يوميات مضحكة ( لواحظ وعبد المتجلى )

تاريخ التسجيل : 07/05/2009

يلا بينا مع اجمل يوميات مضحكة من القلب تعالو نضحك

(الحلقة الاولى)

الام:لووووووووووى لووووووووووووى

الاب:ايه يا جملات بتزغرطى كده ليه؟

الام:اسكت يا حج لواحظ جالها عريس يا اخويا

الاب يوميات مضحكة ( لواحظ وعبد المتجلى ) Frown

يوميات مضحكة ( لواحظ وعبد المتجلى ) Frown

وعنيه مبرأة ومذهول) لواحظ بنتنا يا ولية ولا انا بيتهيألى!!!!يا اما أنتا كريم يارب أخيرا هتتفك عقدتها
الام:وطى صوتك يا متولى البت تسمع تتقهر يا أخويا احنا ما صدقنا

الاب:طيب طيب خلاص بس تعالى احكيلى مين اللى امه داعية عليه ده

الام يوميات مضحكة ( لواحظ وعبد المتجلى ) Frown

وهى فى منتهى الانشراح) ده الواد عبد المتجلى ابن الست بهية فى الشارع اللى ورانا يوه ما انتا عارفهم يا راجل كان ابوه بتاع مراجيح

الاب:ها كملى.... اولها مراجيح ربنا يستر

الام:هو عمره ما شاف لواحظ بس سمع عن ادبها وجمالها اصله كان مسافر الخليج يا اخويا

الاب:أدبها طب قولى حاجة غير كده يا ولية ما انتى عارفة بنتك لسانها طول نفق شبرا

الام:يوه بقى يا متولى سيبنى اكمل يا راجل وما تبوظش فرحتى

الاب:يعنى بيشتغل ايه حيلة امه ؟

الام:بسم الله ماشاء الله ميكانيكى اد الدنيا

الاب:يلا لو زبال حتى انا عاوز اجوزها قبل ما أتشل وتجيلى جلطة من عمايلها السودا

الام:بعد الشر عليك يا ابو لواحظ....وتعيش وتشوف ولاد ولادها

الاب:لالالالا هى بس تتجوز ومش عاوز اشوف اى حاجة من ريحتها ده انا جالى الضغط والسكر منها يا جملات

الام:ههههه تتك أيه يا متولى ضحكتنى ده انتا بتموت فيها يا راجل مش بنتك الكبيرة

الاب:امال ايه ....بس ربنا يهديها وتتم الجوازة على خير

(صوت تكسير وصريخ ابنهم الصغير حناطة خارج بيجرى من اوضته )

حناطة:أاااااااااااااه الحقونى يالهووووووووووى

(ويستخبى حناطة ورا كرسى أبوه .....بينما تخرج الليدى لواحظ بتجرى وراه وهى بنت شرسة رغم ملامحها التى تبدو الى حد كبير مقبولة ولكنها غير منظمة فى مظهرها وعنيفة وصوتها عالى باستمرار)

لواحظ:وحياةأمك وأبوك اللى رايح تستخبى وراه ده لقطعك ياخرتيت انتا.....مااااااااااشىاما كهربتك يا حناطة وانتا نايم وتموت مفحم ما أبقاش أنا فتكات

الاب يوميات مضحكة ( لواحظ وعبد المتجلى ) Frown

بمنتهى الهدوء والرعب طبعا من منظر بنته وفلذة كبده لواحظ) ايه يا لظلظ صلى على النبى فى قلبك كده يا بنتى فى ايه بس؟

لواحظ :اسكت انتا دلوقتى يا عم الحج سيبنى منى له

الاب:عم الحج!!!! يا بت احترمينى الله يحرقك ده انا ابوكى

كان يوم اسود يوم ما أمك قالتلى انها حامل فيكى
الام:اة يا اخويا حتى يومها المرحومة أمك ربنا افتكرها اهى البت طلعت لها

لواحظ:يا عينى عليكى يا لولو كلهم عليكى الهى اشوف فيكو يوم

الاب:يلا يا حناطة على اوضتك ماتخفش ....(ويلتفت الاب للواحظ) وانتى يا أم طويلة أترزعى جمبى هنا عايزك

لواحظ يوميات مضحكة ( لواحظ وعبد المتجلى ) Frown

تقعد على الكرسى فى انكسار وهزيمة بعد ما حناطة فلت من تحت سنانها) افندم يا بابا
الاب:ايه الادب ده كله .....الله الله

الام:خلاص بقى يا متولى يلا فرحها بالخبر (وتطبطب على لواحظ وعلى وشها ابتسامة عريضة)

الاب:احممممم بصى يا لواحظ يابنتى خالتك حسنية جايبة لك عريس لوقطة وهيجوا يشوفوكى الخميس الجاى

الام:لووووووى مبروك يا نور عينى عقبال الفرح يارب(وتبوس لواحظ التى جلست فاتحة بؤها ومذبهلة من خبر زيارة عريس الغفلة)

الاب:هو اسمه عبد المتجلى وبيشتغل ميكانيكى محترم .......ها ايه رأيك .؟

لواحظ:ايييييييييييه ميكانيكى يعنى ايده سودا وريحته بنزين 80....مستحيل اتجوزه مش عايزاه

الاب:هتشوفيه غصبن عن عين ابوكى .....هو ده اللى عندى واعملى حسابك على الخميس اللى جاى

لواحظ يوميات مضحكة ( لواحظ وعبد المتجلى ) Frown

وعنيها بتطق شرار وتحدى) بقى كده ماشى

انتا اللى جبته لنفسك يا سى عبد المتجلى ..........

لسة الخطوبة وربنا معاك يا عبده
اتمنى تعجبكم يا جماعة
والكل معزوم فى الخطوبة
والحاضر يعلن الغايب
خطوبة لواحووووووووووووووووواحظ قريبا

انتظرونى الحلقة الجاية .....................................

