اليست هى الخيانة؟



احيانا تمر عليك مواقف لاتجد امامك سوى ربنا ينتقم منك اولا الة الا الله هى اذا الكلمة الوحيدة التى تسطيع انا تنطق بها

مر الموقف ذاتة امس امامى فاستفزنى وبشدة ولكن الرد من صاحبة الموقف جعلنى فى حيرة من امرى فلنتناقش معا





اذا ما كانت مخطوبة مثلا وعلى تليفون مع الحبيب الاول ثم تقول بانها مجرد اطمئنان على ظروفة وحياتة

لا واللى يدايقك بقا تقولك اية دا اخلاص دا احنا مهما كنا واكلين عيش وملح

طب ازاى يا بنتى واللى بيجى ياكل رز وطبيخ كل ليلة دا ملوش يزعل منك لو عرف؟







احيانا اخرى تحتفظ البنت بخطابات من ايام الشقاوة وتقولك اصل انا مخلصة لة حتى ولو عندى 10 عيالب انا بحبة برضة

المهم انى ما باخونش جوزى





والتنية مخطوبة وبتكلم جوز صاحبتها 15 مرة فى اليوم دا يبقى اية؟ اصل بيطمن عليا عشان انا صاحبة مراتة

شلل ليكى ولمراتة يا ستى لو عارفة وراضية





والضحية الراجل الغلبان اللى فى الضلمة يشقى ويتعب وعاطى الامان ليكى وانتى بتبررى بان انتى كدا مخلصة وبتراعى الماضى



اخلاص اية يا اخوانا اللى يخلى واحدة مخطوبة لواحدبيديلك الحب والحنان وانتى كل حاجة فى حياتة

بيسافر ويتغرب ويعد الايام عشان يرجع ليكى وانتى محتفظة بورق من ايام الطيش وقلة الادب

لا وتقولى اصل دا اخلاص وفرحانة بنفسك عشان انتى مخلصة يا سلام؟



والادهى والاكثر تلك المتزوجة الللى بتكلم جارها فى التليفون كل يوم وتقولك براعى الجيرة

جيرة اية اتجرجرتى من شعرك حرام عليكى نفسك وجوزك وعيالك









تلك كلها اشكال لعلاقات غير شرعية ولكن نعطيها شكل من الحيادية او التطبيع عشان نضحك على نفسنا

مش دى تبقى خيان يا اخوانا ولا انا غلطان

مش بداية الطريق المظلم اللى اسمة الزنا؟

حرااااااااااااااااام واللة لا فى منطق ولا دين يرضى بذلك



اى عقل يرضى واى دين يرضى بذلك



اتقى اللة ايتها الانسانة المخطوبة واذا ما كنتى لا تحبى خطيبك فاعترفى لة من البداية او لا توافقين علية اصلا

وانتى يا متزوجة انتى مصيبتك اكبر وادل حرام عليكى دا اسمة خيانة حتى لو استلطاف او استظراف او حتى ضحكة من اياهم

دى خيان لحق زوجك دى خيانة مشاعر واحاسيس والا والله الطلاق ارحم



مش كدا والا نرجع نقول مين عملت اية مع مين وكلام كتير ظهر فى بلد عمرها ما كانت بنت لو الساعة 2 بالليل وماشية فى الشارع ومرت على شباب كانوا يقوموا يوصلوها لحد باب البيت





اية اللى حصل لبلدنا؟

هو دا خيانة باسم الاخلاص والولاء والوفاء

حرام والله





انا لست على درجة من الدين تسمحتلى افتى بس العقل والمنطق مبيرضاش كدا

والا انا غلطان



انا اسف على طريقتى بس بجد انا متاثر لانى لسة شايف الموقف دا النهاردا

وبصراحة اتنرفذت جدا وضربت البنت مع انى معرفهاش وحصلت مشكلة وطبعا انا الغلطان لانى مقدرتش اقول اللى حصل

يا اخوانا اللى بيحصل دا وامام اعيننا كل يوم

يرضيكم؟