مِـرسـال لـحـبـيـبـتى

تاريخ التسجيل : 10/05/2009

حَبِيبْتِي
..شَرْطَه مَايْلَه
..فَرَاغْ
وهَاكْتُبْ لِيهْ حُرُوفْ إِسْمِكْ؟
مَا هُو انْتِي فْ قَلْبِي سَاكْنَه الْقَلْب
عَارْفَه بْقِصِّتِي وْحَالِي
ومِينْ غِيرِكْ فِي قَلْبِي اكْتُبْ لُه مِرْسَالِي؟
..و... أَمَّا بَعْد
*******
مَانِيشْ عَارِفْ جَوَابِي دَه جَوَابِي الكَّامْ
مَا عُدتِشْ بَاحْسِب الصّفْحَاتْ
مَا عُدتِشْ بَاحْسِب الاّقْلاَمْ
مَا عُدتِشْ بَاحْسِب اللّي ضَاعْ مِن الأَحْلاَمْ
..كِفَايَه انِّي بَحِبِّكْ بس
..وقَلْبِكْ لَوْ بِقَلْبِي حسّ
أَوْ شَافْ حَالُه فِي بْعَادِكْ
!لَصَلَّى لْرَبُّه واسْتَغْفَرْ لِذَنْبُه.. وْصَامْ
*******
قُولِي لِي ازّايْ أَحِبِّكْ حُبّ يِرْضِيكِي؟
أَنَا تَايِهْ.. وِنِفْسِي اوْصَلْ أَرَاضِيكِي
دَا لَوْ كَان الْهَوَا بِالسُّهْد
..انَا سِيدُه
ولَوْ قُلْتِي انّ حُبِّكْ صُوم
..أَنَا عِيدُه
ولَوْ حُبِّك فِدَاهْ قَلْبِي
أَقَطَّعْ قَلْبِي مِيتْ مَرَّهْ
..وَاقَدِّمْ لِكْ عَنَاقِيدُه
!وِبِتْقُولِي بَاحِبِّكْ لِيهْ؟
وهُوَّ الْقَلْب مِتْعَذِّبْ كِدَه بْإِيدُه؟
*******
بَحِبِّكْ.. حَتَّى لَوْ بِاب الْقُبُول اتْسَدّ
وهَاتْخَيِّلْ صَدَى صُوتِي بِيَاخُدْ كِلْمِتِي وْيِرْجَعْ مَعَاه الرَّدّ
:ولَوْ قُلْتِي لِي مِيتْ مَرّة
.."أَنَا عُمْرِي مَا حَبِّيتْ حَدّ"
هَازيد الْكِلْمَة مِيتْ مَرَّهْ
دِي نُقْطِةْ مَيَّه مِ الْمَطَرَهْ إِذَا فَاضِتْ
..تِهِدّ السَّدّ
*******
وحَتَّى لَوْ فَارِقْتِينِي
..هَاحِبِّكْ فِي الْفُرَاقْ بَرْضُهْ
هَوَاكِي فْ قَلْبِي لَوْ شُفْتِيهْ
..نَوَافْلُه وْسُنِّتُه وْفَرْضُهْ
وحُبِّكْ أَرْضُه
لَوْ تِنْسِيهْ... هَيِنْسَى ازّايْ حَنِينْ أَرْضُهْ؟
ويَامَا فْ نِفْسِي
يَامَا فْ نِفْسِي
تِيجِي لْقَلْبِي وِتْحِنِّي
..ولاَزِمْ تِعْرَفِي إِنِّي
..لاَ انَا عَفْرِيتْ وَلاَ جِنِّي
..بَحِبِّكْ.. بَسّ إِيدِي اقْصَرْ كِتِيرْ مِنِّي
*******
مِشْ هَاْقدَرْ
أَجِيبْ لِكْ مِ الدَّهَبْ كَفَّهْ
وَاجِيبْ لِكْ مِ اليَاقُوتْ كَفَّهْ
ومِشْ هَاْقدَرْ
أِجِيب الْوَالِي فِي الزَّفَّه
ومِشْ هَاْقدَرْ
أَجِيبْ لِكْ بِيتْ
يِمُوت الْقَطْر لَوْ لَفّ فِ حِمَاه لَفَّهْ
كِفَايَه انِّي بَحِبِّكْ مُوتْ
وحُبّ النَّاسْ نَدَامَه وْعَارْ
وحُبِّي عَكْسهُمْ عِفَّه
*******
ولَوْ تِرْضِي فَعَنْدِي شْرُوطْ
أَنَا طَبْعاً بَحِبِّكْ مُوتْ
ولَكِنْ بَرْضُه لِيَّا شْرُوطْ
أَنَا عَايْزِكْ تِكُونِي فِي الْوَرِيدْ دَمُّهْ
وِتِبْقِي فْ عَقْلِي انَا هَمُّهْ
وِتِبْقِي وَرْد جُوَّا الْقَلْب
غِيرِي يْشُوفُه يِتْحَسَّرْ.. وَلاَ يْشِمُّهْ
*******
وعايزك تفهميني لو كلامي طلّ من رمشي
وعَايِزْ رِمْشِك الْجَارِحْ
صِرَاطْ يِجْرَحْ فُؤَادْ غِيرِي مَايِرْحَمْشِي
وَانَا اجِيلِك
أَعَدِّي فُوقْ صِرَاطْ رِمْشِكْ.. وَلاَ اخَافْشِي
وحَتَّى لَوْ وِقِعْت فْ يُومْ مِن الْخَضَّهْ
أَقَعْ فِي عْينِيكِي وَاتْوَضَّى
وَاصَلِّي رَكْعِتِينْ لله
وَابُوسْ نِنّ الْعِينِينْ
..وَامْشِي
******
لاَ انَا طَمَّاعْ
وَلاَ فْ طَبْعِي الأَنَانِيَّهْ
بَحِبِّكْ
وانْتِي انَا طَبْعاً
مَا اسْمَحْشِي لِحَدّ يْكُونْ شِرِيكْ فِيَّهْ
وقَبْل مَا يِخْلَص الْمِرْسَالْ
:بَاعِتْ لِكْ مِنْ عِينَيَّه سُؤَالْ
وهُوَّ الْحُبّ كَانْ عِيبَهْ؟
ولَوْ مَرَّهْ حِلِمْت بْضِحْكِتِكْ فِي النُّومْ
عَلَيَّهْ تِتْحَسَبْ غِيبَه؟
*******
وفِي الآَخِرْ
بَاعِتْ لِكْ وَيَّا مِرْسَالِي الْجِدِيدْ أَحْلاَمْ
بَلاَشْ تِرْمِيهَا كَالْعَادَة مِنَ اعْلَى الْبُرْجْ
وِخَايِفْ يِبْقَى مِرْسَالِي نِهَايْتُهْ زَيّ أَجْدَادُهْ
!فِي قَلْب الدُّرْجْ
جَنَايِنْ قَلْبِي رَاحْ تِفْضَلْ ولَوْ طَال الْبِعَادْ فَاتْحَهْ
بَحِبـِّــكْ
قُلْتهَا بِالْكَسْرَة
!نِفْسِي اسْمَعْهَا بِالْفَتْحَة
******