منتدى شباب ميت عزون /><!--
بداية قالب الموضوع الاصلي - www.meetazoon.com --><br /><font color=

الموضوع الأصلي : يوميات مضحكة ( لواحظ وعبد المتجلى ) المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: الماجيكو

تاريخ التسجيل : 21/02/2010

ههههههههههههههههه يوه جاتك ايه ياسى متولى اقصدى يا على ضحكتنىده لواحظ عايزه الحرق بجاز
مش جايه الخطوبه دى ربنا يكون فى عونك يا عبده....
وفى انتظار باقى المسلسل

منتدى شباب ميت عزون /> <font color=

الموضوع الأصلي : يوميات مضحكة ( لواحظ وعبد المتجلى ) المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: الملاك الصامت

تاريخ التسجيل : 07/05/2009

طبعا اختنا لواحظ قررت تتطفش العريس بس لما جه عبد المتجلى هو وامه .............. تعالو نشوف عملوا ايه

الحلقة التانية

(من يوم ما الست ام لواحظعرفت بمعاد الخطوبة والبيت بقى فى حالة طوارىء خبط ورزع وتنفيض ويومالخميس البيت بقى ولا بيت المحافظ وجاهز لاستقبال الفارس الهمام عبد المتجلى )

اوضة لواحظ.......لوووووووووووى لووووووووى وبنات العيلة بيغنوا ماتزوقينى ياماما قوام ياماما ده عبد متجلى بره وجايب الشكمان ياماما

لواحظ اوووووووف عيال رخمة ربنا ياخدهم )وعشرة واقفين يزوقوا فيها وهى ضربة الوش الخشب ومش طايقة دبان وشها

فى نفس الوقت كان عبد المتجلى والست والدته طالعين على السلم وماسك ايد والدته الست بهية
الست بهية:بشويش يا بنى مفاصلى بتنقح عليا

عبد المتجلى:يلا بقى يا أما عاوز اشوف لواحظ
(كان الاستاذ برعى جار والد لواحظ نازل بالصدفة وبص لعبد المتجلى بحسرة وقاله:ان لله وانا اليه راجعون مبروك يا عريس ربنا يتولاك برحمته يا بنى

الست بهية:وشوشت عبده وقالتله سيبك منه ده شكله مجنون الراجل ده شوف شعره منكوش ازاى ومتعور

عبد المتجلى :الراجل ده خضنى هو يقصد ايه

الست بهية :كل خير يا ضنايا ماتخفش

عبد المتجلى ظبط القميص ورفع البنطلون ومسك علبة الجاتوه اللوكس اللى جايبهامعاه وضرب جرس الباب (غلطة عمرك يا عبده)

الست بهية:تبصله وتضحك اسم الله عليك يا حبيبى شبه المرحوم ابوك الخالق الناطق فينك يا شلبى تشوف ابنك وهو بيخطب

الام يوميات مضحكة ( لواحظ وعبد المتجلى ) Frown

تفتح الباب وفرحانة على الاخر)اهلا اهلا اتفضلوا

الاب:اهلا وسهلا اتفضلوا ويسلم على عبده ويدخلهم الصالون

الام يوميات مضحكة ( لواحظ وعبد المتجلى ) Frown

دخلت عند لواحظ الاوضة)يلا يا حبيبتى عريسك وصل هاتى العصير وتعالى بشويش وافردى بوزك شوية

لواحظ :الهى كان وقع من على السلم هو وامه وجالهم ارتجاج وريحونا بقى

الام:عيب يا بت ده الواد فلقة قمر يا خيبة وطول بعرض وشنبه يقف عليه الصقر

لواحظ :صقر لما يخرم نفوخه وكمان بشنب يادى القرف عاملى فيها الملك فاروق

الام:يلا بطلى طولة لسان وشهلى اخرجى بطل ما ابوكى يتنقط منك كفاية اللى طفشتيهم قبل كده بعاميلك السودا

(ام لواحظ تسبقها على الصالون وترحب بالضيوف )
الام:اهلا اهلا منورة يا ست بهية

ست بهية:بنورك يا ام لواحظ

(عبد المتجلى مكسوف وعامل عريس ووشه جايب الوان الطيف)

الاب يوميات مضحكة ( لواحظ وعبد المتجلى ) Frown

هو الواد ده اخرس ولا ايه)وقام رزعه بايده على كتفه منور يا اسطى عبده

عبد المتجلى:الله يخليك يا عمى

الاب يوميات مضحكة ( لواحظ وعبد المتجلى ) Frown

الواد مؤدب واخلاق والله خسارة فى المدفع الرشاش اللى هيهل علينا دلوقتى)( هههههههههههههه عسل الراجل ده )

ست بهية:أمال فين ست العرايس؟

الام:جاية حالا يا حبيبتى(يا لواحظ تعالى سلمى على الضيوف)

(تدخل لواحظ وماسكة صينية العصير وعاملة فيها نسمة وسى عبد المتجلى رافع نص عينه وبيبص على فتاة احلامه اللى هتقلبهاله كوابيس باذن الله)

لواحظ :سلام عليكم (وقعدت من غير ما تقدم العصير
وامها قاعدة تبصلها عشان تتحرك وتقدمه ولا حياة لمن تنادى)

الست يا عينى قامت وقدمته ودارت الموقف بس كان هاين عليها تقعد على لواحظ تبططها من كتر غيظها وهى موصياها تقدم لحماتها الاول وبعدين العريس

الاب:سلمى على خالتك ام عبد المتجلى يا لوزة
لواحظ يوميات مضحكة ( لواحظ وعبد المتجلى ) Frown

الهى يسلم عليها قطر هى والمحروس ابنها واخلص منهم) أزيك يا طنط وبتضحك ضحكة صفرا طبعا

ست بهية:الله يسلمك يا مرات ابنى يا غالية
ايه رأيك فى عروستك يا عبودى

عبد المتجلى:ماصدق طبعا وبص للواحظ وهى مودية وشها الناحية التانية ومش طيقة تبصله وقال ماشاء الله يا امى

لواحظ يوميات مضحكة ( لواحظ وعبد المتجلى ) Frown

الله ياخدك انتا وامك يا شيخ)

ست بهية: ها يا حج متولى طلباتك انتو تأمروا

الاب:الامر لله يا ست بهية احنا بنشترى راجل

(الاستاذ متولى والست بهية وعبد المتجلى مركزين فى تفاصيل الجواز لواحظ قاعدة مخنوقة وحالفة تطفشهم)

