ضياء قدوتي يتحدث

تصدق يا محمود . المنتدى خلاني أغير نظرتي عن ناس كتير . و متأكد ان ناس برضه غيرت فكرتها عني لأن الحكم على الناس من بعيد غير لما تقرب من تفكيرهم ، بس لما يكونو صادقين في اللي بيقولوه .


انا فاهم قصدك كويس انا عارف انك مكنتش تعرفني شخصيا كنت بتسمع كلام الناس عني محمود كذا وكذا ومش عارف بيعمل ايه وايه

وانا عكس الناس عمري ما حكمت علي حد الا لما اقابله واكلمه وعلي رأي المثل اللراجل بيبان من كلامه والهايف بيبان من افعاله
والحمد لله انا عمري ما تكلمت مع حد الا بالصراحه وعمري ما كذبت في حياتي اتوقع كذبت قليل اوووي بس في حاجات بسيطه مبقولشي اني ملاك بس الحمد لله انا عارف نفسي كويس اللي ميلزمنيش معرفهوش



هل حصل لك كده . هل المنتدى خلاك تغير فكرتك عن ناس للأحسن ؟ ولناس للأوحش ؟

كتير اووووي مثلا انا عرفت شيوخ في البلد ايام الخطب وناس لها قيمه بين الناس اقم بالله يادكتور ييجي يقولي تنزلي لوحدي ومتنزلشي للتانيين وخود اللي انتا عايزه شوفت لدرجه ايه يادكتور وايه شيخ وبيخطب للناس والناس بتسمع كلامه

مش حرام اتأمرون بالمعروف وتنسون انفسك حسبي الله ونعم الوكيل



هل وصلك رسالتي الخاصة ووصلك الطريقة اللي كنت عاوزها ؟ هأعرف من الاجابة على الاسئلة .

مش فاهم تقصد ايه بالظبط ممكن توضح طلبك اكتر في سؤال تاني لأني مش فاهم القصد من هذا السؤال ورساله ايه


انت قلت ان عندك منتديات تانية . والمنتديات زي الأولاد Very Happy كلهم لهم معزة . لكن ايه اكتر منتدى بيشدك وليه . بالأمانة ومش شرط تقول اسمه .

الحمد لله رب العالمين ليا منتديات كتير اوووي بس اكتر شئ بيشدني منتدي ميت عزون بامانه والتاني منتدي شباب المنصوره والحب الاتنين دول ليهم معزه خاصه

وعلي فكره شباب ميت عزون في تقدم سريع عن اي منتدي اخر

وذلك بسبب حبكم للمنتدي


وبصراحه برافو عليك انك خلصت اسئلة وردا كلها في الوقت ده . أراهن أنك اكيد عطّلت نفسك عن الشغل كتير .

لا ابدا بس انا بحب الاسئله المتعلقه بالمنتدي مش اسئله غريبه زي بتاعه سامح والاعضاء اللي بيقتبسوا من اماكن تانيه ويسئلوني

بأمانه احييك علي اسئلتك تسلملي يادكتور وربنا يجيبك بالسلامه يارب امنا غانما

محمد هلال الفنان

حووووووووووووودة يا عسل انت اللى قمر 14 يا حبيب قلبى .........وبعد

ربنا يخليك يامحمد منورني ياقمر


حودة عاوز اسئلك عن شعورك لما كلمت البنت مكالمة واحدة ويوميها جات لك
المحل طبعا مش عارف اقصد مين البنت اللى محمد ابو فراج قال لك عليها
معانا بنت فى الدرس جامدة وشديدة ومحدش يقدر يكلمها
وانت جاتلك يومهامجرد ما كلمتها
مع ان اللى يسمع صوتها يخاف يقابلها انت الى حكيلى والموضوع دة قريب متقلش محصلش زى السنما يا وحش
السؤال كان احساسك اية يوميها

