على رأى فؤاد المهندس

تاريخ التسجيل : 26/10/2009

[size=24]هىدى بلدنا اللى حلمنا اننا نصنعها على ادينا ونختار كل حاجة فيها من اول عسكرى المرور لحد رئيس الجمهورية؟
هى دى بلدنا اللى حلفنا لازم نبنيها ونحافظ عليها وقلنا ان احنا عندنا اذكى طفل فى العالم واحسن عقول علماء قادرة انها تغير وجة الكون كلة؟
مش هى دى برضة بلدنا؟
اية اللى جرى يا مصريين؟
لية فجاة رجعنا تانى ونقول وانا مالى واشمعنا انا؟
كلام كبير ينرفز انا عارف...............
بس اللى خلانى اقول الكلام دا ان انا اوقات بيركبنى داء الوطنية شوية........ساعات يعنى........وبجد بزعل اوقات كتير اوى لما الاقى عربية راكنة بص حاضنة اللافتة اللى مكتوب عليها ممنوع الوقوف اخر حاجة استفذتنى كانت من دقيقتين تقريبا وانا باكتب الموضوع دا
الساعة دلوقتى20_3

ايوة3 وتلت طب واية الغريب فى كدا؟
الغريب ان انا تفاجئت بصوت ستات كتير معظمهم عارفة لانة صوت ستات الشارع بتاعنا ومتخليش مخك يروح لبعيد لان اصغر واحدة فيهم امى وعمرها 54 ربنا يديها طول العمر
المهم........... نرجع لموضوعنا لما لقيت صوت الستات انا اتخضيت وقلت لما ابص اشوف فية اية؟
طلع ان عربية جمع القمامة اللى احنا كلنا متعودين انها بتيجى الصبح بدرى بالكتير اوى 8 او تسعة الصبح لسة جاية عندنا الشارع
ولان ادام بيتنا فية مكان واسع وبيطل على تلت شوارع فكان من الطبيعى ان اى اجتماع يخص الحارة لازميبقى ادام بيتنا
المهم يا جماعة قلت ازاى الناس دى اتاخرت دا انا كنت باظبط ساعتى عليهم تسعةوخمسة كل يوم
سالتواحد من الناس دى اية اللى اخركم يا عمنا النهاردا؟
قالى احنا كدا من بعد الثورة ايام بدرى وايام العصر وايام الضهر .......بمزاجنا كدا دا حتى فية ايام مبننزلش الشوارع اساسا
قولتلة واية علاقة الثورة بعربية جمع القمامة؟
قالى يا عم دا موظفين البنوك اللى بيقبضم فوق السبع الاف جنية بيعملوا اعتصامات واضرابات
والدكاترة اللى الواحد منهم لو ربنا كرمة بيلدعلة فوق الخمسميت جنية فى ليلةكشف من العصر لحد الساعة عشرة
جات على بتوع الزبالة يعنى يا عم محمد؟
الراجل ثبتنى معرفتيش ارد
قولت اكتب واشوف يا ترى العيب فى مين؟
فى الراجل اللى عمرة بينضفوبيتعامل مع قاذوراتنا ورغمكدا تلاقية بيغنى وسعيد وهو بيقوم بعملة وتبقى النتيجة 500 ج على احسن تقدير؟
والا نقولة احنا عيب عليك دى بلدك برضة ومش عشان البلد من غير عمدة الغفر تنام
هو العيب فى مين؟ فى نظام فضل كابت 30 سنة على انفاس شعب حول منهم لمجرد تماثيل واسطمبات من كل شريحة مجتمعية مختلفة؟
يعنى تلاقى عم اسماعيل موظف الرى هو هو عم احمد عامل المدرسة زى حد فى نفس ظروفة
لو تقعد مع اى حد فيهم يقولك نفس الكلام ولو نفس الاراء ونفس الهوايات يمكن حتى يكونوا كلهم بيحبوا نادى برشلونة الاسبانى زى بعض وكمان زملكاوية.........بس بيقولوا انهم اهلاوية

هو العيب فى مين؟ نقول نشتغل والا نحاول نصلح بلدنا والا نعمل بالمثل اللى بيقول ان خرب بيت ابوك خد لك منة قالب
تيجوا نلحق لنا قالب قبل ما تخلص بعد الحيتان اللى بيخرجوا كل يوم من السجن اما لعدم استكمال الشبهة او لتقديم مستندات تبرأساحة كل واحد فيهم
امبارح مش عارف سوزان تقولك اصلهم فلوس جمعيات خيرية.......حد الله ما بتوعى والا اعرفهم.......اياك اعدم جمال وعلاء فى يوم واحد لو دى فلوسى والا اعرفها
ولما هما مش فلوسك لية فية فلوس لحد النهاردا من 1995 فى حساب حضرتك رغم انهم جايين باسم جمعيات خيرية ومشاريع اجتماعية زى القراءة للجميع او مشروع مكتبة الاسرة
اقول عيب لمين؟؟؟؟؟؟؟؟؟؟؟؟؟؟؟ لنفسى والا للناس ولا لحالنا اللى اشقلب خلاك تقضى يومك فى طابور
كل حاجة بطابور
الحمام............بطابور
العيش.....................بطابور
الفول.........................بطابور
السولار.............................بطابور ويمكن كمان بخناقة
هى يعنى الحكومة اللى بتقولنا احتكروا اكلكم وشربكم؟
ما العيب منى ومنك ومن كل واحد فينا
وعلى راى المرحوم فؤاد المهندس فى اذاعة البرنامج العام زمان

مش كدا والا اية؟
محمد صبح