ايه اللى بيحصل فى المنتدى
دة انت مدير ضعيف


طبعا عنوان الموضوع غريب

والاغرب ان محمود اللي كاتب الموضوع

بس هقولكم ليه انا اللي كتبت الموضوع مش اي عضو تاني

النهارده لقيت جايلي رساله خاصه من احد الاعضاء مكتوب فيها الجمله دي

ايه اللي بيحصل في المنتدي ده انت مدير ضعيف

طب ليه انا ضعيف طب ليه انا مدير فاشل

علي فكره انا عمري ما اشتغلت في شئ وفشلت فيه او خسرت حاجه انا بعملها الحمد لله

وعمري ما عملت عمل وماتقنتش فيه يعني بعمله علي احسا واجمل وجه الحمد لله

مش غرور بس انا عارف انا بعمل ايه


بس تعالوا نفضفض مع بعض شويه
وهحكيلكم جايز اكون مدير فاشل علشان كده

ليه انا فاشل هقولكم ليه
1__ لأني مدير متواضع

2___ بحب كل الاعضاء

3__ بحاول اقربهم مني اكتر


4 _ مفيش حواجز بيني وبين اعضائي

5__ ممنعتش ارسال الرسايل الخاصه ليا

6__ لأني برضي كل الاعضاء


7_انني بحاول اشتغل في المنتدي رغم شغلي وضيقه وقتي

8___لأني مبزعلشي حد مني

9__ لأني مبوقفشي او الغي عضويه حد

10__ اني صبور زياده عن اللازم

لأني بقابل كل الاعضاء بصدر رحب

لاني بتحمل كل المشاكل اللي جاتلي من ورا المنتدي

لأني بحاول اعمل كل جديد في المنتدي علشان يتوافق مع الاعضاء

لأني لأني لاني لاني .... الخ

والحمد لله مزعلتش حد مني

ولا عمري هزعل حد مني لان دي مش من صفاتي التكبر او ازعل حد مني

وكمان مش ضعيف الشخصيه بس احتمال بشوف كل عضو وبلبي مطالبه بس مش ضعيف

وكمان مش جبان لاني خايف الغي عضويه حد علشان ميزعلشي ومنفتقدشي العضو ده ونتعلم منه ويتعلم مننا ونساعد بعض

وغير كده مجرتشي خلف الفلوس وقفلت المنتدي

اقسم بالله العلي العظيم المنتدي ده كان جايلي مقابل غلقه فلوس شهريه اي انسان يوافق عليها قد يصل الي 500 جنيه شهريه

بس انا الحمد لله مرضتشي

تتخيلوا بعد كل ده استحق اني اكون مدير فاشل



انا هقولكم بقي سياسه المدير الفاشل

سياسة الباب المغلق:
عادة ما تجد المدير الفاشل يحيط نفسه بسياج من الأشخاص المحيطين به يمنعونك من الوصول إليه وتجد أبوابه دائماً موصدة، وحتى تصل إلى هذه الأبواب الموصدة لابد أن تمر على أشخاص يحملون مسميات ومناصب مختلفة فحتى تمرر ما تريد إلى هذا النوع من المدراء؛ فلابد أن تتحدث أولاً إلى كل هؤلاء، ولابد من تمضية وقت كبير معهم حتى تشرح طلبك للواحد تلو الآخر، حتى ربما يدفعك حنقك إلى التفكير في الاستغناء عما تريد أو ربما تتحمل وتصبر حتى يصل طلبك إلى هذا المدير ويكون تحقيق الطلب بلا قيمة في هذه الحالة بسبب ضياع الوقت في تنفيذه.

خلاصة القول: إن المدير الفاشل هو الذي يبني حاجزاً بينه وبين مرؤوسيه من خلال هؤلاء الأشخاص المحيطين به.


لو انتم شايفين في شخصيتي صفه المدير الفاشل

اقسم بالله العلي العظيم وعد مني اعطي الادمن الاداره للعضو اللي تختاروه وانا مش هسيب المنتدي وهفضل عضو فيه

وهكتب مواضيع وانام بقي مستريح البال هادئ الاعصاب

اصل محدش مقدر وعارف مشاكل المنتديات والخوف اللي انا بكون فيه

لحد يكتب موضوع وحش او حديث شريف غلط او ايه قرانيه غلط

لا اله الا الله