بسم الله الرحمن الرحيم



قبل اى كلام هقوله احب اوجه الشكر لكل اعضاء المنتدى

انا بجد وانا معاكم حسيت انكم اسرتى التانية

اتعلمت منكم

واستفدت من افكاركم وارأكم



بجد حسيت انى صغيرة جداااااااااااااااااااااااااااا

قدام اراء كتير

حسيت انى كنت صغيرة وبتعلم من ناس اكبر منى بكتير



اولا انا بعتذر بجد

لكل الناس اللى بعتولى اسئلة على كرسى الاعتراف

وانا مقدرتش ارد عليهم

بجد اسفة يا دلع بنوتة

وانت يا ماضى المجهول والكابتن

انا اسفة بجد واللهى بجد انا مش عارفة اعتذر ازاى ليكم

او ازاى اعتذر



وبعتذر بجد لكل الناس اللى انتخبونى وانا مكنتش قد المسؤلية دى



انا اسف للمدير اللى رشحنى



اسفة بجد



انا قررت انى هسيب كرسى الاعتراف



اول مرة تحصل



بس صدقونى انا مش قادرة اكتب او اكمل



وياريت الكل يحترم قرارى ده



انا بجد مش عارفة اقول اية

ممكن اكون ضعيفة فى موقفى ده بس صدقونى غصبن عنى



انا حاسة بجد انى مكسورة



يمكن يا اسلام

انا عارفة انك مقصدتش بكلامك ده حاجة وانك بتحافظ على المنتدى



بس بصراحة انا حاسة بلاهانة

وياريت تكون الاهانه دى ليه

كان ممكن اعديها

بس بصراحة حتى عنوان الموضوع كان اهانه لاهلى

وغير انى حسيت انى بجد قصرت فى حق اهلى وهنتهم معايا

وبقول لنفسى الى قال الكلام ده اكيد قال ابوها رضلها ازاى كدة

ويمكن قال اهلها كمان مربوهاش

يا نهااااااااااااااااااااار ابيض

حاسة بجد انى كنت سبب فى اهاتنهم حتى لو محدش يعرفنى هنا زى ما انت بتقول

ولو حتى والدى ميعرفشى

كفايا انى خسرت اسم العضوة

وكفايا انى حاسة بجد انى هنت والدى او اهلهى اللى بتمنى دايما رضاهم وعايش بدعاهم

انا بصراحة وهقولها ومش هتكسف مجرد زرة تراب فى جزمة والدى

ومرضاش يتهان بكلمة واحدة

من قريب او من بعيد

يمكن انا كبرت الوضوع اوى

بس بصراحة حتى لو كانت اهانه صغيرة وانا كنت فيها سبب لاهلى

فانا لازم اكبرها

.................................



انا صدقنى مش زعلانة ولا هسيب المتندى علشان كلامك ده يا اسلام

كان ممكن الكلام يكون من غيرك

بس كنت اتمنى لو كان فى رسالة خاصة وانا كنت اتصرفت

او بطريقة احسن من كدة وكلام اشيك شوية



على العموم

انا بشكرك واللهى وانت مهما كان اخويا الكبير ولا اية



وبصراحة انا فكرت مع نفسى كتير

وفكرت فى كلامك اكتر

حسيت انى كنت سبب فى حاجات كتير بدون قصد

ناس كانت عاوزة تسيب المنتدى

وناس غيرت فى اسمها علشان ميشرفهاش تدخل باسمها الاصلى

واهلى اللى حسيت انى قصرت فى حقهم

وفى الاخر اخدت قرار واحد



انا هلغى تفعيل اشتراكى فى المنتدى



بطلب من المدير انى زى اى عضوة قصرت فى حق المنتدى يلغى اشتراكها



وياريت محدش يفتكر ده ضعف او هروب

لا واللهى ابدا
انا بجد بحافظ على المنتدى وبحافظ كمان على كرامتى

وهكون كمان عبرى لاى حد فى المنتدى

اى حد لو هيفتكرنى هيفكر فى اى كلمة يقولها

بعد كدة



وبجد انا بشكر كل الاعضاء اللى اتعلمت منهما حاجات كتير

وردة ........................بجد انا حبيتك جداااااااااااااااااااااا

كنتى مثالى الاعلى وما زلتى وهتلاقى اهداء ليكى فى قسم الشعر

انت هتكونى اعظم ام فى الدنيا

وبتمنى تجمعنا الصدفة ونتقابل

كنت بتمنى نكون اصدقاء



ضياء الحق................اتعلمت منك حاجات كتير استفدت من اراءك وفكرك

كنت بتمنى اتعرف على شخصيتك اكتر واكتر

دايما بسمع على احترام واخلاق دكتور صلاح عثمان

وبصراحة باراءك وافكارك اكدت ده وكمان زودته



ابو حمدى .........................ابو روح الرياضية العالية

بدمك الخفيف حببتنا فيك وباراءك وكلامك ومواضعيك كنت عضو مميز بجد

يا ريت تفضل كدة على طول

وهتقعد على كرسى الاعتراف يا قمر

واسفة بجد لو مقدرتش احقق طلبك



محمود.........اخويا الكبيربتمنى بجد ليك السعادة

واسفة واللهى على كرسى الاعتراف

ومش عارفة اقولك اية

حسام ومحمد هلال.................بجد متشكرة بجد على روددكم وكلامكم الجميل موضعكم الممتازة بجد

هتكون سبب فى نجاح المتندى



الاستاذ سامح ..............ربنا يخليك انا عارفة انى زى امانى

ومتشكرة بجد على كلامك اللى بعته

قمر الخليج اسلام حماقى ............فتاة .................ام سارة ...........دلع بنوتة

كل الناس اللى افتكرتها واللى مش فاكراها انا بجد حبتكم واحترمتكم بجد

وكان نفسى افضل معاكم على طول



اما الاستاذ خالد ...واسلام .............واللهى انا بشكركم بجد انا بجد اتعلمت حاجات كتير منكم ومنك بالذات يا استاذ خالد

انت بجد مثال لاحترام والتقدير

واسلام انا واللهى مش زعلانه من كلامك وبشكرك واللهى العظيم





دى اخر رسالة منى للمنتدى



بشكر كل الاعضاء وبتمنى الخير ليكم كلكم

وانا متاكدة معاكم المنتدى هيكون فى تقدم على طول

بس يا ريت دايما تفتكرونى بالخير

ويا ضياء متنساش صورتى دى



وفى اخر كلمة هقولها انا وانا بكتب الكلام ده مكسورة واللهى حاسة انى سايب اهلى ومسافرة

بس بجد اللى هيصبرنى ان فى ناس هتعلى بالمنتدى مهما كانت الظروف



كل سنة وانتم طيببن بمناسبة عيد الفطر ويارب يارب يكون احلى عيد عدى عليكم













والسلام عليكم ورحمته وبركاته

وياريت محدش يفتكر ده ضعف او هروب

لادة ضغف وهرب ياملك

احنا هنا وبسم المنتدى كله عاوزين ملك

ياحبل ماتهزك ريح