محمد انت شكلك عايز توديني في داهيه انا عليا مردش علي سؤالك بس يالا المهم


انا منكرشي ان حصل مني كدا بس ايام الشقاوه بس مش من مده بسيطه اوووي زي مانت بتقول
وكان احساس عادي خالص والحمد لله الوقتي ربنا تاب عليا خالص

اللي حصل ياسيدي اني شوفت البت دي بالصدفه علي الميزانيه وكنت مع واحد زميلي


فبأمانه البنت دخلت دماغي من ثقتها في نفسها بس الكلام ده من زمان قبل خطوبتي بكتير اوووي

فسألت واحد زميلي

فحكالي الكلام اللي هقوله الوقتي

ومتنساش قانوني لو تفتكره

اني مبحبش اي انسان متكبر او اي انسانه متكبره

والبنت دي يعني مسخرت وهزئت واحد زميلي اللي انت قولت عليه ده منكرشي اني حبيتها

فالواد بيحكيلي وهو زعلان وانا عندي صديقي بالدنيا كلها لو ابيع عمري علشان ارضي اي حد زميلي

فاللي حصل بيحكيلي عن الموقف اللي حصله فقولت اصبر وما صبرك الله بالله

بس اقسم بالله الواحد بيندم علي الايام دي وبيقول كان عبيط اوووي

ويامحمد كما تدين تدان اوعي تمشي يامحمد في السكه دي بجد

الحمد لله ربنا تاب عليا وبحاول بكل الامكان اني ابعد عن السكه دي وبقول يارب اهو

المهم ان البنت دي شايفه نفسها اووي ذياده عن اللازم

فانت عارف صحبك بقي مشي في الدور وشافها نظره ومش عارف ايه

فكلمتها وبعدها قابلتها بس مكنشي في المحل ياض انت انت هطلع سمعه علي المحل ولا ايه

بس وبعدها مكلمتهاش تاني بس عرفتها قيمتها ومن يومها مكلمتهاش تاني

وعلي فكره يامحمد انا ندمت علي الخطوه دي ومعتش هقررها تاني مع اي انسانه سواء مكبره او ايه كمان

بس دي الحكايه مش اكتر لأني بجد حبيتها وهيا الله اعلم حبتني ولا لا

وخلي بالك علي نفسك يامحمد ومعتش تجيب حاجه من الماضي بتاعي لأنك لو جبت الماضي مش هتبطل اسئله

اصل انت واد ما يعلم بيك الا ربنا

ربنا ياخدك يااخي وترجع بعد الكرسي

نور المنتدي توما


محمود رد بسرعة على كلام محمد هلال انا اعرف ان محمد هلال ما بيكدبش


لا بجد ومين قال ليكي الكلام ده وبعدين ياستي مين يشهد للعروسه

القرد في عين امه غزال

وياستي انا رديت اي خدمه

عقل المنتدي ورده تتحدث

أنا جيت تانى عارفه أنكـ إفتقدتنى مفيش داعى تقول

اكيد

بس ما تخافش مش هسألكـ


لا عادي براحتك

لسببين


ربنا يستر

ألأول شغلكـ ما يتعطلش

ربنا يخليكي خايفه علي شغلي متقلقيش هيجيلي رزقي لو فين

والتانى إنى زعلانه منكـ

ليه بس طب ثواني اجيب 2 كيلو عنب واجي ازورك

وحبه أعرف هيا أسئلة محمد هلال دى فعلاً حقيقه؟

بتاع السينما مش حقيقيه انما التانيه حقيقيه منكرشي بس والله ايام الشقاوه مش الوقتي


يعنى أنتَ عملت ده؟

لا فعلا عملته بس كان هزار وضحك شباب

ولا بس هزار ولا أيه؟

كان هزار

وكمان حاجه أنتَ مرتبط بخطيبتكـ عن حب؟

ياريت ياورده محدش يجيب سيره خطيبتي في المنتدي معلشي اسئلي في اي اسئله الا من ناحيه خطيبتي

