| | حوار الأجيال .... موضوع يموت من الضحك ولازم تقراة اوعي يفوتك |  |
|
| كاتب الموضوع | رسالة |
|---|
 my egypt star
 يسعي الي الاحتراف
 عدد المساهمات : 78
نقاط : 77960
السٌّمعَة : 3
تاريخ التسجيل : 05/09/2010
| موضوع: حوار الأجيال .... موضوع يموت من الضحك ولازم تقراة اوعي يفوتك  الإثنين سبتمبر 27, 2010 3:16 am |
|
حوار الأجيال .... موضوع يموت من الضحك
egypt stars group
تقدم
لكم ها الموضوع المميز
وياريت يعجبكم اوي
وانا واثقة انة اكيد هيعجبكم
وانا هستني منكم الردود اكيد
حوار الأجيال .... موضوع يموت من الضحك
حوار بين الجد و حفيدته و ذلك عام 2090
و دارت الأيام
..........
الجد تامر فى حوار ممتع و شيع مع حفيتدته يحكى لها أيام زمان أيام 2008 و أيام العز
الحفيدة : جدو تامر إزيك .. حلو البدي اللي انت لابسه ده .. بس ده موضة قديمة قوي يا جدو
الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا
الحفيدة : أيوه بس مش حاسس إنك مخنوق وانت لابسه؟
الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما
كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة آخر روشنة
الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام
سنة 2002م ، هو الواحد فينا كان يستجري يشرب سيجارة البانجو ولا يسحب له سطر بودرة
قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها
أخلاق
الحفيدة : معقول يا جدو؟ للدرجة دي!!؟؟
الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين
دول .. يعني الجيبة كان لا يقل طولها عن شبر ونص .. وكانوا الستات يلبسوا فوقيها بلوزة
باستمرار ..مش زي دلوقتي!
الحفيدة : يا خبر .. وإيه كمان ياجدو
الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين
حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من
الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين
وآخر طحن .
الحفيدة : وبعدين
الجد : وبعدين كنا نسمع على حاجة اسمها اسطوانات ليزر ، ودي صحيح انقرضت ، بس كان
ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي
في الشارع كده ،، كانت أيام جميلة
الحفيدة : حكاويك ممتعة قوي يا جدو .. ثانية واحدة بس لما أصحي سوسو صاحبي لأنه بايت
معايا في الأودة من امبارح ..
(بعد عدةى دقائق) هيه يا جدو .. وبعدين
الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما
يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ،
وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى
الروقان اللي كنا فيه؟
الحفيدة : 70 مليون بس؟
!!
الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه
الدم كان يبقى بخمسة وعشرين جنيه أو بتلاتين جنيه ، وكان أتخن جوز جزمة ب 250 جنيه ،
وكان الواحد يقدر يشتري شقة تمليك بـ 150 الف جنيه بس .. وكان الدولار بخمسة جنيه بس
تخيلي بقى؟
الحفيدة : ما هو علشان كده كان الجواز على أيامكم كان سهل خالص
الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز
على طول ، وما كانش عندنا الأفكار الغريبة اللي بتعملوها دلوقتي علشان يتعرفوا على بعض
أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي
على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها
الحفيدة : ده انتوا كنتوا متزمتين خالص ياجدو !!!
الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان
لما يدخل الأسانسير ويلاقي جاره في الأسانسير ممكن يفكر يصبح عليه ، ومش بعيد كان يسأله
عن أحواله .. وكانوا أهل الفن محتشمين جداً وكانوا دايماً يطلعوا بالكومبليزون والمايوهات
البيكيني ، وكان لا يمكن التلفزيون يذيع أفلام جنسية في السهرة زي كل احدى وخميس دلوقتي ،
والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله
يرحم دي أيام
الحفيدة : رايح فين يا جدو
الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز
أروح أطمن إذا كانت اللحمة وصلت ولا لأ .. تشاو .. سي يو
تانى اسبوع فى نفس العام
..
الحفيدة : إيه يا جدو تامر .. بقى لي زمان ما قعدتش معاك ..
الجد : وهو أنا عارف أتلم عليكي خالص ..
الحفيدة : أصل أنا وصاحبي أخدنا الولد من الحضانة ..
الجد : ولد!! ولد إيه اللي أخدتوه من الحضانة؟
الحفيدة : آه صحيح أنا نسيت أقول لك .. أصل أنا جبت ولد من سوسو صاحبي ..
الجد (وقد احولت عيناه قليلاً) : يا بنتي هو انتو اتجوزتوا لسه ..
الحفيدة : يا سلام عليك يا جدو .. إنت عليك تحاكيم غريبة .. طيب إيه اللي يمنع نخلف من غير
جواز ..
الجد: ما ينفعشي يا بنتي ..
الحفيدة : أنا شخصياً عملتها ونفعت ..
الجد : مشكلتي إني ما باعرفش أزعل منك يا عكروتة ..
وسميتوا المحروس إيه بقى ..
الحفيدة : سميناه (دوت كوم) ..
الجد : نعم .. دوت كوم؟ .. أنعم وأكرم وده بقى لما تعوزي تنادي له تدوسي (إنتر) ولا إيه
بالضبط ..
الحفيدة : ها ها ها ها .. إيه الخفة دي يا جدو .. والله فكرة .. لما أعوز أنده له أدوس إنتر
..
ولما أحب أقول له روح أودتك أدوس (ألت وإف4) .
الجد: وأخدتوه من الحضانة وديتوه فين بقى؟
الحفيدة : وديناه النادي الصهيوني ..