لواحظ :بصت لعبد المتجلى لاول مرة من اول القاعدة (ايه ده يخرب بيت سنينك ده طلع قمر )
ونزلت عينها وبعد تفكير عميق قررت تدى عبد المتجلى فرصة أما لاقته امور كده

الاب:ها يا لواحظ ايه رأيك يابنتى نقرا الفتحة(وهو حاطط ايده على قلبه خايف تعمل اى مصيبة زى عوايدها)

لواحظ :اللى تشوفه يا بابا (يلا مع ان شنبه بيفكرنى بهولاكو زعيم التتار)

ست بهية:مبروك يا ولاد وقروا الفاتحة
(لوووووووووى لوووووووووى)وام عبد المتجلى قعدت تعيط

ست بهية:اهىءاهىءاهىءاهىء فينك يا ابو عبده تفرح معانا

لواحظ يوميات مضحكة ( لواحظ وعبد المتجلى ) Frown

الولية النكد دى مش هتنفع معايا)اجيبلها سى السيد بتاعها ده منين دلوقتى

عبد المتجلى:روقى بقى يا حجة زمانه حاسس بينا دلوقتى

لواحظ يوميات مضحكة ( لواحظ وعبد المتجلى ) Frown

زمانه مرتاح من امك النكدية دى والله)
(معلش يا جماعة اصل لواحظ مش نكدية خااااااااااااااااالص وهتشوفوا بعدين )

الاب:يلا بقى يا جماعة الغدا جاهز وخلونا نفرح بقى بخطوبة الولاد

(وبعد الغدا مشى عبد المتجلى ووالدته وهو فى منتهى الانشكاح ما هو مش عارف اللى هيجراله ولو عرف هيتمنى يروح هو لابوه شلبى بتاع المراجيح)

(اوعوا تنسوا انتو معزومين على الشبكة وربنا يهنى لواحظ بعبد المتجلى)

انتظرونى الحلقة الجاية دى هاتعمل عمايل ههههههههههههههههههههههههههههه اراكم على خير ....................

الموضوع الأصلي : يوميات مضحكة ( لواحظ وعبد المتجلى ) المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: الماجيكو

تاريخ التسجيل : 25/04/2009

الموضوع الأصلي : يوميات مضحكة ( لواحظ وعبد المتجلى ) المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: فتاه من زمن قديم

تاريخ التسجيل : 21/02/2010

نايس يا على............ويتنج فور يو

منتدى شباب ميت عزون /> <font color=

الموضوع الأصلي : يوميات مضحكة ( لواحظ وعبد المتجلى ) المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: الملاك الصامت

تاريخ التسجيل : 07/05/2009

الحلقة الثالثة

(طبعا عارفين ان الحسناء لواحظ على وش شبكة وعاملة عروسة بقى )

اوضة لواحظ........النور مطفى وعبد الحليم بيغنى جانا الهوا جانا و لواحظ قاعدة هيمانة وماسكة الموبيل يمكن عريس الغفلة يتصل بس ده برضه مايهزش فى لواحظ الجبارة شعرة

لواحظ :مااااااااااماااااااااا

الام:ايه يا بت رعبتينى ربنا ينتقم منك

لواحظ :هو زعيم التتار مش ناوى يلبس دبل ويشبكنى رسمى بقى ولا هيفضل داخل خارج عليناكده زى الدبانة

الام:هههههههههه يقطعك يا موكوسة اوام هتموتى على الواد مش ده اللى كان كوخة وريحته زيت قلية

لواحظ :لالالالا انتى دماغك راحت فين يا ام لواحظ انا بس عاوزة ارتاح منكم مش حبا فى المنيل عبد المتجلى ده

(بتحاول تدارى مشاعرها ناحيته احسن تبان ضعيفة ولا حاجة اصلها مفترية شوية )

الام:خلاص اهمدى بقى هو اتفق مع ابوكى يلبسك الشبكة يوم الجمعة الجاية على الضيق كده

لواحظ :يومه اسود زى كف ايده سى عبد المتجلى المزحلق بتاع بنزين ورا يا اسطى

بقى انا اتشبك على الضيق وكمان من غير ما اختار شبكتى......عن اذنك يا ماما انا هتصرف

الام:ربنا يستر عليك يا بنى وتطلع سليم من تحت ايدها

تررررن تررررررررن
(لواحظ ضحت برصيد الموبيل وطلبته )

عبد المتجلى يوميات مضحكة ( لواحظ وعبد المتجلى ) Frown

يفتح عليها) أفتح الكابوت يا ابن المتضايقة وشوف الزبون وريحه

لواحظ : نعم يا اخويا
عبد المتجلى:الوووو لا يا شكمان قلبى مش انتا يا جميل

لواحظ:احترم نفسك يا موتور احلامى
عبد المتجلى:ههههههههه والله عسل يا لظلظ

لواحظ :طب سيب عشة الفراخ اللى انتا فيها دى وركز معايا بقى عشان ما اقلبهاش عليك

عبد المتجلى:خير يا لواحظ انا زعلتك فى حاجة؟
لواحظ :هو انتا تقدر يا سبعى

بص بقى يا أما انزل انا وانتا نختار الشبكة وبلاش حماتى تديك فى حقن تحتالجلد يا أما تنسانى يا عبودى للابد اهىء اهىء اهىء اهىء انا اعصابىتعبانة ومحدش حاسس (فتكات بتعيط!!!!!!!!)