والحمد لله ياستي عن حب ولو مكنشي حب اخطبها ليه يعني اقسم بالله حب من اربع سنين او اكتر ومعرفتش اكلمه الا بعد حرب وكره بيني وبينها لمده 3 سنين او اكتر لحد ما كلمنا بعض اي خدمه ياستي محدش بيقول علي اسراره كده الا اني


وخلينى صريحه أكتر معلش أنا شكيت إن ملكـ هيا خطيبتكـ


هههههههههه لا ابدا ملك دي اختي التانيه بس بعزها جدا وتقريبا شخصيتي زي شخصيتها بالظبط

واقسم بالله بعزها زي اختي بالظبط وبخاف عليها اكتر من نفسي وعلي فكره ملك من سني


من طريقة ردكـ عليها وكلامكـ عنها

لا عادي هو فيه اعز من الاخت ياورده


حتى كنت هعقب على ردكـ عليها بجمله هزار( أجيب شجره وكوبيتين ليمون ونمشى إحنا)

ههههههههههه
عادي مش مع اختي اجمل احساس ربنا يخليكي ياورده

دانتي ملكيش حل


ربنا يوفقكـ ومش هسأل تانى عشان شكلى خنقتكـ جداً


لا ابدا والله مستنيكي تاني وباسئله جميله زي دي

سكوت هاسال بقى
اكشن

-من تكون الانثى اللى تقف ادامها ضعيف

لا توجد امرأه فى الوجود تستحق ان يضعف امامها الرجل
لأن
مظنش ان فى واحده اقدر اقف اودامها ضعيف ولا حتى أمى مش معنى كده انى مش بار بيها او مبحبهاش بس انا كده قلبى جامد وبطبعى مش بخاف من حد وانا مش النوع الى بيعمل اخطاء علشان يتحاسب عليها سواء لانثى او ذكر او حتى ممكن اكون فى اى موقف ضعيف..الحمد لله بجد هذا من فضل ربي




لما تكون معجب بيها .. ايه هي طريقتك في الوصول الى قلبها

ناس كتير ممكن تقول ان اقصر وافضل طريق بين نقطتين هو الخط المستقيم بس انا بقول ان الوصول لقلب اى مرأه بيعتمد فى

الاساس على نوع شخصية المرأه

انا شخصيا لازم اجذب انتباهها الاول او على الاقل يكون فيه موضوع نتكلم فيه قبل ما اصارحها بحبى ليها او اعجابى

بيها ومينفعش انى ابعت واحده بنت تقولها انى معجب بيها او كلام فاضي منده يعني شغل الجوابات والكلام بتاعنا بتاع زمان ده يااستاذ سامح فاكره ولا لا

فعلى حسب بقى شخصيتها هيكون التصرف معاها يعني تبع علمها جهلها كده يعني يعني متكنشي اميه واقولها معادله هندسه ولا ايه مش تخليك معايا

وخلي بالك برضه من وجهه نظرى ان فتره الاعجاب مينفعشى نتعبرها حب .. فتره الاعجاب دى الفتره الى بتبدى فيها

اتعرف بيها على طريقه تفكيرها واسلوبها فى الكلام وتربيتها واعرف اذا كانت انسانه كويسه وبعد كده لو فعلا انسانه

كويسه لان انا مش عايز اجرب الحب الفاشل لان لازم اعرف طريقه تفكيرها لانها ممكن تكون طفوليه شويه او هوائيه

وبعد كده اظن ان الى باقى ده مرحله سهله واقصر طريق لقلب البنت الاهتمام بيها وانى ابين لها حبى بس مش بهبل

وعلي فكره انا كنت حبيت خلاص الفتره اللي فاتت دي بس بحاول بقدر الامكان البعد عنها علشان خاطر مخصرهاش ومخصرشي خطيبتي وخلاص الحمد لله بقت الوقتي بجد اكتر من صديقه




