iهذا الموضوع قرأته واعجبت به جدا واحببت ان انقله لكم بكل امانة

ويلريت رأيكم فيه يكون بكل صراحة حتى ولو مع نفسك

واشكركم لسعة صدركم

انا كده كويس

......................

ايه حكايه انا كده كويس دى كمان...
الموضوع ببساطه يا جماعه ان انا هتكلم معاكم النهارده عن ظاهره الأغلبيه من الغافلين بل و الملتزمين الا من رحم ربى واقع فيها و هى ظاهره (الشاب المحترم ) او (الأخِت المحترمه)
ايه ظاهره الشاب المحترم دى كمان؟؟؟؟؟
ببساطه يا جماعه ان كثير من الشباب بمجرد قرائته للقرأن و بالصلاه ظن انه كده خلاص كويس...
و المصيبه ان حتى العصاه معجبين جدا بنفسهم و لما تشوف مثلا صديق ليك ولا حاجه و تقولوا يا فلان يلا بينا نروح نصلى ..
يرد يقولك طب اسبق انت و انا هحصلك (بيتهرب منك) و لما تيجى تكلمه عن عقوبه ترك الصلاه و التخلف عن صلاه الجماعه..
يقولك يا عم انت مالك داخل سخن كده ليه واحده واحده عليا (انا الحمدلله مبسبش فرض و بصلى ---طبعا فى البيت ---و مش فى معادها اكيد----و الحمدلله بختم القرآن كل رمضان ---و غير كده وكده مبأذيش حد و قلبى ابيض و زى الفل الحمد لله--)و بعدين الحمدلله انا احسن من غيرى!!!!
احب اقولك يا اخى و يا حبيبى فى الله
انت عارف يعنى ايه انا كده كويس ....؟؟؟
يعنى من الأخر كده كفايه عليك كده يا رب..!!!!!
طبعا حاش لله ...لكن و الله يا جماعه هو ده معناها
طب هسألك سؤال تانى تحب ربنا يتعامل معاك بالمبدأ ده؟؟؟؟انه يديك مثلا الأذن و اللسان و الرجل ...و غيره من النعم التى لا تعد و لا تحصى و ياخد منك بصرك مثلا
و يقولك كفايه عليك كده و هو قادر و لا يسأل عما يفعل ....؟؟؟
ها مستعد و على فكره هتعيش عادى جدا فكم من كفيف نراه فى اليوم و لا نحمد الله على ما بنا من نعم...
بس مستعد ان ربنا يتعامل معاك كده
او انه يعاملك بالحسنات يعنى مثلا مطلوب منك فى اليوم ما لا يقل عن 3 مليون حسنه علشان القلب يشتغل و 2 مليون حسنه علشان المعده تشتغل و مليون حسنه علشان عينك تشتغل ......
و اليوم اللى هتقصر فيه عن اداء دينك هيحصل عندك خلل فى احد تلك الوظائف...
ها ترضاها ..مستعد؟؟؟؟
اخى الكريم انا مش بكتب الرساله دى ليك الا انى و الله خايف عليك و مش عايزك تعيش فى وهم الألتزام سنين و انت فاكر نفسك ابن تيميه و لا حاجه.....انا خايف يطبق عليك قو الله تعالى(قُلْ هَلْ نُنَبِّئُكُمْ بِالْأَخْسَرِينَ أَعْمَالًا *الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا )
و للأسف ان فى بعض الملتزمين برده عايشين الموضوع ده تلاقيه بيصلى و بيقرأ قرآن و فى نفس الوقت بيكلم بنات و فى نفس الوقت معاه ارقام موبيلات للبنات على التليفون...!!!
و لما تيجى تكلمه يا اخى الكريم اللى انت بتعمله ده ميصحش ..
يقولك لأ اصل انت فاهم الموضوع غلط ....ده فلانه دى كل اللى بينا هو انى بصحيها الفجر و هى كمان ربنا يكرمها مش سايبانى بتشجعنى برده على قيام الليل ......و على فكره اوعى تفتكر ان انا بينى و بينها حاجه لا سمح الله ....و الله دى زى اختى تماما و الله و عمرى ما ارضى ليها الأذى ...
اقولك و الله انا عارف انك انسان محترم و هى برده اكيد انسانه محترمه و مش بعيد تكون بتصلى و بتقرأ قرآن كمان و مواظبه على الخير ....
بس النهارده بترنلها الفجر...بكره مجتش الكليه تقوم تتصل بيها (معلش بس اصل انا مشفتش حضرتك النهارده فحبيت بس اطمن خير فى حاجه ولا ايه؟؟) و طبعا الموضوع مش هيعدى بالساهل....
الشيطان لازم يستغل الموضوع و يبتدى يوسوس لها و يقولها شوفتى(لو انت مش مهمه عنده مكنش اتصل بيكى....على فكره ده انسان كويس ...فكرى ..) وتبدأ خطوات الشيطان تتحقق فعلا
و طبعا الموضوع مش هينتهى على كده مره مع مره هتلاقى نفسك بتقولها ....انا عشان مش عاوز امشى معاك فى الحرام (قال يعنى اللى فات ده كله كان حلال) فأنا هقولك على حاجه بصراحه كده انا نفسى ارتبط بيكى)
وطبعا هى برده الشيطان مش سايبها و تبدأ علاقه عشق محرم و الله ثم والله قد تكون هى سبب دخولك جهنم اعاذانى الله و اياكم منها....
فانا عارف انا طولت عليكم بس معلش القضيه مهمه و اخطر ما فيها انها جنه او نار ملهاش تالت..
و عشان فعلا نكون كويسين او شبه كويسين لأن احنا مهما عبدنا الله تعالى فلن نعبده يوم واحد حق عبادته بل ولا لحظه....فهكلمكم عن حاجات ان شاء الله هنتفق نعملها مع بعض و اولها تلك الأشياء...
1-ان شاء الله كل اخ و اخت متقفلش الموضوع قبل ما تمسح نمر الأولاد و كذلك الأخ ميفوتش الجمله دى قبل ما يمسح نمر البنات من عنده على الموبايل و برده الأيميلات و من ترك شيئا لله عوضه خيرا منه.
و كمان احتسبوا النيه انها امرأه دعتك فقلت انى اخاف الله ..ما هو مش لازم تكون الدعوه شفهيه
الموبايل برده فى حد ذاته ممكن يعد دعوه للحرام

اخوانى واخواتى ايه رأيكم ............بجد