عبد المتجلى:طيب وحياتى عندك لو كان ليا عندك خاطر...... ما تعيطيش يا لظاظة قلبى

لواحظ يوميات مضحكة ( لواحظ وعبد المتجلى ) Frown

هو عامل فيها انغام ولا ايه بس كويس البصلة جابت نتيجة ) المهم يا عبده قلت ايه؟( خلصنى بقى صحيح رغاى زى امك بهية المستخبية)

عبد المتجلى:لالالا انا هشوف الموضوع ده مهما كان ده حقك ودى شبكتك برضه وهنجيبها سوا يا لظلظ ولا تزعل يا جميل

لواحظ :طب يا عوعو انا هسيبك بقى عشان اتخنقت وما تنساش تشحنلى الموبيل مش هصرف عليك من اولها

عبد المتجلى:من عنيا الجوز وايدى اللوز.......يا محلول جلوكوز

لواحظ يوميات مضحكة ( لواحظ وعبد المتجلى ) Frown

يخرببيت ملافظك) تسلم ايدك يا عبده وما تنساش تغسلها قبل ما تاكل بدل ما تتسممن الهباب بتاع العربيات ومالحش اجيب حتى دبلة خشب وابقى ارملة

عبد المتجلى:ههههه سكر والله يلا خلى بالك من نفسك سلام

لواحظ (تقفل السكة معاه)وتروح تفرح والدتها وتقولها اعملى حسابك هنروح نشترى الشبكة بكرة

الام:اروبة زى اللى خلفك ياعينى عليك يا عبد المتجلى انتى لو مش بنتى كنت قلتله اصرف نظر يابنى وشوفلك واحدة تانية

(اشتروا الشبكة و لواحظلبستها الحمد لله واليوم عدى على خير من غير اى خساير ولواحظ كانت زىالحمل الوديع ما هى العروسة بقى وبذكائها اشترت كل اللى نفسها فيه بالرغممن ان ام عبد المتجلى كانت هتتشل من كتر المصاريف اللى صرفتها وحطت فتكات فى دماغها خلاص)

عبد المتجلى :احمممم عمى بمناسبة اليوم اللى زى القشطة ده لو ممكن يعنى اخد لواحظ اعشيها بعد اذنك

الاب يوميات مضحكة ( لواحظ وعبد المتجلى ) Frown

وهو مجعوص اوى وفارد نفسه على الكرسى وعامل ديك رومى )والله يا عبده يا بنى انا معنديش بنات تخرج مع واحد غريب ....هو ده اللى عندى

الام:يوه يا متولى ماهى بقت خطيبته يا حج
لواحظ يوميات مضحكة ( لواحظ وعبد المتجلى ) Frown

عليا النعمة ان ما رضيت يا متولى هشغل السخان عليك مية بتغلى وانتا فى الحمام )وتبتسم لابوها ابتسامة صفرا وهاين عليها تديله بالبوكس

عبد المتجلى يوميات مضحكة ( لواحظ وعبد المتجلى ) Frown

ينظر لحناطة اخو لواحظوهو قاعد زى برميل الطرشى وهاجم على علبة الشيكولاتا وقضى عليها ) ايهرايك يا عم متولى ناخد الامور حناطة معانا واهو يتعشى معانا انا شايفهخاسس كده وما بياكلش

حناطة:هييييه هتعشى .......خلينى اخرج مع ابيه عبده يا بابا

الام:خلاص بقى يا متولى ورحمة المرحومة امك ما تكسف عبد المتجلى

(واتنهد ابو لواحظ وسكت شوية)

عبد المتجلى يوميات مضحكة ( لواحظ وعبد المتجلى ) Frown

مااااااشى يا متولى بيه ورحمة امك بكرة اتجوزها واخليك تشوفها مرة فى العيد الصغير ومرة فى العيد الكبير)

الاب يوميات مضحكة ( لواحظ وعبد المتجلى ) Frown

بكل تناكة)هاااااااااا طيب عشان خاطر حناطة ما يزعلش واكسر بخاطره روحوا اتعشوا بس ماتتأخروش

لواحظ :تبتسم اوى وتبص لعبد المتجلى وهى فى منتهى السعادة (اظاهر انها حبيته بحق وحقيقى)
.............المهم عبد المتجلى واقف على باب الشقة هو و لواحظ وامها مستنين اللورد حناطة عقبال ما يتشيك ويمسح لحوسة الشيكولاتا اللى مغطية وشه المنتفخ من كتر الحشر عمال على بطال

الاب يوميات مضحكة ( لواحظ وعبد المتجلى ) Frown

بشويش وماسك ودن حناطة)افهم يا جذمة يا ابو مخ عجالى انتا تمشى فى وسطهم وما تسبش ايد اختك واوعى الواد عبد المتجلىيمشى جمبها لو فكر يمسك ايدها عضه واجرى كأنك بتلغ حتة لحمة وعايزك تغتتوترزل عليه عشان يحرم يقول اخرجها تانى ........يلا غور من وشى تتك نيلةوانتا شبه امك

حناطة يوميات مضحكة ( لواحظ وعبد المتجلى ) Frown

متنحومبلم ومدلدل رقبته وبيسمع الوصايا العشر من ابوه) ما تقلقش يا بابا انتاما خلفتش الا حناطة اعتبر نفسك باعت اسد معاهم........بس انا اخاف لواحظ تضربنى؟

الاب:امشى بس يلا بسرعة وما تخفش هى عاملة فيها فاتن حمامة النهاردة ومش هتضربك قدام

المحروس (عبد المتجلى و لواحظ وحناطة نزلوا من البيت واتمشوا على الكورنيش شوية وحناطة عامل زى حرس الحدود وعبد المتجلى هاين عليه يربطه فى ماسورة ويحدفه فى النيل هههههههههه)
عبد المتجلى:ها مبسوطة يا لواحظ ؟

لواحظ :تبص لحناطة وتقول لعبد المتجلى اة اوى هتطق من الانبساط يا عبده

عبد المتجلى:المهم اننا مع بعض يا لوزة قلبى
لواحظ :لوزة قلبك!!!!!ده دلع ده ........طيب تسلملى يا زعيم التتار

صحيح يا عبده ما فكرتش تحلق المقشة اللى سدة مناخيرك دى قبل كده.......ده حتى غلط على التنفس لاحسن تموت فطصان ولا حاجة

عبد المتجلى:لالالالالالالالا عمرى ده انا اموت بحسرتى (ويبصلها ويبتسم فى حين ان الاخ حناطة ملهى فى كيس الفيشار اللى جابهوله عبده عشان يرتاح من رزالته) ده شياكة يا لظتى عشان ابقى شبه اللى اسمه يحيى ده يا لموسة قلبى