والدك هل هو مثلك الأعلى ؟؟؟؟؟؟؟؟؟؟؟؟؟

سؤال محرج شويتين انا بحبه ماشي ومعجب بتفكيره جدا بس انا قولت في رد قبل كده انني متغير عن بيتنا تماما في كل شئ سواؤ التفكير او المعيشه او اي شئ الا طيبه القلب فأنا زيهم انما اي شئ متغير

منكرشي من تاثري بيهم وحبي الزايد ليهم بس مش واخد كل طبعهم واكيد انت هتفهم قصدي من ردي


كم مرة تنازلت عن مبادئك من اجل فتاة

مظنش انى ممكن اكون انسان ولي تفكيرى وحياتى ومبادئى فى الحياه ويقدر اى انسان انه يخيلنى اتنازل عن مبادئى سواء انثى او رجل
وانا
الحمد لله عمرى ما تنازلت عن مبادئى علشان خاطر اى انثى
المبادئ لا تتجزأ لو تنازلت مرة هتنازل تانى وتالت ورابع
وانا احب انى احافظ على مبادئى جدا واكون انسان صريح بس اقسم بالله مش غرور

بس انا هتنازل ليه اصل لو اتنازات هقل من نظرها واكون انسان قبيح

وفي الوقت ده هكون زي حنفي حنفي مش هتنزل ابدا ولا ايه ياسامح باشا منورني والله



هل بكيت يوم من اجل قتاة هجرتك !!؟؟

مقدرشي انكر بس البكاء بييجي غصب عني بس مش لانسانه هجرتني لاني زي ما قولتلك لسه مقابلتش الانسانه اللي عاشت في خيالي

احتمال اكون قابلتها بعد فتره الخطوبه بس مينفعشي اترك خطيبتي لأن خطيبتي الحمد لله عندي بالدنيا كلها بس ممكن يكون اعجاب بالفتاه التانيه مش اكتر وبدعيلها ان ربنا يوفقها مش اكتر


ماهو الموقف الذي تضبط فيه نفسك متلبسا بالتناقض ؟

لما احس اني ماشي معايا الحديث اللي بيقول اتأمرون بالمعروف وتنسون انفسكم

بمعني اني أأمر حد اني يبعد عن شئ وانا بعمله بصراحه بكون مضايق اوووي



هل تتزوج من تحبها .. ام تحب من تتزوجها !! وايهما تراه اجمل ؟


انا مش هقولك زي الناس ان الحب بييجي بعد الجواز وكده يعني

يااستاذ سامح انت فكرتني بحكمه كان جدي بيقولها ليا زمان وانا معجب بيها جدا

اتجوز وخود اللي بتحبك ومتوجزشي او متاخدشي اللي انت بحبها

بمعني انها هتحافظ عليك كان نفسي اعمل بيها بس للاسف اي انسان بيحب ياخد حبيبته والحمد لله ده اللي حصل معايا
منكرشي ان بحب خطيبتي والحمد لله ربنا وفقني معاها واحنا الاتنين بنحب بعض ربنا يخليها ليا يارب




ايهما اجمل المراة في الواقع ام في الخيال!! ؟

بصراحه في الخايل افضل لانك في الخيال بيكون ادامك المرأه كامله من مجاميعه

بس مفيش كمال الا لله عز وجل

مثلا مفيش حد بيتفق علي حاجه مثلا انت شايف واحده زي لعسل ومزه طحن زي ما بنقول وروشه وطويله وكدا يعني

غيرك لو شافها يقول اه لو قصيره شويه ومش عارف ايه

فهيا بتختلف من حيث الرقه والجمال والاحساس وكده يعني

بس ايه اللى يمنع ان المرأه تكون فى الواقع ... بس بمواصفات الخيال ... هل ده صعب
ده اللى انا نفسى فيه



هجرتك من تحبها .. هل تبادلها الهجر ام تودد لها حتى تنعم بوصالها مرة اخرى !! ؟

قشطه ياسامح باشا المركب اللي تودي في ستين داهيه واللي يبيعك بيعه ياقلبي


لو كانت مديرتك امراة .. بماذا تهمس لها في كل صباح !!؟
مجربتش قبل كده لأني طول عمري مدير نفسي

بس احتمال في كل صباح صباح الخير والله اعلم



هل خضت يوما حربا من اجل الوصول الى قلب فتاة .. وهل فزت بقلبها !!

