجه عجبتني في الموضوع اللنتي شبهتي نفسك باللمبي

اللمبي دي اسطوره ياجماعه

وكمان البنت الصغيره دي

كلنا كنا كده كنا نقف ادام محل ام علي ابو نعيم او خالتي نوال

ونتكلم روحنا يااااه كنا صغيرين بقي

تسلم ايدك ولوحه مفاتيحك ياورده

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: محمود عبد القادر

تاريخ التسجيل : 03/05/2009

يا حفيظ يا رب
هو ايه ارواح ومش ارواح
يجعل كلامنا خفيف
هههههههههههههههههه
ايه يا ورده
حد قالك ان المنتدى بتعنا مسكون ولا فيه عفاريت
ال رواح ال
والنبى خفت وركبى بتخبط على الجيران
هههههههههههههههههه

لا بجد تسلم ايدك يا اخت ورده ياللى مربيلنا الرعب

بس حلوه رجاء فلتقل خيرا او لتصمت
منتدى شباب ميت عزون /> <font color=

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: اسلام حماقي

تاريخ التسجيل : 09/05/2009

اذيك يا ورده
ده الى انتى كتباه ده ايه لهو جاى موضوع ولى اى حاجه بس ده كلم وخلص
ارواح وست عيش فى الفله لوحده
اولن مفيش وحد فى بلدنا عيشا فى فيله لوحده
وعلى كلن حكايه حلوه بصراحه
منتدى شباب ميت عزون /> <font color=

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: B7r

تاريخ التسجيل : 05/05/2009

فضفضة
علي فكرا كلهم بيكلمو ارواح بس ارواحهم همه
يكلمو نفسهم احسن من الي بينتحرو من الغلب . يعني لا صوت ولا صورة حراااام
وللا ايه يا warda

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: القناع

تاريخ التسجيل : 02/05/2009

على فكرة عاوز اهنيكى على الموضوع
بس مع احترامى مش دا مكانه واديكى شفتى الردود بنفسك بس good
منتدى شباب ميت عزون /> <font color=

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: demetry

تاريخ التسجيل : 09/05/2009

انا معتش داخل عشين طير زعل منى
منتدى شباب ميت عزون /> <font color=

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: B7r

تاريخ التسجيل : 02/05/2009

أنا كنت هألف وأدور وأفضل أقول كلام كتير ملخصه

أن الناس دي غلابة لازم تقوم بالـ " فضفضة "

فالعنوان فعلا فعلا أوجز كل شيء ، وأعطى المشكلة تفسير ..

ماهو لو ما فضفضوش هيدفعوا فلوس أكتر .... فين ؟

عند دكاترة الطب النفسي إللي الكشف مش هيقل عن خمسين جنيه

وشوفي بقه هيجيبو علاج بكام ، وقد إيه

فيقولو ......... مفيش أحسن من أبو بلاش ... مفيش أحسن من الـ " فضفضة "
منتدى شباب ميت عزون /> <font color=

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: ضياء الحق

تاريخ التسجيل : 23/04/2009

كل ده بسبب الاسعار

الكتاب في الكليه بكام

ولو مشترتوش ايه الهيحصل

ومصاريف وغيره

والمواصلات كل يوم

الحمد الله ان الناس عايشه

بحمدك يارب

مصر لسه بخير
منتدى شباب ميت عزون /> <font color=

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: dl3 banoota

تاريخ التسجيل : 29/05/2009

والله موضوع جميل بجد

طريقه جميله اوى فى نظرى فى البوح باسرار النفوس موضوع يجعلنى اشعر

كأنى عاوز افضفض

بجد قصه وحكايه جميله والله لو اتعملت مسلسل يكسر الدنيا

والاستاذ بحر هو يعنى لما تقول قصه لازم تكون حقيقه تقريبا فى لبس فى الموضوع لحضرتك

التوبيك دا عباره عن طريقه ومثال لحال الدنيا ال احنا عايشينها

ناس كل همها يا تسافر يا تتجوز عرفى

مبقاش حد عاقل ولا حد فاهم اى حاجه

دنيا كل يوم بتوحش
شباب يدفع فلووووووس كتير علشان يهرب من هم الدنيا هنا ويموت فى البحر فى رحله الله اعلم

ناس ولا عارف تلاقى شغل ولو مشتغلتشى الناس تضحك عليها ولو اشتغلت يقولم شوفوا
دا متعلم وشغال ايه ودا جاهل وشغال ايه