لواحظ :اتلم يا عبد المتجلى بدل ما اخد حناطة واروح وخليك بقى حب فى شنبك يا بتاع لميس انتا
عبد المتجلى:ورحمة ابويا ورحمة ابويا كمان مرة انتا بتغير عليا يا جميل

لواحظ يوميات مضحكة ( لواحظ وعبد المتجلى ) Frown

لاقتان الموضوع هيقلب رومانسية وهى طبعا بميت راجل ....اسد يعنى) كشرت وقالتله:هتعشينا ولا اخد الواد وامشى واخليك تجرى ورايا والناس تتلم واقولهمبيعاكسى
وتاكل علقة تنسيك اسم المرحوم ابوك

عبد المتجلى يوميات مضحكة ( لواحظ وعبد المتجلى ) Frown

بمنتهى الاذبهلال)ايه يا لواحظ قلبتيها اخبار حوادث ليه كده .......يلا ياستى نتعشى انا مش مستغنى عن عمرى
لواحظ يوميات مضحكة ( لواحظ وعبد المتجلى ) Frown

رجالة ما تجيش الا بالسك)

(وعبد المتجلى اختار مطعم شيك اخر حاجة عشان خاطر عيون الساحرة لواحظ متولى ودخلوا المطعم والغلبان عبد المتجلى بيرسم فى خياله اول عشا رومانسى زى ما بيشوف فى الافلام)

لكن ما خفى كان أعظم وربنا يعينك على ما بلاك يا عبده
استنونى المرة الجاية ههههههههههههههههههههه

الموضوع الأصلي : يوميات مضحكة ( لواحظ وعبد المتجلى ) المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: الماجيكو

تاريخ التسجيل : 21/02/2010

هههههههههه هى الالفاظ اللى بتقولها لواحظ دى ينفع معاها رومانسيهيلا ربنا يكون فى عونك يا عبده
نايس على
ويتنج فور يوو

منتدى شباب ميت عزون /> <font color=

الموضوع الأصلي : يوميات مضحكة ( لواحظ وعبد المتجلى ) المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: الملاك الصامت

تاريخ التسجيل : 05/09/2010

دي لواحظ دي بجد رومانسية جدا

هههههههههه

ههههههههههههههههههههههههههههههه
منتدى شباب ميت عزون /> <font color=

الموضوع الأصلي : يوميات مضحكة ( لواحظ وعبد المتجلى ) المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: my egypt star

تاريخ التسجيل : 03/07/2009

الواد دا ربنا كرمه فعلا يا لهووووى هو فيه كده هى دى الرومانسيه فعلا الروسيه والشلاليت يااااه على الرومانسيه لا وبتقوله ايه هتنسى اسم المرحوم ابوك ولزمتها ايه المرحوم باه
[b]
منتدى شباب ميت عزون /> <font color=

الموضوع الأصلي : يوميات مضحكة ( لواحظ وعبد المتجلى ) المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: حسام

تاريخ التسجيل : 07/05/2009

الحلقة الرابعة

(طبعا لواحظ وعبد المتجلىوالاخ حناطة اتزقلوا فى البوكس بمنتهى الرقة زى الفراخ........وفى الطريقلقسم الشرطة عبده قاعد منكسر ورأسه فى الارض ما هو عارف اللى هيجرالهوقدامه لواحظ وحناطة وجمبه الباش شويش عبد الله)

لواحظ:روق بقى يا عبده ولا يهمك انا معاك ......لو سمحت يا شاويش ممكن اتصلببابا على الموبيل عشان يجيب اكبر محاميين فى البلد لعبده ويحصلنا علىالقسم(طبعا بابتسامة بريئة)

الشويش:ممكن طبعا يا مدمازيل بس طوالى احسن حسام باشا يزعق

عبد المتجلى :بقى ابوكى متولى هيجيب اكبر محاميين فى البلد ان ما جه وجاب معاه صبى محامى ما ابقاش انا عبد المتجلى

حناطة:ماتتريقش على ابويا مش كفاية قتال قتلة ومستحملينك

لواحظ:عيب يا حناطة ابيه عبده متوتر واعصابه بايظة دلوقتى.......وقامت طلبتابوها على الموبيل :ايوة يابابا تعالى بسرعة احنا فى القسم وهات محامىمعاك عبد المتجلى ممكن ياخد اعدام هنحاول نخليه اشغال شاقة مؤبدة ربنا يستر وراحت قفلت السكة ع طول

عبد المتجلى:منك لله يا بعيدة جبتيلى نصيبة وانا قاعد اعدام ايه ربنا ينتقملى منك يا شيخة

لواحظ :ايوة يا حبيبى افرض الراجل الجرسون مات لقدر الله من الضربة مش انتا هتروح فى داهية برضه
عبد المتجلى:واروح انا ليه ما تروحيش انتى ليه مش انتى اللى كسرتى دماغه بالجذمة بتاعتك

لواحظ:ايوووووة عليك نور يا حبيبى بالجذمة ومين جاب الجذمة دى مش انتا ياكوتوموتو يبقى انتا اللى قتلته يا عبودى وخلى بالك انا هاشهد بكده فى القضيةالحق حق ما تزعلش منى .......(تبصله بحنية وكأنها هتعيط بس اما تتشنقهتوحشنى يا عبده مالحقتش افرح بيك واسعدك)

حناطة:هخههخهخهخهخهخ.....ويعل قوه فى المشنقة زى الفرخة الدايخة ويبقى عبد المتجلى ابو رجل مدلدلة(واترمى حناطة فى ارضية البوكس من كتر الضحك)

عبد المتجلى يوميات مضحكة ( لواحظ وعبد المتجلى ) Frown

وعنيه بتطق شرار .......ورحمة ابويا ان ما سكت انتا واختك هقتلكوا بجد ويبقى اعدام بحق وحقيقى يا ولاد متولى)
الشويش:اكتم يا متهم منك لها له احسن اعرفكوا شغلكم

لواحظ :يرضيك يا شويش ابقى متشعتفة عليه وهعيط وشايلة هم جنازته اللى كمان كام يوم وهو بيتريق على بابى؟

