| | اكل العيش من اختكم مريومه |  |
|
| كاتب الموضوع | رسالة |
|---|
 الورده مريومه
 ولاد البلد
 عدد المساهمات : 392
نقاط : 85072
السٌّمعَة : 3
تاريخ التسجيل : 14/06/2009
| موضوع: اكل العيش من اختكم مريومه  السبت نوفمبر 28, 2009 9:31 am |
|
فى مطار القاهرة بين المسافرين والمودعين والضحكات والدموع والدعوات بالتوفيق والتذكير بأهمية العودة من الخارج بنصف دستة بطاطين، وبينما أقف فى طابور طويل أغلبه من الأجانب أمام مكتب الجوازات وكل همى هو التخطيط لإنزال أقصى عقوبة وهى «الإعدام فعصا» على ذلك الصرصور الصغير الذى يمرح أمامى على الأرض عقابا له على إصراره على تشويه صورة البلد أمام الأجانب بتسكعه وحركاته غير المسئولة التى تثبت أنه لا يحمل ذرة وطنية واحدة فى جسده الهش فإذا بسائح عربى مغربى الجنسية يرتفع صوته عاليا: «فيه طابور.. فيه نظام.. إنت واللى زيك اللى بوظتوا سمعة مصر.. الله يلعنكم.. الله يلعنكم».
التفت أنا والجميع لنرى الرجل وهو يتعارك مع أحد عمال نقل الحقائب.. العامل كان بيقطع الطابور بعربية محملة بـ5 شنط وخلفه 2 من الخليجيين وتذكرت إن أكثر من عامل اقتربوا منى وعرضوا يوصلوننى بالشنط بدلا من الوقوف فى الطابور وبمجرد ما كنت أبدأ أتكلم ويتأكدون إن الكلام مصرى لا تشوبه شائبة كانوا بينصرفوا فورا بحثا عن «سبوبة» جديدة، لكن أنا وغيرى متعودين على كده اعتدنا إننا نشوف الموقف ده ونتجاهله أو يمكن ما ناخدش بالنا منه أساسا، وبينما تصدى أحد ضباط الأمن فى تكاسل للراكب المغربى اللى بدأ يتكلم إنجليزى ويشهد الأجانب اللى واقفين، نظرت للعامل الواقف يتابع الموقف كله بملل شديد وهو يتابع بعينيه زملاءه يجرون خلف عباءة هنا أو جلباب أبيض هناك ويتحسر على الدقائق التى كان يمكن أن يستغلها فى جريه المستمر وراء أكل العيش.
وسألت نفسى: هل من المفترض أن أشعر ناحية العامل ده بالغضب؟ ولا بالتعاطف؟.. هو بالطبع فقير يبحث عن مكان تحت الشمس، غالبا عنده زوجة وأطفال كل بقشيش زيادة عن مرتبه بيفرق معاهم، المرتب أكيد مش مكفى والمصريين بيشيلوا شنطهم بإيديهم وأحيانا فوق رءوسهم مش محتاجين مساعدة من حد والأجانب الغربيين بقوا واعيين.. بيفاصلوا وبيدفعوا بالمصرى، ده غير إن السياح اللى بييجوا مصر حاليا هم أفقر أنواع السياح فى العالم تنفيذا لسياسة وزارة السياحة اللى حطت مصر فى الوضع ده (فيه نكتة بيتناقلها الإنجليز: إن متسول إنجليزى اتجمع معاه قرشين فراح يشترى بنطلون لقى جنب المحل شركة سياحة بتعلن عن رحلات لمصر فقرر بدل ما يشترى البنطلون يزور مصر أرخص)، فى المقابل السياحة الخليجية فى ازدياد ويبدو أن الناس كرماء مع العاملين فى السياحة بجميع مستوياتهم أو ما يعرفوش إيه بكام فبتبقى فرصة، عشان كده هتلاقى سواق التاكسى اللى ممكن يطيرك فى الهوا لو واحد منهم شاورله، وعامل المطعم اللى هيسيبك تهاتى ساعة من غير ما يهّوب ناحيتك لو ودنه لمحت جملة خليجى بتتقال فى الترابيزة اللى جنبك، لكن ألا تشعر معى بالإهانة وأنت ترى مثل تلك المشاهد.