اذا فقدت او احببت شئ بشده ولم يكن لك فاتركه وان عاد اليك فهو ملكك من البدايه
الحرب خدعه زي ما بيقولوا ومع البنات بالذات بيحبوا الواد اللي بيعمل ايه علشان يوصل ليه وبيكونوا فرحانين اوووي

والحمد لله فعلا خضت حرب واحتمال تكون وصلت الي اكثر من اربع سنين وكانت مع خطيبتي اللي انا معاها الوقتي

شوفت لدرجه ايه اربع سنين حرب بيني وبينها اقسم بالله كنا بنكره بعض كره ايه مش عارف اوصفلك بايه بس الحمد لله

سبحان مغير الاحوال بعد كل ده خطبتها وحبينا بعض



ماهي الكلمة التي تربكك من المزة !!

معتقدش ان فيه شاب بيرتبك ادام بنت لما يسمع منها كلمة اليومين دول يعنىالشباب دلوقتى بقوا فعلا دبلوماسيين

جدا وبيعرفوا يخرجوا من اى موقف او اى كلمه تتقالهم

ممكن حد غيرى يقولك على كلمه بتربكه ... بس انا مش عندى للأسف

لا ثواني احتمال كلمه خلينا اخوات احسا




اخرحاجه يامحمود معليش اصل بحبك

بصراحه انا بموت فيك واسئلتك جميله جدا اوووي النهارده اصل جايه علي الجرح

ايه رايك فى كل من

اتفضل

سامح الصاوى محترم جدا وبحبه في الله

السيد النجار انسان عزيز عليا بس سريع الغضب

احمد عبد العزيز بصراحه مكلمتش معاه خالص بس تعاملي مع السنترال بتاعهم يجبرني من احترامهم اني احترمه جدا وانه شخصيه محترمه


عبد الحميد رشدى لا لا دي مش هقول دا قلبي اللي يوصف حبي ليه مش هقول اكتر من كده

فى نفسك نفسي مرجل وقلبي شراع هههههه والله انسان كئيب

يلا كفايه اصل عندى عزومه

هنيالك بالهنا والشفا

ومش فاضى

مستنيك تاني

عسوله وقمر المنتدي الساحره الليبيه صديقتي العزيزه


ههههههههههههه

تدوم الضحكه يارب

صار اللي مش حيسالك حتخليه مشرف

ههههه
يعني
كانت رشوه
طيب اللي حيسالك تخليه ايه

يالا بقي مش مهم اسالي مش هعمل فيكي حاجه

اهلين ليالي كيفك

تمام الحمد لله وانتي شو اخبارك


شوف انا في سؤال نفسي اسالهولك

اتفضلي
انت تعرف فااارس منين اذكرتو لفارس

لأنه صديقي زي ما قولتلك ومن بلدي من قريتي وزي ما قولتلك عنه بالظبط انه انسان طيب اوووووووووووووووووووي



وهل هو حاليا عضو هنا ولالا

موجود معانا فعلا

ارجوووك جاوب بصدق


اكتر من كده

انا مش حابه اسئلك اكثر من كدا عشان ماشاء الله كل اللي دخلو قبلي هروك اسئله

انتي شايفه كده امال انا اعمل ايه

بس لو كنت انا اول وحده رديت عليك في هذا الموضوع كنت اديتك اسئله تفضل يومين وانت تحل فيها
بس حرام الباين انك اتهريت اسئله