عبد المتجلى:نعم يا اختى بابى!!!!!انتى مفكرة ابوكى وزير النقل ده كمسرى قطر درجة تالتة
لواحظ :احترم نفسك.... الله يرحمك يا عم شلبى يابتاع المراجيح اخخخخخخخ

عبد المتجلى:اتلمى يا لواحظ فى ليلتك
لواحظ يوميات مضحكة ( لواحظ وعبد المتجلى ) Frown

وتتنهد بشويش)طيب هتلم هنفذلك اخر طلب ليك فى حياتك قبل الاعدام يا بيبى هههههههههه

حناطة:هاهاهاهاها....... احسن اهو اتعشينا ببلاش وخلصنا منه فى نفس اليوم
عبد المتجلى يوميات مضحكة ( لواحظ وعبد المتجلى ) Frown

نيم حناطة على الارض ومسك ايده وعضه وحناطة يصووووووووت )انا هقتلك يادرفيل انتا واخلص الدنيا من اذاك

الشويش:بسسسسسسسس يلا اتجروا انزلوا وصلنا وما اسمعش حس حد فيكم جوه الا لما حسام باشا يسأله

(دخلوا جوه فى مكتب الظابط حسام اللى هو نرفوز جدا ومراته دايما منكدة عليه عشته .........لواحظ وعبد المتجلى وحناطة واقفين فى منتهى الادب قدامه )

الظابط حسام:ها ايه يا سى عبد المتجلى مش عيب عليك وانتا طويل واهبل كده وتعمل اللى عملته فى مطعم محترم

لواحظ :اخخخخخ اخيرا لاقيت اللى يقدرك يا عبودى
الظابط:عملت كده ليه يا اخويا؟ انطق

عبد المتجلى:ما هو اصل يا بيه كنت عازم خطيبتى دى هى والجحش اخوها ده على العشا وطلبوا المحل كله وانا مكنتش عامل حسابى
الظابط:واما انتا مش متهبب عامل حسابك بتتنيل تعزمها ليه من الاول؟

عبد المتجلى:غلطة عمرى يا باشا ومش هتتكرر ده ان ما سبتهاش اصلا وارتحت من بلاويها

لواحظ :هتسيبى يا عبده مكنش العشم وانا اللى جاية اشهد معاك قدام النيابة واخفف الحكم
الظابط يوميات مضحكة ( لواحظ وعبد المتجلى ) Frown

بزعيق وعصبية)بس يا اختى ولا اروح اجيبلك منديل تعيطى على المحروس بتاعك
عبد المتجلى يوميات مضحكة ( لواحظ وعبد المتجلى ) Frown

احسن .....يارب ياخدها حبس انفرادى 48 ساعة)

(وصل الاستاذ متولى والست بهية ام عبد المتجلى وام لواحظ.......ومن الخضة يا عينى جايين يجروا ورا بعض ولا كأنهم فى الاوليمبيات )

الست بهية:ياحبيبى يا بنى يالهوووووووووووى هيعدموك يا عبده
يا نور عينى اهىء اهىء اهىء اهىء(وتعييييط ماهى مفكراه هيتعدم بقى)

الظابط:ياستى اهدى
الست بهية:سبنى يا اخويا ده الحيلة .........ده انا جبته بعد شوقه ده جالى على كبر(وتحضن عبد المتجلى وتعييييييييييط)

الظابط:ياستى افهمى الموضوع الاول
الست بهية:افهم ايه؟ هيشعلقوك فى المشنقة يا ضنايا يالهووووووووووووووووووووى وتعييييييييط
ده يوم ما ولدته ندرت للغلابة فول وعرق سوس وكنت هموت من فرحتى بيه وابوه مرجح عيال الحتة ببلاش اسبوعين

(الظابط حسام اتخنق وحط ايده على راسه وسبها تخلص وصلة الرثاء على روح المرحوم عبد المتجلى)
عبد المتجلى: (بص للظابط وقاله معلش يا باشا ثوانى انا هفهمها واسكتها) بس بقى يا أما فضحتينى قدام الحكومة انا كويس ومش هتعدم ولا حاجة

عبد المتجلى:صحيح يا حبيبى.....أمال اللى تتشك فى لسانها خطيبتك قالت لنا كده ليه
لواحظ يوميات مضحكة ( لواحظ وعبد المتجلى ) Frown

شدت عبده من القميص )على فكرة لو كملنا مع بعض امك دى مش هتنفع معايا
الظابط يوميات مضحكة ( لواحظ وعبد المتجلى ) Frown

وكانخلاص مش طايق يسمع صوتهم ورغيهم)ها يا حيلة فهمت الست الوالدة ولا اخرجواجيبلكم اتنين عصير واما جنابك تفضى ابقى اندهلى اكمل تحقيق فى يومكالاسود

عبد المتجلى:لا يا باشا انتا تؤمر كمل سياتك
الست بهية يوميات مضحكة ( لواحظ وعبد المتجلى ) Frown

اللى يضرب فى قلبه ده بيزعق للواد كده ليه)ما براحة يا ابنى ما هو زى اخوك برضه
الظابط:نعم.....اخويا وانا لو ليا اخوات هياكلوا فى مطعم ويضربوا اصحابه ويجروا زى المحروس ابنك

الست بهية:اةوغلاوتك كنا هنقدمله فى كلية الظباط بس هو راح قدم من ورا المرحوم ابوه فىالدبلون ....أل ايه دى رغبتى وده مستقبلى يا بابا
لواحظ :ايوة يا حضرة الظابط اصل المرحوم حمايا كان رئيس مراجيح مولد النبى وكان عاوز يشوف عبودى مقدم اول فى مولد السيدة هههههههه

الاستاذ متولى:لواحظ عيب كده احترمى الباشا بلاش انا ...انا وامك واخدين على كده

الظابط خلاص طق منهم وعاوز يخرجهم من وشه بأى طريقة والسلام
الظابط:بسسسسسسس اسكتوا بقى
انتا يا عبد المتجلى احنا هنقفل المحضر ودى والراجل الجرسون طلع ابن حلال وسامح فى حقه لانك صعبت عليه بس لازم تدفع الحساب اللى عليك
وابقى خلى عندك دم وروح زور الراجل اللى مرمى فى المستشفى مكسر من عماليك

