 IBrahem mehrem
 ولاد البلد
 عدد المساهمات : 421
نقاط : 77576
السٌّمعَة : 3
تاريخ التسجيل : 29/10/2010
الموقع : جمـــــب أمى
|  موضوع: الشعب يريد التغيير  الخميس فبراير 03, 2011 11:25 am |
|
قبل 25 (شعب مصر)
شعب محكوم .. بالعصا والكرباج..والجلاد م الشعب ..تحت مسمى وزير
خلانا نعيش فى رعب.. بنخاف من الشرطة..ضابط او حتى غفير
والحزب الوثنى ..تماثيل لأشخاص تعبانة.....منهم الطويل والقصير
ولجنة السياسات.. "إن هى إلا أسماء سميتموها أنتم وأباءكم"..وعاملى خبير
قال إيه الضربة الجوية الأولى.. والثانية للشعب..اللى ماشى زى الضرير
ماشى يحسس..الموظف تعبان..والعامل غلبان.. أصحابنا بياكلوا فطير
أسرة دخلها عشرة جنيه ..والحسابة بتحسب..وقال إيه تطوير
ومصانع تتباع بتراب الفلوس..ونظيف ..كأنه كشيير
يقبض بس ..ينفع لأ..سايقنا قدامهم ..مثل الـ ....العصافير
لامؤخذه..الشعب مش زى مهم فاكرين..لأ دا الشعب أمير
هيلقنهم درس..أسكت بمزاجى.. أصبر .. مش لا مؤخذه......
عصافير.
بعد 25 (ميدان التحرير)
فى ميدان التحرير.. مش عارف.. إن كنت حر .. أو حتى أسير
مش عارف .. إن كنت فى شر...... أو حتى فى خير
كل الى أنا عارفه.. ياأخونا.. دا وقت التغير
مش وقت لكلام .. أو مضيعة للوقت.. أو حتى مجال للتفكير
هنغير يعنى إرحل... ملهاش معنى تانى ..أو فى بطن الشاعر تفسير
إرحل من غير ضرب.. أو هتافات .......... أو تكسير
إرحل بعيد .. بعيد ... وسبنا نختار.. بإيدينا المصير
دا ربك هو اللى قال "وينزع الملك ممن يشاء" الأمر عسير
مش مجرد تنحى ..لأ دا ذلة .. وعامل فيها أبو ضمير
إرحل بعيد عنا ..وسبنا نختار ..بإيدينا المصير
وإن مرحلتش .. الميدان مكانه .. مش راح يمشى.. (ميدان التحرير)
الكلام دا لمحمد حسنى
 الموضوع الأصلي : الشعب يريد التغيير المصدر : منتدى ميت عزون www.meetazoon.com | |
|
القرصان
 يسعي الي الاحتراف
عدد المساهمات : 41
نقاط : 75629
السٌّمعَة : 0
تاريخ التسجيل : 04/02/2011
| | موضوع: رد: الشعب يريد التغيير الجمعة فبراير 04, 2011 10:30 pm |
|
بسم الله......
ابراهيم حسنى محرم اسم كفيل ان احنا نقرا اى موضوع ليه
كلام معبر جدا عن اللى حصل فى مصر فى مرحلتين قبل 25 وبعد 25يناير من استعباد للشعب ثم الثورة على الظلم والفساد
ربنا يكللها بالنجاح
كلماتك الرائعة يا ابراهيم فعلا وصفت كل اللى جوانا بطريقة جميلة وسهلة ومن نجاح لنجاح بأذن الله بس المرة الجاية ان شاء الله عايزين قصيدة بالفصحى
الموضوع الأصلي : الشعب يريد التغيير المصدر : منتدى ميت عزون www.meetazoon.com | |
|
الكلمات الدلالية 
رابط الموضوع 
HTML كود الموضوع