وفى الحقيقه الجميع جهلاء

عجبنى رد احد الاصدقاء عليكى يا ورده demetry
قالك دا موش مكانه لان الناس اساسا موش عاوزه تفهم ولا تتطور
بلد كلها غلط فى غلط

لكى الله يامصر

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: Mr.Rock

تاريخ التسجيل : 09/05/2009

والله رضوض عسل بجد يعنى ايه الكمال ده منورين المنتدا
منتدى شباب ميت عزون /> <font color=

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: B7r

تاريخ التسجيل : 10/05/2009

أخى//محمود

بشكركـ على ردكـ ده

وزى ما انت قولت

الغلا طال كل شىء

أبسط الحاجات بقيت غاليه على المواطن العادى

هضربلكـ مثال صغير بطبخه فى كل بيت

كانت بتقضى

وبتكون فى المتناول(العدس)

دا كان ب3ج الكيلو

يعنى اى حد عادى ممكن يقضى بيه

لما بقدرة قادر يبقى15ج الكيلو

يبقى فى حاجه غلط

طيب الراجل الغلبان اللى يدوب مقضيها بالزق ياكل أيه؟

هو طبعاً رخص تقريباً بقى ب10

ودى سياسه كبيره اوى

عارف ليه

لما ارتفع للمبلغ اللى هو15

وبعدين نزل ل10

فكل الناس عاش الريس

تحيا الريس

رخصت الاسعار

واخد بالكـ انت التفكير وكدا يبقو ضربو عصفورين بحجر واحد

بس قولى اللمبى دا إسطوره؟

على أساس أنه حفر قناة السويس

متشكره يا محمود على ردكـ الجميل

أخى //إسلام

يارب كنا نقرا كويس ونفهم المضمون

وبعدين عيب تخبط على حد فى القياله

وأبقى هات طاسة الخضه

متشكره يا اسلام على الرد

أخى //بحر

الحمد لله تمام

واللى كتباه اللى لا جاى موضوع ولا جاى حاجه

مجرد كلام

بس لو ركزت شويا كنت هتفهم ان دى سخريه على أوضاع عيشينها

مشاكل ×مشاكل

بتؤدى لكبت

ولازم نفضفض عشان نتسمع

ومعلش ياسيدى حرمت أكتب تانى

أخى // القناع

معاكـ حق

كلنا بنفضفض لروحنا وبس

بنخاف صوتنا يخرج من جوانا

وعلى رأيكـ أحسن ما ننتحر

دا طبعاً إذا ما موتناش من الغُلب

مودتى لكـ واحترامى

أخى//ديميترى

متشكره جداً على ردكـ

بس أنا شايفه إن ده مكانه المناسب

لأنه تقريباً شكوى من أوضاع غلط

والردود دى كنت متوقعها بدليل الرجاء الأخير

مودتى واحترامى لكـ

أخى//ضياء الحق

أوجزت فى ردكـ

فالحل هو الترويح عن النفس

حتى لو إتهمونا بالجنون

فلابد من فضفضه

نُخرج بها ما بنا من ألم

ونسخط على المجتمع كيفما يحلو لنا

فالفضفضه مجاناً

مودتى لكـ واحترامى

أختى //دلع بنوته

فعلاً كل ده بسبب الاسعار

وضيفى عليه موت الضمير

وجشع التجار

ومواصلات بالذل

كدا تبقى فله

متشكره ليكى على ردكـ ومروركـ

أخى//مستر روكـ

قريت ردكـ كتير

وسمعت فضفضتكـ

اللى بتدل على حد فاهم

وعايش معاناة الناس

وحاسس أيه وجعها وأيه تعبها

روكـ انا عارفه إننا مهما عملنا مش هنرضى الناس

لأن ببساطه الناس عمرها ما هترضى

وزى ما أنت قولت مش دا مكان الموضوع

لأن الناس ما بقتش تحب كلمة الحق

او اللى يصارحها بعيوبها

ويفتح عنيها على مشاكلها

بقو عملين زى النعام

عايزين يدفنو راسهم فى الرمل

ومتهىء ليهم كدا انهم تمام وفى آمان

وفعلاً لكـِ الله يا مصر

بشكركـ على ردكـ الجميل

مودتى وخالص تقديرى للجميع

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: WARDA

تاريخ التسجيل : 09/05/2009

والله ما نقدر نستغنى عن موضيعك بجد دى موضيع جميله جدا نايس موضيع
منتدى شباب ميت عزون /> <font color=

الموضوع الأصلي : فـضـفـضـه المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: B7r