والله عندك حق ياأبو صلاح فكرة السفر متعبه بشكل كبير وان كان العائد المادي كبير،


الغربة فعلا ياجماعه علي أد مابتعطي بتاخد كتير اوي فعلا

بتاخد افضل ايام حياتك كنت ممكن تقضيها وسط اهلك واصحابك وحبايبك لكن هنرجع ونقول ان الواحد مثلا عاوز يؤهل نفسه لحاجات مهمة زي اي شاب عاوز يتجوز مثلا بيفكر هيجيب مصاريف الزواج منين وقبل مصاريف الزواج مصاريف الشبكة والشقة وتجهيز الشقة فلاز مبيدور علي مستوي دخل أفضل ودا اللي ممكن بيلاقيه في الغربة,

لكن ابسط حاجه انا حسيتها بنفسي يوم العيد صاحي الصبح بتروح المسجد مابتلاقيش حد تعيد عليه بتصلي وفرحان بصلاة العيد بس فرحة غير مكتملة مقضي يوم العيد ازاي في الغربة ؟
قايم من علي السرير ده تنام علي اللي جنبه تقوم من عليه تروح
علي اللي فوقه وطبعا مش زي ماناس كتير متصورة انه هايجي في الغربة للعز والفخفخة او للرفاهية والمتعه صدقني لأ .

بتعيش اصعب ايامك اي نعم هتتعود وتمر الايام زيها زي غيرها بقي
هيبقي روتين وهتتعود عليه.

وطبعا نقطة صلاح وضحها ان الشاب بيسافر علي اي شغل وبأي مقابل غلط ميه في الميه لانه مش هيوفر اي حاجه وهيتعرض لضغوط كتير هو مش هيستحملها بمعني ان اي واحد لازم يفكر كويس قبل مايسافر هيسافر علي ايه وهيشتغل ايه وازاي والمقابل المادي ايه وهيصرف اد ايه ان كان في سكن واكل وشرب وانتقالات واتصالات وهيوفر اد ايه وهل اللي هيوفره ده يستاهل انه يغامر ويقابل ويلات الغربة؟

وبالظبط ياابو صلاح لازم اي واحد قبل مايفكر في السفر انه يؤهل نفسه كويس جدا بالدورات التدريبية المميزة مش ام بلاش بمعني ان الدورة ماتبقاش مجرد شهادة لا يبقي اللي مكتوب في الشهاده انت فعلا تقدر تأديه بكل مرونة.

وكفاية بقي عشان حاسس اني طولت عليكم