ياجماعه متقروش تعرفوا السعاده اللى أنا فيها لأنى بعرف أخبار البلد بشكل يومى بس ليا عتاب بسيط محتاج ردود حضراتكم عليه
ليه ياجماعه 90% من الأعضاء بيدخل بإسم مستعار مع إن ده منتدى بلدنا والمفروض كلنا نعرف بعض أو نزيد التعارف ده
وإحنا بنأكد على الترابط الإجتماعى لأن عنوان الشخصيه اللى بيحدده هى طريقه الحوار اللى بيمارسه الأعضاء فى الرد على موضوع ما
أو مشاركته بموضوع معين لا بمؤهل ولا بسن معين
وممكن أنا وغيرى نستفيد من أراء بعض وهو ده المهم
طب أخد رأى حضراتكم إزاى لو فيه عضو قدم موضوع محترم إزاى أقدر لو شاءت الأقدار وإتقابلنا إنى أعرفه وأقوله والله موضوع حضرتك ده عجبنى جدا
أو أنا مختلف مع حضرتك فى موضوع ما
طبعا إخواتنا العضوات لهم كل العذر فى الدخول بأسماء مستعاره
طبعا كل عضو حر فى رأيه وممكن يقنعنى بيه ده رجاء فقط
محتاجين ردود يا جماعه
:flower: :flower: :flower: :flower: :flower: :flower: :flower:

على فكره يا ابوصلاح أنا سعيد انك غيرت رأيك
وبعدين حضرتك مش هتبقى مقتصر على حاجه معينه
كل مواضيع المنتدى ملكك
لكن حضرتك ممكن تكون ميال لنوع معين من النقاش أونوعيه مواضيع
حضرتك كده مشرفنا أكتر
وطمنا على أخبارك