يااللى مستنى الفانوس عشان علية ت دوس
قوم يا عم وعلى اللى فات ما تندم و دوس
دا الدنيا لسة واسعة قوم دور و دوس
لو كنت فى عشة عايش بكرة على الحرير دوس
بس انت قول يا رب لو على الشوك ت دوس
دا فية ناس بتاكل زلط وعلى النارت دوس
دا بكرة جاى الفرج بس انت جرب و دوس


هتلاقى فرجة قريب دا اصلة رب كريم
دا اللى بيدى شقة عيش بنقول علية كريم
يبقى اللى يدى عمر ونظر نقول علية كريم
لو عزت يوم عطاة قول يا رزاق يا كريم
تلاقى الدنيا زهزهت ما قلتلك دا ربنا كريم
اما اللى ينسى ربة ويغفلة ما تقول علية كريم





اياك تشيل للدنيا هم بس قول يارب
تلاقى الدنيا زهزهت وهى كلمة يارب
بيدى بس اللى يعرفة واللى يقول يارب
دا اللى بتولد بتفتكرة وتقول يارب
واللى بياخد حقنة بيصرخ ويقول يارب
واللى بيبعد ويتغرب اكيد بيقول يارب
يبقى انت فى وسط اهلك وما بتقول يارب
يجيلكش شلل يعنى عشان تقول يارب؟


يارب
محمد صبح

جميل يا ابو صبح
ايه الجمال ولحلوه دى
جميل جدا جدا

شكرا يا حسام واهو التجديد بيلين الحديد

اما انت يا على فبجد انت كدا خليتنى اعيد حساباتى تانى
بجد ربنا يقدرنى واقدر اشرف ميت عزون زى الناس دى بجد


اما انتى يا جابرة خاطرى
اميرة بكلمتى

فانا فعلا قلت
ودى الحمد للة موهبة
بس زى ما قلت للاخت صدفة العالم هو امراتى


اما يا ابوسيف فانت الكوم الكبير ولا اقولك بلاش الكوم عشان ماحبهاش
انت بقا يامعلم لو بتحبنى فبجد سمينى شاعر امراتة


ويا على والله انت عملت الواجب وذيادة

للجميع الشكر والاحترام