عبد المتجلى:الف الف شكر يا حكومة يعنى اقدر اروح يا باشا؟

الظابط:اة يلا غور فى داهية ونصيحة منى اما خطيبتك تعمل كده فى واحد فكر بس يضربكم
هتعمل معاك ايه اما تتجوزوا يا فالح وان شفت وشك تانى انتا ولا هى هحبسك يا عبد المتجلى
(والشاويش قفل المحضر ودفع عبد المتجلى باقى الحساب وربنه كرمه عشان هو نيته صافية )
وخرجوا كلهم بره على باب القسم واتمشوا لغاية البيت

ام لواحظ :يا حبيبتى يابنتى قلبى كان واكلنى عليكى اما سمعت من ابوكى كنت هتجنن
الست بهية:لا يا ام لواحظ ما تخفيش يا اختى عليها اهى زى الفل بس كانت هتجيب لابنى نصيبة بعمايلها(وتبتص للواحظ وهاين عليها تدب صوابعها فى عنيها )
حناطة:بابا بابا هو ابيه عبده مش هيتشنق خلاص؟
الاستاذ متولى:لا يا حناطة ابيه عبده عاوز راحة اسبوعين ونعمله طاسة الخضة

حناطة:يا خسااااااااااارة كان نفسى يتشنق عشان ناكل قرص وبيض على روحه اما يموت
الست بهية:ما تلم ابنك يا سى متولى ...ده الملافظ سعد يا اخويا

الاستاذ متولى:حقك عليا انا يا ست بهية وماتزعلش يا عبده يا بنى من لواحظ دى قلبها ابيض بس هى عصبية شوية
الست بهية:عصبية على نفسها يا اخويا مش تموت ابنى اللى حيلتى

لواحظ يوميات مضحكة ( لواحظ وعبد المتجلى ) Frown

خلاص يا بهية جبتيه لنفسك اصبرى بس عليا اما يتقفل علينا باب واحد وانتى تعرفى مين لواحظ متولى)
عبد المتجلى يوميات مضحكة ( لواحظ وعبد المتجلى ) Frown

بكل ادب وذوق)ولا يهمك يا عم متولى انتو اللى حقكم على رأسى ودى غلطتى ماعملتش حسابى على العزومة

حناطة يوميات مضحكة ( لواحظ وعبد المتجلى ) Frown

اقرع ونزهى اخخخخخخ.... بصوت واطى طبعا لان لو عبد المتجلى كان سمعه كان من حقه يموته فعلا المرة دى هههههههههههه)
لواحظ يوميات مضحكة ( لواحظ وعبد المتجلى ) Frown

واخده جمب وزعلانة من عبده ومش عاوزة تبص فى وشه.............شوفتوا الافترا أل هى اللى زعلانة)

عبد المتجلى يوميات مضحكة ( لواحظ وعبد المتجلى ) Frown

بيراضى الاستاذ متولى وبيهدى والدته يعنى بيلطف الجو .......وهو مش ناسى اللى حصل وعاوز ينتقم من لوزة قلبه الغالية)
يا عم متولى انا دلوقتى واحنا ماشيين فى الشارع اهو بستأذنك نعجل فى الفرح ويبقى الشهر الجاى والحجة موافقة

لواحظ :بصتله وبرأت عنيها من المفاجأة وما قدرتش تفتح بؤها بكلمة
(ابوها ما صدق لانه لو كان رفض كان ممكن تتفشكل الخطوبة خالص والكل روح البيت وهما مبسوطين

الا عبده اللى قعد يفكر ازاى هينتقم من لواحظ ويعلمها الادب بعد ما تبقى حرمه المصون

الفرح جميل جميل اوعوا ما تجوش وتشوفوا لواحظ وعبد المتجلى فى الكوشة ثم الى قفص الزوجية الحديدى الى الابد

الموضوع الأصلي : يوميات مضحكة ( لواحظ وعبد المتجلى ) المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: الماجيكو

تاريخ التسجيل : 07/05/2009

الحقلة الاخيرة مع الليدى لواحظ وعبد المتجلى

طبعا بعد الى حصل فى القسم تقريبا كل الحب انهار قال يعنى حب لظلظ وعبودى انطلقت لواحظ وابوها وامها بتدعى عليها فى سرها واول ما راحو على البيت قالت ام لواحظ

اه يا موكوسة لما ابوكى معزمنيش حتى على علبة كشرى لما كنا مخطوبين قومى تزنقى الراجل فى محل وتدفعية شئ واشويات

ابو لواحظ اخص عليكى يا حبيبتى قوام نسيتى اكلة الكوارع ههههههه ده كان يوم عند عبده تلوث انتى مش فكراه ولا ايه

يا اخويا اتلهى مش لما نشوف مقصوفة الرقبة دى ضيعت العريس يا اخويا ايهئ ايهئ ائهئ

يا ستى يعنى هو اول واحد بس انا متأكد انه هايجى هو يصالحها دى بنتك دى تمشى بلد اعوذ بالله انا مش عارف جايبة الافترى ده منين

طبعا لواحظ ولا هى هنا قاعده قدام التلفزيون بتشوف فيلم الرعب ومندمجة معاه وكيس فشار فى ايدها بترمى فى بقها

ام لواحظ شوف البنت ولا هى هنا يابنتى مش تشوفى هانعمل ايه احنا مصدقنا ان فى عريس عمر معاكى يومين ياموكوسة هاضيعى الواد من ايدك ده لقطة انا كل ما افتكر ايده والشحم بينزلمنها اتقطع والله خسارة فيكى

لواحظ بصت لامها وقالتلها اهمدى يا ولية خلينى اركز فى الفيلم بلا عبد المتجلى ابو كف اسود وحنين بتاع بنزين ورى يا اسطى ولا اقولك انا قايمة انام احسن

ابوها نوم العوافى يا حنينة ( فى سرة يا رب ينزل عليها السقف وارتاح من المفترية دى )