الجد : النادي الصهيوني؟
الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة
ئ الشؤون الاجتماعية .. وده بيعلم الأطفال حاجات ظريفة خالص ومصاريفه رخيصة جداً ..
وبعدين الولد الكويس ممكن يبعتوه يكمل تعليم في إسرائيل على نفقة وزارة الزراعة ..
الجد : إشمعنى وزارة الزراعة يعني .. وإيه دخلها في الموضوع ده ..
الحفيدة : أنا عارفة بقى يا جدو المهم حد يتكفل بالدفع وخلاص .. أصل (ميدو يوسف والي)
وزير الزراعة ده راجل متفتح قوي ..
الجد : نعم .. قلتي مين .. ميدو يوسف والي ..
الحفيدة : أيوه يا جدو .. إزاي مش عارف اسم وزير الزراعة ..
الجد : أنا أصلي كبرت وصحتي مش مساعداني أفتكر المعلومات دي .. طيب قولي لي .. مين
وزير الإعلام دلوقتي ..
الحفيدة : قصدك وزيرة الإعلام يا جدو .. اسمها تيتي صفوت الشريف ..
الجد (وقد ظهرت عليه علامات التشنج والاحتقان وبدأ الزبد يسيل من فمه) : ومين وزير
الثقافة ..
الحفيدة : نوني فاروق حسني .. إيه الأسئلة الكتيرة دي يا جدو .. ومالك بتبص حواليك كده ..
الجد :طيب قولي لي (يقترب منها هامساً في أذنها وهو يرتجف ويسألها سؤالاً ما .. ثم يضع
يده على فمها قبل أن تجيب قائلاً : قولي لي الإجابة في ودني
...
الحفيدة (مذهولة من تصرف الجد) : حاضر يا جدو (وتهمس في إذنه بالإجابة ) ...
الجد (وقد ازرق وجهه .. وتمددت أطرافه .. وأصابه التشنج والصرع ) : حسبي الله ونعم
الوكيل ..حسبي الله ونعم الوكيل
..
الحفيدة : جدو .. جدو
 الموضوع الأصلي : حوار الأجيال .... موضوع يموت من الضحك ولازم تقراة اوعي يفوتك المصدر : منتدى ميت عزون www.meetazoon.com | |
|
| | |
WARDA
 عقل المنتدي
عدد المساهمات : 1624
نقاط : 87201
السٌّمعَة : 21
تاريخ التسجيل : 10/05/2009
الموقع : ربنا يسهل بس
| | موضوع: رد: حوار الأجيال .... موضوع يموت من الضحك ولازم تقراة اوعي يفوتك الإثنين سبتمبر 27, 2010 12:23 pm |
| | |
|
| | |
M@XIMOUS
 رومانتيك المنتدي
عدد المساهمات : 913
نقاط : 79433
السٌّمعَة : 0
تاريخ التسجيل : 07/08/2010
الموقع : http://myfamilly.ahlamuntada.com/
| | موضوع: رد: حوار الأجيال .... موضوع يموت من الضحك ولازم تقراة اوعي يفوتك الإثنين سبتمبر 27, 2010 4:47 pm |
| | |
|
| | |
my egypt star
يسعي الي الاحتراف
عدد المساهمات : 78
نقاط : 77960
السٌّمعَة : 3
تاريخ التسجيل : 05/09/2010
| | موضوع: رد: حوار الأجيال .... موضوع يموت من الضحك ولازم تقراة اوعي يفوتك الإثنين سبتمبر 27, 2010 6:25 pm |
| | |
|
| | |
my egypt star
يسعي الي الاحتراف
عدد المساهمات : 78
نقاط : 77960
السٌّمعَة : 3
تاريخ التسجيل : 05/09/2010
| | موضوع: رد: حوار الأجيال .... موضوع يموت من الضحك ولازم تقراة اوعي يفوتك الإثنين سبتمبر 27, 2010 6:30 pm |
| | |
|
| | |
اسلام حماقي
 عندليب المنتدي
عدد المساهمات : 773
نقاط : 86390
السٌّمعَة : 1
تاريخ التسجيل : 03/05/2009
| | موضوع: رد: حوار الأجيال .... موضوع يموت من الضحك ولازم تقراة اوعي يفوتك الإثنين سبتمبر 27, 2010 8:32 pm |
| | |
|
| | |
الكابتن
 المميز
عدد المساهمات : 1386
نقاط : 85308
السٌّمعَة : 1
تاريخ التسجيل : 07/08/2009
الموقع : https://www.facebook.com/
| | موضوع: رد: حوار الأجيال .... موضوع يموت من الضحك ولازم تقراة اوعي يفوتك الأحد أكتوبر 17, 2010 10:39 pm |
| | |
|
| | |
حرة الحرائر
 المميز
عدد المساهمات : 654
نقاط : 78191
السٌّمعَة : 5
تاريخ التسجيل : 13/10/2010
الموقع : بيت بابا....ليه هتزورونى ....
| | موضوع: رد: حوار الأجيال .... موضوع يموت من الضحك ولازم تقراة اوعي يفوتك الأحد أكتوبر 17, 2010 11:06 pm |
| | |
|
| | |
| | حوار الأجيال .... موضوع يموت من الضحك ولازم تقراة اوعي يفوتك | |
|
قالها ف ودنها طب مين دلوقت رئيس الجمهوريه.......فردت الحفيدة وقالت حسنى مبارك ياجدو..........هههههههههههه فقالها حسبى الله ونعم الوكيل ههههههههههه 
الكلمات الدلالية 
رابط الموضوع 
HTML كود الموضوع