| | مع آلة الزمن ... رمضان زمان |  |
|
| كاتب الموضوع | رسالة |
|---|
 ضياء الحق
الكاتب المميز
 عدد المساهمات : 1511
نقاط : 87073
السٌّمعَة : 11
تاريخ التسجيل : 02/05/2009
| موضوع: مع آلة الزمن ... رمضان زمان  السبت أغسطس 08, 2009 8:06 pm |
|
بسم الله الرحمن الرحيم
الحمد لله رب العالمين والصلاة والسلام على أشرف المرسلين وعلى آله وصحبه أجمعين
إزيكم . طبعا أنتم عاوزين آلة زمن عشان تفتكرو سلسلة مواضيع آلة الزمن إللي بدأناها سوا في بدايات المنتدى .
اتكلمنا سوا عن ألعاب اتنست و عادات انتهت . و بمناسبة رمضان عاوزين نتكلم وكل واحد يحكي لنا رمضان بالنسبة له أيام زمان .
هو رمضان اختلف من زمان للوقتي ؟ قول لنا رأيك لو شايفه مختلف .
أكيد أيام زمان ما كانش فيه العيال إللي بتفرقع بمب في جدار الجامع والناس بتصلي العشاء والتراويح ، و لا إللي بيولعو السلك في الشارع . دي حاجات جديدة وعمر جيلنا ما عمل حاجة زي دي
ايه بقه مظاهر رمضان أيام زمان والوقتي . وأنت عن نفسك ، بتقضي رمضان إزاي ؟ اتكلم عن نفسك عن يومك في رمضان .
وبلاش أتكلم في البداية . أخلي الناس تتكلم وتقول إللي عندها . ولو حد عنده أسئلة تانية كمان يحطها في الموضوع وياريت الباقين يجاوبو
 الموضوع الأصلي : مع آلة الزمن ... رمضان زمان المصدر : منتدى ميت عزون www.meetazoon.com | |
|
| | |
محمود عبد القادر
 الاداره
عدد المساهمات : 7217
نقاط : 95371
السٌّمعَة : 68
تاريخ التسجيل : 20/04/2009
الموقع : layaly2052717@yahoo
| | موضوع: رد: مع آلة الزمن ... رمضان زمان السبت أغسطس 08, 2009 9:08 pm |
|
كل سنة وانتو طيبين اولاً
ورمضان كريم ثانياً
سؤال الاخ الفاضل ضياء
ليه الواحد مش حاسس انه رمضان وانا كمان
عايز اسأل ليه رمضان حاسس ليه
مش عارف ليه الواحد ليه مش حاسس برمضان زى الاول
حتى ريحة رمضان مبقتش موجودة...ايوة رمضان ليه ريحة كده مميزة
بتبتدى تظهر قبل رمضان بيوم او يومين
واسبوع كمانمن خلال البومب والصواريخ والسلك معتشي الكلامده
وملعب ميت عزون يشهد بكده
ومحدش ينكر الكلام ده
وحاره الداويده تشهد بكده
وبتبان اكتر حاجة قبل الفطار او وانت رايح تصلى فى المسجد
بس رمضان اللي فات ورمضان ده ده مشفتش حاجة ( مع انى معنديش انفلونزا يعنى)
سيبكو من الريحة حتى التلفزيون بقة سخيف غير الاول كان بيحسسك بالجو كده
بس دلوقتى مسلسلات نكد كده وعياط ( مش عارف ايه دخل ده برمضان)
يعنى بصراحة لولا الصيام وصلات الترويح والعقد النور اللي انا بحطه امام المحل بتاعي الواحد مش هيحس بان رمضان
جيه اساساً والله ياشباب
بس الحاجة الوحيدة اللى بشوف فيها جو رمضان الناس لما بتقلك كل سنة وانت طيب
من قلبها كده (مش اللى بيقلوها واجب)
يعنى لما سواق تاكسى يقلهالك وهوه مبتسم كده وانا بجيب بضاعه للمحل( وديه مبتحصلش غير فى رمضان تقريبا)
فى العيد بيقلهالك (بس وهوه عاوز فلوس اكتر)
وجو رمضان بيبان برده بيبان كمان لما الواحد بيشوف ناس اكتر فى المسجد
وخصوصاً صلاة الفجربتلاقي الواحد مبسوط اوووي
حجات كده بسيطة بس بجد بتحسس الواحد بروح رمضان
مش عارف اذا كان ده شعورى انا بس ولا فيه ناس حاسه كده برده
بس انا هفضل على امل ان رمضان ده او حتى اللى جى
