| | قالولى بتحب مصر قلت مش عارف |  |
|
| كاتب الموضوع | رسالة |
|---|
 رحيل القمر
 يسعي الي الاحتراف
 عدد المساهمات : 84
نقاط : 80539
السٌّمعَة : 0
تاريخ التسجيل : 19/03/2010
الموقع : فى الكون كله بخيالى
| موضوع: قالولى بتحب مصر قلت مش عارف  الأحد نوفمبر 21, 2010 5:14 pm |
|
[/center]
قالولي بتحب مصر فقلت مش عارف
المعنى كعبة وانا بوَفْد الحروف طايف
وألف مغزل قصايد في الإدين لافف
قالولي بتحب مصر فقلت مش عارف
أنا لما اشوف مصر ع الصفحة بكون خايف
ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل
قالولي بتحب مصر فقلت مش عارف
لكني عارف بإني إبن رضوى عاشور
أمي اللي حَمْلَها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمّي الغزالة وتطعم العصفور
وتذنِّب الدهر لو يغلط بنظرة عين
وبنظرة أو طبطبة ترضى عليه فيدور
وأمي حافظة شوارع مصر بالسنتي
تقول لمصر يا حاجّة ترّد يا بنتي
تقولها احكي لي فتقول ابدأي إنتي
وأمي حافظة السِيَر أصل السِيَر كارها
تكتب بحبر الليالي تقوم تنوَّرْها
وتقول يا حاجة إذا ما فرحتي وحزنتي
وفين ما كنتي أسجل ما أرى للناس
تفضل رسايل غرام للي يقدّرها
أمي وأبويا التقوا والحر للحرة
شاعر من الضفة برغوثي وإسمه مريد
قالولها ده أجنبي، ما يجوزش بالمرة
قالت لهم ياالعبيد اللي ملوكها عبيد
من إمتى كانت رام الله من بلاد برة
يا ناس يا أهل البلد شارياه وشاريني
من يعترض ع المحبة لما ربّي يريد
كان الجواب ان واحد سافر اسرائيل
وانا أبويا قالوله يللا ع الترحيل
دلوقت جه دوري لاجل بلادي تنفيني
وتشيِّب أمي في عشرينها وعشريني
يا أهل مصر قولولي بس كام مرة
ها تعاقِبوها على حُبَّ الفلسطيني
قالولي بتحب مصر فقلت مش عارف
بحب أقعد علىالقهوة بدون أشغال
شيشة وزبادي ومناقشة في مآل الحال
وبصبصة ع البنات اللي قوامهم عال
لكن وشوشهم عماير هدها الزلزال
بحب لمعي وحلابِسَّة ومُحِّب جمال
أروح لهم عربية خابطة في تروللي
كإنها ورقِة مِسودّة مرميّة
جوّاها متشخبطة ومتكرمشة هيّه
أو شلّة الصوف، أو عقدة حسابيّه
سبعين مهندس ولا يقدر على حلي
فيجيبوا كل مفكّاتهم وصواميلهم
ويجرّبوا كل ألاعيبهم وتحاييلهم
ساعات كمان يغلطوا ويجربوا فيّه
بس الأكيد أنهم بيحاولوا في مشاكلي
وإنها دايماً أهون من مشاكلهم
أحب اقعد على القهوة مع القاعدين
وابص في وشوش بشر مش مخلوقين من طين
واحد كإنه تحتمس، يشرب القرفة
والتاني غلبان يلف اللقمة في الجرانين
والتالتة من بلكونتها تنادي الواد
والواد بيلعب وغالبهم ثلاثة اتنين
أتوبيس كإنه كوساية محشي بني آدمين
أقول بحكم القاموس، إن الهواء جماد
واشم ريحة شياط بس اللي شايفه رماد
عكازة الشيخ منين نابت عليها زناد
يسند على الناس ويعرج من شمال ليمين
والراديو جايب خبر م القدس أو بغداد
قالولي بتحب مصر فقلت مش عارف
قطر الندى قاعدة بتبيع فجل بالحزمة
أميرة عازز عليها تشحت اللقمة
عريانة ما سترها الا الضل والضلمة
والشعر الابيض يزيد حرمة على حرمة
والقلب قايد مداين زي فرشة نور
والفرشة واكلاها عتة والمداين بور
اللي يشوفها يقول صادقة حكاوي الجن
واللي يشوفها يقول كل الحقايق زور
عزيزة القوم عزيزة تشتغل في بيوت
عشر سنين عمرها لكن حلال ع الموت
صبية تمشي تقع ويقولو حكم السن
وسِتّها شعرها أصفر وكلّه بُكَل