يالا بقي واتمني انك تسأليني تاني انا تحت امرك

ماشاء الله

ولا حول ولا قوه الا بالله


يلا سلااااااام

في رعايه الله وعليكم السلام

اختي المحترمه وارق انسانه في الكون ملك علي

اية يا وردة شكلك كدة ناوية ةتزعلى خطيبة محمود مننا

لا ابدا وهي هتزعل منك ليه احنا مش اخوات ولا ايه وانتي زي عمتها ههههه


اية يا ابنتى حرام عليكى ,,,,,,,,,,,,,خطيبة محمود كدة هتيجى تموتنى

لا ابدا مش هترضي بكده لأنها عارفه اني هزعل

على العموم يا ستى محمود ده انا بحترمه جدا وانسان يستحق التقدير .........ويمكن هو بيحب المجاملة شوية بس مش اكتر يعنى .....اكيد انتى عارفة محمود يعنى مجامل شويتين مش شوية


اقسم بالله ما بعرف اجامل احتمال اكون بحب الصراحه واللي علي قلبي علي لساني

وبعدين هجامل ليه وعلي حساب مين ولحساب مين ولصالح مين

قياريت مسمعهاش تاني منك انتي بالذات لأنك احتمال تكوني اكتر واحده عارفه محمود كويس

وانتي عارفه معزتك عندي ازاي
وبصراحه انا بحترمك جدا وشكرا علي كلامك الجميل والكبير في حقي


انما مش اكتر من كدة وبلاش تفسرى حاجات ممكن الناس تفهما غلط

مين هيفهم غلط وبعدين كلنا هنا اخوات وبنحب الضحك مش اكتر


كل الناس اللى فى المنتدى انا بحبهم وبحترمهم ونفسى اتكلم كمان معاهم وارد عليهم فى موضاعتهم
انتى واسلام ومحمد وعلى وضياء الحق وغيرهم واى حد هنا زى اخويا واللهى ..........


ان شاء الله القادم اجمل وشكرا ليكي علي تعليقك البسيط في موضوعي

وعايزك تردي علي رايك في ردي في سؤالك السابق وشكرا لطلتك الرقيقه علي كرسي الاعتراف الخاص بي

صديقي العزيز الكابتن يتحدث

شوية اسئله هيفه على الماشى

ماشي انا بحب الهيافه بس اقسم بالله هاجب باللي هييجي في دماغي وياريت محدش يزعل مني


ماهى قمة الحيره؟

انك مش لاقي حاجه تعملها
او تحب بنتين ومش قادر تسيبهم

ماهى قمة الذكاء؟

انك تلاقي حاجه تعملها او توفق بين البنتين

ماهى قمة العذاب؟

ان البنتين سابوك في الاخر والحاجه اللي انت لقيتك تعملها ضاعت منك

ماهى قمة الادب؟

اني اطلع فوق سطحنا واقعد ساكت

ماهى قمة الذهول؟

ان البنتين يرجعوا ليك تاني

ماهى قمة الالم؟

ان البنتين يدوك بومبه

من هو الغباء؟

اسئلتك دي

ماهى قمة الغباء؟

اللي بياجب علي اسئلتك

ومن هو اغبى من ذلك؟

اللي بيقرأ الاسئله دي وميضحكشي وميقولشي علينا هايفين

ارجو اجابه واضحه على اسئلتى

اكتر من كده

تحياتى لك ولجميع اعضاء المنتدى

ولك ياريت ياشباب محدش يزعل مني لأني اجبت علي الاسئله دي من قلبي

وانا بضحك فايه رايك اوعي حد يزعل

سامح الصاوي

هو محمود مات ولا ايه ولا كمان موجود فى المحل وله يامحمود انت فين ياض

كانت العروسه معزومه عندنا امبارح كلام في سرك ومتقولشي لحد


وله دى محبه ياناس علشان محدش يفهمنى غلط

ومين يقدر يفهمك غلط يااغالي دنا بحبك والله

وكمان الفرق بينى وبينه 12 سنه على الاقل

ايه انت هتيجي تتقدملي ولا ايه


وبعدين ياملك مجامله ايه المنتدى مفيش فيه مجامله لحد على حساب حد

حبيبي خليك جمبي عندك حق والله

ومحمود احذارى منه انا قولت اهو واد تعلب معليش يامحمود

في ثانيه تقلب عليا اه انت جاي تكره الاعضاء فيا ولا ايه الحمد لله الاعضاء عارفني كويس