يببقة احسن واحس فيه الشعور اللى كنت بحسه وانا صغير
ان رمضان هوه العيد الحقيقى مش عيد الفطر
واحب انا كمان اشوف باقي ردود الاعضاء
وموضوع مميز يااخ ضياء الحق
الموضوع الأصلي : مع آلة الزمن ... رمضان زمان المصدر : منتدى ميت عزون www.meetazoon.com | |
|
| | |
dl3 banoota
 ولاد البلد
عدد المساهمات : 440
نقاط : 85853
السٌّمعَة : 3
تاريخ التسجيل : 23/04/2009
| | موضوع: رد: مع آلة الزمن ... رمضان زمان الأحد أغسطس 09, 2009 3:02 pm |
|
كلامك منطقي يامحمود
الكل اصبح يظن انه عادة لا عبادة .
و طبعا كتير اللي بيصومو بيعتبرو الشهر ده عشان الاكل.وده شيء واضح وموجود في جل المجتمعات الاسلامية . ينتشر التبذير بصورة كبيرة جدا .
تكثر مشاهدة الافلام بصورة مخيفة للغاية لحد انك تنشغل عن باقي اشغالك.
بس رمضان مش كده .
احنا نصوم عشان نريح البطن من الشغل يعني شغل سنة كاملة ولازم نريحها شوية
احنا نصوم عشان ده فرض علينا احنا كمسلمين ولازم نصوم عشان نعرف ايه معنى واحد فقير ومش بياكل . مش عشان نطبخ ونطبخ ونطبخ وبعدين ناكل والباقي يروح في دهية . ده تبذير .
وشبابنا ما شاء الله عليهم كل يومهم نوم في نوم ومش عارفين انو رمضان شهر للعبادة والغفران .
وانا بتمنى من كل قلبي يرجع كل واحد لوعيو عشان نعرف ايه معنى شهر رمضان .
آسفة كتير على الاطالة
والف شكر عل موضوعك الحلو.
الموضوع الأصلي : مع آلة الزمن ... رمضان زمان المصدر : منتدى ميت عزون www.meetazoon.com | |
|
| | |
WARDA
 عقل المنتدي
عدد المساهمات : 1624
نقاط : 87201
السٌّمعَة : 21
تاريخ التسجيل : 10/05/2009
الموقع : ربنا يسهل بس
| | موضوع: رد: مع آلة الزمن ... رمضان زمان الإثنين أغسطس 10, 2009 12:42 pm |
|
أنا بقى رمضان زمان كان ليه عندى طقوس ريفيه جدا
يعنى كان جميل خالص لما نروح كدا مجموعة بنات نشترى الفول والطعميه
ونسمع الإبتهالات اللى قبل المغرب دى
زى ما محمود قال فعلا ما استغربتش كلامه
كنت بشم ريحه لرمضان
وبشوف الرضا فى عيون كل الناس
والفرحه
وكمان وانا صغيره شويا الفوانيس بقى ونقضيها فى الشارع
وطبق لجارتى فلانه وطبق من جارتى فلانه
ود غريب
والزيارات
لما كبرنا بقى بقى رمضان عندنا حلقات من الحكايات كل حد يحكى عن حاجه عملها أو حبها أو شافها فى التلفزيون ألف ليله وليله بقة والفوازير والمسلسلات
كان رمضان بنكهة الحب وصفاء البال
بنلوم على الزمن ونسينا ان كل بيت فيه مريض كترت اوى الامراض
حتى الضحكه غليت أوى اوى
وبقت صفراا وملونه
مش عارفه بقى رمضان دلوقت صيام وقرآن والفرحه بتاعته ضاعت ليه
جايز انا بس حاسه ده
بس رمضان كان عندى زمان طقوس وفرحه مش عند اى حد
الموضوع الأصلي : مع آلة الزمن ... رمضان زمان المصدر : منتدى ميت عزون www.meetazoon.com | |
|
| | |
ضياء الحق
الكاتب المميز
عدد المساهمات : 1511
نقاط : 87073
السٌّمعَة : 11
تاريخ التسجيل : 02/05/2009
| | موضوع: رد: مع آلة الزمن ... رمضان زمان الإثنين أغسطس 10, 2009 7:40 pm |
|
- اقتباس :
كل سنة وانتو طيبين اولاً
ورمضان كريم ثانياً
وأنت طيب أولا . ورمضان كريم من كرم الله ثانيا
- اقتباس :
- ليه الواحد مش حاسس انه رمضان وانا كمان
يا سيدي هو لسه ما بدأش . هو رمضان بعينه .