كإنها مربية فيه اربعين كتكوت
ووشها زي وش الحاكم العربي
كإن خالقها راسمها على نبوت
تحكم وقطر الندى تسمع لها وتئن
أصل البعيدة وليّة أمرها، عجبي
على الهوا بحجة الكسوة يقيموا له سور
أحكي يا قطر الندى والا ما لوش لازمة
حكاية ابن الأصول تفضل معاه لازمة
فيه ناس بتلدغ وناس ليها البكا لازمة
ياللي سطلت الخليفة بجوز عينين وشعور
كنت سما للأغاني والأغاني طيور
مين اللي باعك، عدوك، بعض أولادك
مين اللي كانوا عبيدك صاروا أسيادك
مين اللي سمى السلاسل في إديك دِبَل
مين اللي خط الكتاب مين كانوا أشهادك
وازّاي متى سألوكي "هل قبلتِ به"
سكتِّ ومشيتِ يا مولاتي في الزفة
لبنان وغزة وعراق فينا العدو تشفى
حطوا جثثنا يا حاجة تحت سجادك
ووقفت تستنى خيط الدم يبقى بحور
قالولي بتحب مصر فقلت مش عارف
لا جيتها سايح ولاني أعمي مش شايف
بلد علمها انمزع والرفّا في المساجين
ومهر مربوط في كارو وباله في البساتين
وابو زيد سلامة على كرسي وكيس جلوكوز
لجنة مشايخ تناقش فتوة الأراجوز
سؤال نعيش أو نموت، فيه لا يجوز ويجوز
لو السقوف خايخة نسندها بحجارة وطوب
لكن ده لوح القزاز كله ضرب تشريخ
لو الولد حرف في الآية، ها يبقى يتوب
بس المصيبة إذا الآية اخترعها الشيخ
يا مصر كومة حروف إبر المعاني فين
إبر بتجرح إيدينا قبل ما بتبان
نسرك في بال السما بيقول حدودها منين
نسرك بياكله الصدا في بدلة السجان
يا قلعة السجن يا قلعة صلاح الدين
أنا بقولك وأهلي ع الكلام شاهدين
لو كنت حرة ما كناش نبقى محتلين
والناس شكاير صريخ رابطين عليها سكوت
آهات سَكوتَة كإن الأرض مستشفى
مطرودة منها الدكاترة ف سجن أو منفى
والناس بتسأل هنصبر والا نتوفى
فيه ناس تقول زي بعضه دول نوعين م الصبر
وناس تقول زي بعضه دول نوعين م الموت
يا مصر بعض التسامح يبقى عار وبأجر
إفتكري "لا تحسبّن" مكتوبة فوق كام قبر
والتار يبات يصحى تاني لو يشيب الدهر
والتار حصان غير لصاحبه ما يلين ضهر
والتار تار العرب وعشان كده تار مصر
قالولي بتحب مصر فقلت مش عارف
لا جيتها سايح ولاني أعمى مش شايف
ولاني هايف اردّ بخفّة وبسرعة
وكل من رد يا كذاب يا هايف
أصل المحبة بسيطة ومصر تركيبة
ومصر حلوة ومُرَّة وشِرْحة وكئيبة
دا نا اختصر منصب الشمس وأقول شمعة
ولا اختصر مصر وانده مصر يا حبيبة
يا أهل مصر اسمعوني واسمعو الباقيين
إن كنت انا رحّلوني كلنا راحلين
يا أهل مصر يا أصحابي يا نور العين
يا شنطة المدرسة يا دفتر العناوين
يا ضغطة البنت بلكراسة ع النهدين
ترقص قصاد المراية، واحنا مش شايفين
يا صحن سلطان حسن يا صحن كحك وتين
يا ألف مدنا وجرس، لألف ملّة ودين
يا أهل مصر اسمعوني، والكلام أمانات
قلتولي بتحب مصر فقلت مش عارف
روحوا اسألوا مصر هيّه عندها الإجابات
 الموضوع الأصلي : قالولى بتحب مصر قلت مش عارف المصدر : منتدى ميت عزون www.meetazoon.com | |
|
| | |
IBrahem mehrem
 ولاد البلد
عدد المساهمات : 421
نقاط : 77576
السٌّمعَة : 3
تاريخ التسجيل : 29/10/2010
الموقع : جمـــــب أمى
| | موضوع: رد: قالولى بتحب مصر قلت مش عارف الأحد نوفمبر 21, 2010 6:14 pm |
| | |
|
| | |
حرة الحرائر
 المميز
عدد المساهمات : 654
نقاط : 78191
السٌّمعَة : 5
تاريخ التسجيل : 13/10/2010
الموقع : بيت بابا....ليه هتزورونى ....