راحت لواحظ دخلتاوضتها وشغلت شريط حسن الاسمر كتاب حياتى يا عين وقعدت تفكر وفى سرهايخربيتك يا عبودى ده انت شغلتنى اه يا عوعو ارجع ازاى الواد ميتعيبش حتىالاقى مواصلا بدل البهدلة اما اتصل علية واشوف يمكن يحن

وجابت التليفون ورنت رنه وقفلت وقالت انا هاصرف عليه بتاع الجاز ده خليه يرن قعدت شوية مرنش راحت قالت امرى لله اجى على نفسى شوية

ورنت رنة طويلة وفى سرها افتح يا كابوت حياتى
عبد المتجلى باصصللتليفون وهو بيرن واخده الحنين لعيون لظلظ وقال والله البنت حلوة بسلسانها ده عاوز قطعه بصاروخ اما اسيبها ترن شوية كفاية العلقة الى رنتعليا فى القسم

وفى لحظة ضعف فتح التليفون
عبد المتجلى : خير يا سنيوة لواحظ فى حاجة تانية نسيتيها

لواحظ : بقى كده يا موتور احلامى انت زعلت من الى حصل ده اختبار الحب يا عبيط ولا انت شكمان قلبك مسدود
عبد المتجلى : لا بس اختبارك ده كان على قفايا جامد يعنى وبعدين انتى بعتينى يا دبرياش قلبى
لواحظ بصوت حنين : بقى كده يا عوعو مستخسر فيا شوية فكة

عبد المتجلى :خلاص يا روحى انا صفيت بعد مكالمتك كفايا عليا انا شبعت منها بس عاوزيننخلص بقى يا لظلظ ونجوز بسرعة انا هاتفق مع ابوكى الفرح الخميس الجاى
لواحظ : قوام كده انا لسه مجهزتش حاجة ولا جبت فستان الفرح يا عبودى
عبد المتجلى : الله حلوة عبودى دى يا لوزة قلبى يا عمرى انا هاشتريه يا موتور احلامى هدية منى بس الفرح الخميس الجاى

لواحظ : ماشى يا عبودى الخميس الجاى سلام يا .........................

عبد المتجلى قوليها يا لوزة قوليها خلى شكمان قلبى يبرد شوية

سلام يا عوعو لما نجوز بس لم امك عنى شوية احسن اوريها ماشى يا عوعو ومتنساش تشحنلى رصيد مش هانقضيها من اولها
يا سلام من عيونى اللوز وايديا الجوز يا سكر جلوكوز
كفايا حبنا يا لوزة هايرفرف على بيتنا سلام يا لوزة قلبى

طبعا ابو لواحظ قاعد بيضرب كف على كف ازاى البنت دى رجعت الواد على وشة كده اما صحيح وام لواحظ قاعده هايصة فى الفرح وبتبص فى الكوشة ومستنية العروسين وعيون الفرح فى عنيها اخيرا يا لواحظ هاشوفك فى الكوشة انا مش مصدقة يا ابو حناطة انى هاشوف بنتى فى الكوشة
ابو لواحظ الحمد لله هاتغور من على قلبنا وربنا يعينه سى عبد المتجلى بلا وجع قلب ده يوم ميلادى انهارده يا وليه

شوف الراجل يعنى انت مش فرحان يا خويا دى بنتنا الحيلة
تصدقى البنت دى هاتوحشنى لماضتها بس تلم نفسها شوية الواد كويس ربنا يستر هما اتأخرو كده ليه احسن يكونوا تاهو

ومرة واحده العربيات جت وصوتها على ونزل العروسين عبد المتجلى ولواحظ
عبد المتجلى لابس الحتة الزفرة بدلة لونها ابيض واسود مقلم وشاد الكرافته خنقاه واللدى لواحظ لابسة فستانها الابيض المنفوش وماشية تشد فى شعرها عاوزه تنزل شوية على عنيها وتقول لعبودى ايه رأيك فى الفستان يا عوعو
الله تصدقى يا لوزة قلبى انتى شبة البنت بتاع هوليوود دى نيكول كيدمان فى فيلم استراليا

لواحظ نعم يا حبيبى انت بتعرف عليا حد غيرى من اولها وبصت لعبدة بصة وقالتله هايلمنا البيت يا بتاع الجاز
عبد المتجلى واحدة مين بس يا لوزة دى عايشة فى بلاد بره يعنى بعد شبرا والمناطق دى كده مش هنا خالص

لواحظ بحسب يعنى تعرف لو بصيت لحد غيرى يا حياتى هاعمل فيك ايه

عبد المتجلى بابتسامة ايه يا موتور قلبى

لواحظ هاقطعك فى اكياس واكلك للبط على السطوح يا عوعو

عبد المتجلى يا خرابى يا ولاد انتى بتغيرى عليا يا لوزة انا مكنتش اعرف انك بتحبينى كده
لواحظ حب ايه يا ابو بلدة مقلمة ولم نفسك بقى علشان الكل بيبص علينا

انتهى الفرح على خير والليدى لواحظ طبعا مبطلتش رقص طول الفرح هى وسى عبد المتجلى وجاء وقت الصعود لشقة الزوجية

وصعد العروسان الجميلان وهنا وقف عبد المتجلى وبص للواحظ وفتح باب الشقة ورايح يخش راحت لواحظ شدته من قفاه لورى وقالتله انت ايه يا عوعو مش فى عروسة هنا شيلنى يبتاع الجاز ولا اقولك وراحت لواحظ ماسكة عبد المتجلى وشايلاه لجوة ورمياه على السرير

وانطفى النور و................................................. .......... خلصت الحكاية يوميات مضحكة ( لواحظ وعبد المتجلى ) Smile

يوميات مضحكة ( لواحظ وعبد المتجلى ) Smile

الموضوع الأصلي : يوميات مضحكة ( لواحظ وعبد المتجلى ) المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: الماجيكو

يوميات مضحكة ( لواحظ وعبد المتجلى )

يوميات مضحكة ( لواحظ وعبد المتجلى )

مواضيع مماثلة

مواضيع مماثلة