- اقتباس :
حتى ريحة رمضان مبقتش موجودة...ايوة رمضان ليه ريحة كده مميزة
بتبتدى تظهر قبل رمضان بيوم او يومين
ما تنساش ان لسه عن رمضان 10 ايام مش يومين بس . إن شاء الله هتشم الريحة ساعتها
- اقتباس :
- سيبكو من الريحة حتى التلفزيون بقة سخيف غير الاول كان بيحسسك بالجو كده
ايوه معاك حق في الحتة دي . الاول كنا بنشوف الشيخ الشعراوي كل يوم . كانت المسلسلات غير الوقتي . كان مثلا مسلسل القضاء في الاسلام اللي كنا بنشوفه " كفاية اغنية المقدمة بتاعته " المسلسلات الدينية و التاريخية هي اللي كانت بتميز دراما رمضان . الوقتي بقه كله رمضان زي غير رمضان .
حتى مثلا عندك ابو زيد الهلالي ، وهو يعتبر تاريخي إلى حد كبير . وغيره وغيره .
الوقتي الدراما السورية بقت أحسن مننا في رمضان . ولو عاوز تحس بمسلسلات رمضان شوف المسلسلات التاريخية السورية وعلى ضمانتي
- اقتباس :
- الكل اصبح يظن انه عادة لا عبادة .
المفروض ان رمضان جاي عشان يكسر العادة . عادة الاكل زي ما الشيخ الشعراوي الله يرحمه كان بيتكلم عن الصيام فكان بيقول أن بقه الامتناع عن الاكل فرض و ساعة المغرب الأكل نفسه فرض .
- اقتباس :
- و طبعا كتير اللي بيصومو بيعتبرو الشهر ده عشان الاكل.وده شيء واضح وموجود في جل المجتمعات الاسلامية . ينتشر التبذير بصورة كبيرة جدا .
تكثر مشاهدة الافلام بصورة مخيفة للغاية لحد انك تنشغل عن باقي اشغالك.
طبعا رمضان مش عشان الأكل . لكن الأكل في رمضان بيكون له طعم تاني حتى لو هو نفس الاكل في غير رمضان .
- اقتباس :
- احنا نصوم عشان نريح البطن من الشغل يعني شغل سنة كاملة ولازم نريحها شوية
ساعة الفطار فيه ناس بتشغل العربية وتدوس بنزين وتطلع على الرابع مرة واحدة . المفروض أن الواحد يشرب شوية شوربة أو مثلا البلّ ويستنى دقيقتين ، لو مثلا يصلي في الدقيقتين دول وبعدها ياكل . بتفرق كتير وبتريح البطن كتير .
وانا ملاحظ ا ن الناس بتزيد في رمضان مش بتخس
- اقتباس :
- ونسمع الإبتهالات اللى قبل المغرب دى
يا سلام على القرآن إللي بيحطوه قبل المغرب في رمضان . بأحبه جامد ، فكرتيني برمضان عندك لما كان قبل المغرب أقعد مع الناس شوية على الأنتريه وشوية امشي مع زمايلي . بيكون حديث زي حديث السمر بالظبط وأحسن .