| | موضوع: رد: قالولى بتحب مصر قلت مش عارف الأحد نوفمبر 21, 2010 10:31 pm |
| | |
|
| | |
WARDA
 عقل المنتدي
عدد المساهمات : 1624
نقاط : 87201
السٌّمعَة : 21
تاريخ التسجيل : 10/05/2009
الموقع : ربنا يسهل بس
| | موضوع: رد: قالولى بتحب مصر قلت مش عارف الإثنين نوفمبر 22, 2010 9:42 pm |
| | |
|
| | |
شجن الروح
 ولاد البلد
عدد المساهمات : 337
نقاط : 81870
السٌّمعَة : 5
تاريخ التسجيل : 06/01/2010
الموقع : google
| | موضوع: رد: قالولى بتحب مصر قلت مش عارف الثلاثاء نوفمبر 23, 2010 12:15 pm |
| | |
|
| | |
M@XIMOUS
 رومانتيك المنتدي
عدد المساهمات : 913
نقاط : 79433
السٌّمعَة : 0
تاريخ التسجيل : 07/08/2010
الموقع : http://myfamilly.ahlamuntada.com/
| | موضوع: رد: قالولى بتحب مصر قلت مش عارف الثلاثاء نوفمبر 23, 2010 5:22 pm |
|
فعلااوالله يارحييل القمر
والله لو سألوني انت بتحب مصر ولا لا
بجد مش عارف انا ممكن اقول اية
بس علي فكرة انا جايز اقول عنها كلالم حلو بس اللي ساألني واللي بيسمعني
مش عارف ممكن يكون رد فعلة اية
يارحيل القمر الوقتي محدش عاد بيسأل انت بتحب مصر ولا اية
لان السؤال دا بجد أختفي
السؤال اللي ممكن اننا نسألة الوقتي
( انت مصري ولا لا )
وصدقيني بردة هنبقي مش عارفين نرد لااننا انكرنا مصر
وحكامنا هما اللي عملو فينا كدة
الموضوع الأصلي : قالولى بتحب مصر قلت مش عارف المصدر : منتدى ميت عزون www.meetazoon.com | |
|
| | |
demetry
 يسعي الي الاحتراف
عدد المساهمات : 288
نقاط : 85532
السٌّمعَة : 5
تاريخ التسجيل : 02/05/2009
| | موضوع: رد: قالولى بتحب مصر قلت مش عارف الأربعاء نوفمبر 24, 2010 12:28 am |
| | |
|
| | |
S@AD.D@WOD
 المميز
عدد المساهمات : 1024
نقاط : 82488
السٌّمعَة : 2
تاريخ التسجيل : 04/02/2010
الموقع : saaddawood77@yahoo.com
| | موضوع: رد: قالولى بتحب مصر قلت مش عارف الأربعاء نوفمبر 24, 2010 7:58 pm |
| | |
|
| | |
| | قالولى بتحب مصر قلت مش عارف | |
|
الكلمات الدلالية 
رابط الموضوع 
HTML كود الموضوع