ماشي ياعم اسلام كنت متوقع منك كده

اللحمد لله وكفي وصلاة وسلاما علي عبادة اللذين اصطفي وبعد


قصة طفولتي كاي طفل عاش بين اخواته وابوه وامه واصحابه وكل احبابه اللي بيحبوه


اوصف لنا طفولتك؟

طفولتي كانت عبارة عن شقاوة اطفال كلها لعب وضرب وحرب بين حارتنا والحارات المجاوره وبالذات حارة البحر بين حارة الدوايدة وحارة البحر كنا نجيب اكياس تراب ونحط فيها طوب واي حد نشوفه نرميها ف وشه ياه كانت اجرام والله بس الحمد لله كانت ايام جميله جدا




2-هل تتمنى ان تعود طفلا؟ ولماذا؟
طبعا مين فينا ميتمناش ان يرجع طفل مفيش ف دماغه اي حاجه غير اللعب والنوم والاكل ومفيش هم يشتاله ولا حزن ف قلبه ولا اي حاجه من ال احنا شايفنه دلوقتي


3-هل كنت طفلا مدللا؟

الي حد ما كنت واخد راحتي ع وكنت بعمل ال في دماغي بس كنت بخاف من ولدي الله يرحمه

4-هل ممرت بصعوبات خلال فترة طفولتك؟

الصعوبات ال كانت بتمر عليه ف طفولتي كلها تتمثل ف المدرسة والمكتب كنت بروح مكتب زمان بس مكملتش وبندم دلوقتي لاني لو كنت كملت كنت بقيت حاجه تانيه ياله الحمد لله ربنا يقدرني واقدر اكمل حفظ


5-هل كنت طفلا هادئا ام خجولا ام مشاغبا؟

ياه كنت مشاغب جدا جدا وكنت طيب قوي قوي

6-اذكر لنا حادثا مر بك خلال طفولتك ولم تنساه للآن

الحوادث كتير اذكر منها
كان ابي الله يرحمه يارب كان جاب لي عجله وكانت من امنياتي اني اركب عجل المهم عشان مطولش ف اول الشارع كان فيه ( مطلع) الشارع كان نازل بانحدار شديد وكنت بطلع ف اخره وانزل بالعجله من عليه بسرعه جامد المهم بعد صلاة العشا ركبت العجله ونزلت لقيت راجل كبير ع اخر الشارع وافتكرته جدي الله يرحمه وبقوله اوعي ياجدي اوعي اوعي بس مردش فدخلت فيه وقعته ع الارض لقيته مش جدي لقيته الحاج محمد الطنطاوي ( العمدة) الله يرحمه فقالي جدو مين يابن ال ..... ومسك العجله فوووق ورماها ف الارض نزلت ميت حته ) عمري ماهنسي الموقف ده فحياتي
فيه حاجات تانيه كتير برده اهمها
ام رامي تاه مننا ف المصيف وقعدنا طول اليوم ندور عليه
وغيرها بس كفاية عشان مطلوش



7-اين كنت تقضي معضم وقتك؟

مع ام ام الله يرحمها
8-لعبتك المفضلة؟

لعب كرة القدم قدام المضيفه.. وسبت .. وامنا وابونا كانت حاجات هايفه بس حلوه

9-هل كنت طفلا اجتماعيا ام انطوائي ولا تحب اللعب والمخالطة؟

انا كنت اجتماعي بدرجة كبيرة جدا وكنت بحب كل الناس

10-لديك اصحاب من الطفولة ؟ وهل بقيت معهم ام باعدتكم الاقدار؟
طبعا طبعا حبيب قلبي محمد متولي بن عمتي وحبيب قلبي رامي بن عمي وبن خالتي وحبيب قلبي محمود وهبه وحبيبي احمد وهبه بن عمتي الله يرحمه ان شاء الله ويدخله فسيح الجنان


11-هل كنت تحب افلام الكارتون ؟ وما هو كارتونك المفضل؟
طبعا كنت بحب اطفال الكارتون ومنها برنامج زمان كان يجي اسمه المغامرون وجرنديزر والكابتن ماجد

12-كيف كانت علاقتك باخوانك واخواتك؟

والله هقول الصراحه كنا بتخانق كتير بس ف لحظه نتصالح وبحبهم قوي وربنا يرجعني ليهم بالسلامه

13-ما هو اصعب موقف حدث لك في طفولتك ولم تستطع نسيانه؟

وفاة ننتي ام ام اللهم اجعل قبرها روضه من رياض الجنه


14-هل هناك انسان معين غرت منه في طفولتك..ولماذا؟
اكيد بس لماذا بقي احتفظ بيها

15-صف لنا موقفك اول يوم دخولك للمدرسة
والله ماانا فاكر غير القلم ال اخدته ع وشي من الاستاذ عبد الباسط شفيق الي الان لم انساه ولن انساه تقريبا كان بيقول قيام وانا معرفش قيام يعني ايه فضربني اني موقفتش بس
16-شيء كنت تتمناه بطفولتك ولم تحصل عليه؟

انى أكمل حفظ القرآن

17-حلم الطفولة ما هو؟ وهل حققته؟ كان نفسي ادخل كلية طب قسم مخ واعصاب وكنت دايما اكتب ع الحيطه محمد داوود دكتوراه ف جراحة المخ والاعصاب بس اعصاب ايه بقي دخلت تربيه وجابت لي وجع الاعصاب

18-ما هي الكلمات التي كنت ترددها في طفولتك؟

مش فاكر بصراحه
19-هل كنت مطيع لوالديك؟
ههههههههههههههههههه
يعني نص نص وربنا يرزقنا بر الوالدين
اعتقد كده انا خلصت بس فيه حاجات كتييييير قوي قوي قوي بس عشان مطلوش انا هختار روح قلبي اخويا محمود احمد داود