- اقتباس :
- كنت بشم ريحه لرمضان
ما تجوعوناش الله يكرمكم .
معلش أنا كنت كتبت تعليق أحسن من ده لكن للأسف اتمسح مني
يا ريت تكتبو كنتم بتقضوا يومكم ازاي في رمضان . أنا هأكتب لكن بعدكم
الموضوع الأصلي : مع آلة الزمن ... رمضان زمان المصدر : منتدى ميت عزون www.meetazoon.com | |
|
| | |
الماضي المجهول
 ولاد البلد
عدد المساهمات : 355
نقاط : 85774
السٌّمعَة : 4
تاريخ التسجيل : 25/04/2009
| | موضوع: رد: مع آلة الزمن ... رمضان زمان الثلاثاء أغسطس 11, 2009 2:21 pm |
|
مع مرور الوقت العادات دى بتتغير
ومن الالف الى الياء وفى كل حاجه كبيره وصغيره اتحولت الى حاجه جديد تعالوا معايا وشوفوا الفرق واحكموا بنفسكم
بنتدى بلفانوس ايووووووه حتى الفانوس كان زمان بشمعه دلوقتى بيغنى بابا ابح وبوس الواوا
وبعدين التلفزيون كان زمان ممل دلوقتى غلس اهو برضه تغيره
دلوقتى دورالانسات والسيدات كنت زمان اسمع انهم فى رمضان بيزودا العباده اما دلوقتى بشوف بعينى مش بسمع زى زمان انهم بيزودا المكياج وشايفين ان الحجاب مش ضرورى وال ايه بتقول صايمه
اما عن الشباب ربنا يحرسهم امل المستقبل حاميين الاسلام بيصلوا فى رمضان لدرجه ان المصليين ما يكفيهم المسجد تعالى اتفرج على المسجد كده فى ايام غير رمضان صف او اتنين بلكتير
والفطار احلى حاجه عمره ما اتغير ابدا هى هى نفس كميه الاكل بسم الله ما شاء الله ده مش حسد ولا حاجه
دى نصيحه كتر الاكل ساعه الفطار غلط
ولسه فى كمان موائد الرحمان كانت زمان الناس تدخل وتقعد تفطر اما دلوقتى موائد الرحمان تك اووووووووى
واخيرا وليس اخرا الكنافه والقطايف دى باه بلذات
اوعوا تنسوا تعملوا حسابى فيها لانى بحبها اوووووووووووووى
الموضوع الأصلي : مع آلة الزمن ... رمضان زمان المصدر : منتدى ميت عزون www.meetazoon.com | |
|
| | |
ضياء الحق
الكاتب المميز
عدد المساهمات : 1511
نقاط : 87073
السٌّمعَة : 11
تاريخ التسجيل : 02/05/2009
| |
| | |
ضياء الحق
الكاتب المميز
عدد المساهمات : 1511
نقاط : 87073
السٌّمعَة : 11
تاريخ التسجيل : 02/05/2009
| |
| | |
بنت النيل
 ولاد البلد
عدد المساهمات : 348
نقاط : 85696
السٌّمعَة : 7
تاريخ التسجيل : 25/04/2009
| | موضوع: رد: مع آلة الزمن ... رمضان زمان الثلاثاء أغسطس 25, 2009 10:05 pm |
|
رمضان في ميت عزون زي العسل
دا حتي محمود معلق فوانيس كتييير وانور احمر واصفر وابيض كتير اووووي
ابني الصغير بيقول فرح عموا محمود ياماما
بصراحه رمضان عندنا تحفه غير لعب العيال في النادي
بس العيب الصواريخ والنار اللي في شارع الداويده اللي عند مركز شباب
حاجه اعوز بالله من العيال دي
بس الواحده تعزرهم رمضان كريم وبجد زي العسل في ميت عزون
الموضوع الأصلي : مع آلة الزمن ... رمضان زمان المصدر : منتدى ميت عزون www.meetazoon.com | |
|
| | |
| | مع آلة الزمن ... رمضان زمان | |
|
الكلمات الدلالية 
رابط الموضوع 
HTML كود الموضوع