سمعة المصرى بأنه عبد الريال والدرهم يحنى رأسه وقامته لمن يملكهما، أليست تلك السمعة هى من أسباب وجود ظروف العمل المهينة اللى بيقابلها المصريون فى الكثير من دول الخليج؟
الفقير من حقه يدور على أكل عيشه ويوسع رزقه اللى بيبقى أحيانا فى نظره أضيق من خرم الإبرة، لكن ماذا عن الكرامة؟ ماذا عن صورة شعب بأكمله يرسمها هؤلاء؟ كنت أنتظر من رجال أمن المطار بدلا من أن يتصدوا للسائح المعترض أن يتصدوا للعامل الذى يخترق الطابور لكن منطق «سيبه ياكل عيش».. «ربنا ما يجعلنا من قطاعين الأرزاق»..
و«دعه يعمل دعه يمر»، هو السائد هذه الأيام.. النهاردة هنسيب الناس تاكل عيش وتطلع لقمتها من بق الأسد.. وبكره يمكن نفكر نحسن صورة البلد أمام أنفسنا أولا، لما كل واحد يحترم نفسه كل واحد هيحترم التانى، وفى النهاية هيجبر العالم كله على احترام أصغر حد وأفقر حد فينا موجود فى أى مكان على وجه الأرض.. بكره يمكن يحصل كل ده.. بكره.. فقط أتمنى إن بكره ده ما يتأخرش كتير
سلامو عليكم .
 الموضوع الأصلي : اكل العيش من اختكم مريومه المصدر : منتدى ميت عزون www.meetazoon.com | |
|
| | |
S@AD.D@WOD
 المميز
عدد المساهمات : 1024
نقاط : 82488
السٌّمعَة : 2
تاريخ التسجيل : 04/02/2010
الموقع : saaddawood77@yahoo.com
| | موضوع: رد: اكل العيش من اختكم مريومه السبت فبراير 27, 2010 6:29 am |
| | |
|
| | |
eslam afifi
 ولاد البلد
عدد المساهمات : 365
نقاط : 85847
السٌّمعَة : 1
تاريخ التسجيل : 21/04/2009
الموقع : eslaa_moh2010@yahoo.com
| | موضوع: رد: اكل العيش من اختكم مريومه السبت فبراير 27, 2010 9:37 pm |
| | |
|
| | |
AMR
 ولاد البلد
عدد المساهمات : 472
نقاط : 81618
السٌّمعَة : 2
تاريخ التسجيل : 04/02/2010
| |
| | |
relenachat
 يسعي الي الاحتراف
عدد المساهمات : 8
نقاط : 80993
السٌّمعَة : 0
تاريخ التسجيل : 09/02/2010
| | موضوع: رد: اكل العيش من اختكم مريومه السبت مايو 15, 2010 7:04 pm |
| | |
|
| | |
احمد القاضى
 ولاد البلد
عدد المساهمات : 347
نقاط : 80715
السٌّمعَة : 3
تاريخ التسجيل : 29/03/2010
الموقع : ahmed.galal221@yahoo.com
| | موضوع: رد: اكل العيش من اختكم مريومه الأحد مايو 16, 2010 9:55 am |
|
موضوع ممتاز ورائع
شكراااا على عرضه
ولكن الرجل الفقير اللى بيعيش يومة بيومة تقدر تقولى لى انه لو لم يصبر على هذا
هيعيش ازاى او يجب ثمن المعيشة ازاى
فهذا الشخص البسيط لا حول له ولا قوة
انما السبب الحقيقى والاساسى هوالحكومة اللى رخصت كل شيئ فى مصر
واولها كرامة الشعب
ومنه لله كل مسئول لا يراعى ضميره
منه لله
الموضوع الأصلي : اكل العيش من اختكم مريومه المصدر : منتدى ميت عزون www.meetazoon.com | |
|
| | |
الكابتن
 المميز
عدد المساهمات : 1386
نقاط : 85308
السٌّمعَة : 1
تاريخ التسجيل : 07/08/2009
الموقع : https://www.facebook.com/
| | موضوع: رد: اكل العيش من اختكم مريومه الأحد مايو 16, 2010 7:53 pm |
| | |
|
| | |
ملكة باسلامي
 القلم المميز
عدد المساهمات : 2806
نقاط : 83773
السٌّمعَة : 13
تاريخ التسجيل : 06/04/2010
الموقع : على عرش مملكتى
| | موضوع: رد: اكل العيش من اختكم مريومه الثلاثاء مايو 18, 2010 6:11 pm |
| | |
|
| | |
| | اكل العيش من اختكم مريومه | |
|
الكلمات الدلالية 
رابط الموضوع 
HTML كود الموضوع