dr/sayedhamdy_vet كتب:

[q
نقطة الخلاف هنا مش على الراجل اللى ذكرته انت اللى بيصالح مراته بالكرانشى ولا بالنايتى حتى

على الراجل اللى ما بتفرقش معاه

مقضياها وخلاص

وتولع الست اللى شغاله 24 ساعه

دا فى نظرى ما يبقاش راجل

لما يقعد بحجة مفيش شغل

ويسمح لروحه إن ست تصرف عليه

بزمتكـ أنتَ يبقى مش ضل الحيطه أحسن منه؟


صح..ومن غير كلام طبعا مايبقاش راجل اللي يرده بكده وتبقي الحيطه احسن منه ...ع الاقل مش هتامر وتنهي

شكرا لمرورك ياورده

شوف : عارف الراجل لو ما اشتغلش ومراته هي اللي اشتغلت احساسه بيكون عامل إزاي ؟ ما أعتقدش أن فيه واحد يقعد من غير شغل ومراته بتشتغل . ممكن لو فعلا مش لاقي شغل يجيب منه فلوس . هيشتغل أي شغلانه حتى لو بفلوس ضعيفة جدا عشان يحس بكرامته قدام مراته .

العملية مش سهلة ، ومفيش حد يقبل على نفسه أن كرامته تنجرح . وكان زمااااان فيه مثل بيقول له " الراجل ما يعيبوش إلا جيبه " ومع أني مختلف كتير مع المثل ده لأن الراجل ممكن يعيبه حاجات كتيرة منها مثلا أخلاقه . إلا أن الراجل يعيبه جيبه ده صحيح .

وفيه ناس لو رحت تتجوز بنتها هيقولو لك " مبدأنا أن جوز بنتنا يكون شغال " ، وفيه ناس بيقولو أن الشغل بإيد ربنا وبكره يشتغل . أيا كان فكل واحد بيتبع مدرسة في الحياة .

فيا سيدي نصيحة ما تتجوزش إلا لما تكون استقريت في شغل معين

الكود:

الراجل الشرقى الصح

اللى ما يقبلش ست تصرف عليه

وجواه كدا كرامه وشخصيه

هأقول لك على حكاية بسيطة . أقول بالتفاصيل إللي مالهاش لازمه وللا من غيرها ؟

نقول وخلاص . فيه حد حكى لي قريب عن ممرضة من تمي ، المهم دي كانت مخطوبة لسواق و اختلفو على القايمة " طبعا عارفين إحنا التشدد الكذاب في موضوع القايمة " اختلفو قبل الفرح بيومين . فقررت العائلتان انهاء الموضوع

المهم ، البنت دي بتقول إيه ؟

" كان المفروض فرحنا أول امبارح لكن ...." حكت قصة الفركشة دي " .... لكن الندل راح خطب زميلتي وهيتجوزها الاسبوع الجاي ؟!!؟!!؟؟!!؟؟!! "

القصة لسه طازة من حوالي اسبوع ، لكن ايه إللي لفت انتباهي فيها ؟

طبعا مش هأعلق على حتة القايمة وتحكم الأهل في الموضوع ده لأن مكانه مش هنا

لكن إللي لفت انتباهي هو الراجل إللي يادوب ساب خطيبته على اختلاف مش هي السبب فيه ، وراح خطب زميلتها وهيتجوزو خلال اسبوع وبس . يبقى معنى كده إيه ؟

الراجل ده حيطه بيدور على واحدة " ممرضة والسلام " عشان يتجوزها عشان تجيب له فلوس . مش في دماغه واحدة بعينها . ما حبش إللي كان هيتجوزها و أكيد مش هيحب إللي هيتجوزها الجديدة دي .

يبقى الكلمة الشهيرة " هي إللي كسبانه مش هو " و ساعتها ينطبق المثل بتاعك " ظل حيطة ولا ظل راجل "

ولكن أختلف معاكي يا وردا وهأعدل المثل ل " ظل راجل ولا ظل حيطة " لأن هأعتبر الراجل التعبان حيطة ، و الراجل الراجل راجل . ساعتها يبقى المثل صحيح " ظل راجل ولا ظل حيطة " بمعنى : ظل راجل ولا ظل شيء الاسم انه راجل "