اصل بحب ملك اوى

ياسيدي تدوم المحبه بينكم يارب

وهى كمان بتحبنى

لا اله الا الله من غير ما اعرف ياملك انا مش اخوكي ولا ايه

صح ياملك

تؤتؤ

طبعا فى الله علشان مفيش طمع

احبك الذي احببتها

ههههههههههههههههههههههه

ياتي كاميلا نوغه تدوم الضحكه يارب

اسلام ناجي محرم يتحدث

روحت تزور صديقك يامحمود ولقيته في وضع مخل بالشرف يعني لقيت معاه واحدة في الشقة ف الحرام يعني . هتعمل ايه في وقتها . .... وتصرفك تجاه صديقك هيبقي ايه بعد كده ؟؟؟؟؟؟؟؟؟؟

بأمانه يااسلام انا الاول اكلم بنات ماشي اضحك ماشي اقابل ماشي انما كده يعني وفي شقه لا ابدا عمرها ولا عمرها هتحصل ولا عمري احاول افكر فيها اقسم بالله ياسلام مرضاش بكده ابدا

بس من ناحيه زميلي عادي اسيبه وامشي علي فكره انا حصل معايا زي دي كتير وزمايلي كانوا بيعزموني من زمان علي مقابلات من النوع ده بس الحمد كنت بخاف مش جبان والله بس خوف من ربنا وكما تدين تدان يااسلام

بس هقابل زميلي بعد كده عادي هقولي احكيلي عملت ايه هههههههه

مش هعمل حاجه يااسلام بس كفايه اقوله كما تدين تدان مش اكتر



والد عروستك اشترط عليك مؤخر كبير جدا قد يصل الي ربع مليون جنيه هتوافق ولا هتحس انه بيخطط لحاجه ولا هترفض ولا هتقوله نزل المبلغ شوية ولا ايه ردك ساعة مايقولك كده وهتتصرف ازاي قوللي؟؟؟؟؟؟؟؟؟


اولا الحاجات الرمزيه مفيش عليها اختلاف والمؤخر بيحفظ اي فتاه من الطلاق

بس ميوصلشي للمبلغ ده يااسلام

انا مش عارف اقولك ايه بس الحياه اللي تتبني علي الفلوس متنفعشي

بس احتمال اعمل زي النكته اللي كانت بتقول كان فيه واحد بخيل اووي

وابنه نفسه ياخد منه فلوس فخلاه قاعد مع ناس وبيقول له بابا بابا ابابا حاتلي جنيه

رد الاب وقاله بتقول ايه نصف هتعمل ايه بالربع معايا بريزه هتاخد شلن

هههههههه

انا هعمل زيه هقوله بتقول ايه 100 الف هتعمل ايه بالــ 50 الف

معايا 25 الف تاخد 10 الاف وتمشي الدور

ايه رأيك في الحل ده

المتمرد والمحترم حسام

فعلا الموضوع يستحق المتابعه ويا جماعه مش كل واحج فيكم يزعل شويه يجى يفش غله فى محمود ده الراجل صايم برده ده زمانه خس النص اليومين دول


لا عادي ياحسام ربنا يخليك انا ليا بركه الا حبايبي اعضاء المنتدي

انا عايز اي عضو شايل مني يقول اللي في نفسه الوقتي ويفش غله فيا

ياشباب اي حد شايل مني يقول ويسال عادي والله انا تحت امركم انا عمري ما هزعل من اي حد خالص