منتدى شباب ميت عزون /><!--
بداية قالب الموضوع الاصلي - www.meetazoon.com --><br /><font color=

الموضوع الأصلي : مِـرسـال لـحـبـيـبـتى المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: WARDA

عدل سابقا من قبل WARDA في الجمعة مايو 29, 2009 2:06 pm عدل 1 مرات

تاريخ التسجيل : 20/04/2009

السلام عليكم

كلمات فى منتهى الروعه

ومشاعر واحاسيس جميله تارجحت معها بين الأمل والانكسار

بين الاحساس الجميل والشعور الصادق

كان لاختياركــ هنا بوح من سحر خاص

عطّر المكان برقىّ وجمال آخاذ

كل الشكر لك .. ليديكـِ ... ولاختياركــ الاكثر من رائع ...

ارق تحيااااتى واحترامي الي عقل المنتدي الناضج العضوه ورده

الموضوع الأصلي : مِـرسـال لـحـبـيـبـتى المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: محمود عبد القادر

تاريخ التسجيل : 03/05/2009

جميل جدا يا اخت ورده
بصراحه كلام هز كيانى

قلتها بالكسره
نفسى اسمعها بالقتحه؟؟؟؟
يا سلام على الابداع
منتدى شباب ميت عزون /><br /><font color=

الموضوع الأصلي : مِـرسـال لـحـبـيـبـتى المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: اسلام حماقي

تاريخ التسجيل : 02/05/2009

اهنيكي يا وردة على مواضيعك الممتازة
انتى اثمن جوهرة نزعت من تاج الطبيعة
لتكون زينة منتدانا
تحياتى الخالصة
منتدى شباب ميت عزون /><br /><font color=

الموضوع الأصلي : مِـرسـال لـحـبـيـبـتى المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: demetry

تاريخ التسجيل : 29/05/2009

اقتباس :: وهَاكْتُبْ لِيهْ حُرُوفْ إِسْمِكْ؟
مَا هُو انْتِي فْ قَلْبِي سَاكْنَه الْقَلْب
عَارْفَه بْقِصِّتِي وْحَالِي
ومِينْ غِيرِكْ فِي قَلْبِي اكْتُبْ لُه مِرْسَالِي؟

دائما نرى معكى الجديد

اسلوب ولا احلى جميلة جدا كلماتك
كم كانت قاسية على اوتار القلوب

ممتعه يا ورده

الموضوع الأصلي : مِـرسـال لـحـبـيـبـتى المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: Mr.Rock

تاريخ التسجيل : 10/05/2009

أخى//محمود

أشكركـ على كل هذا الثناء

وحقاً الخاطره تستحق

فهيا لشاعر من شعراء الأدب الساخر

أسمه(أشرف توفيق)

صاحب ديوان مِرسال لحبيبتى

وليه بعض المقالات بيتكلم فيها عن نظام الحكم بأسلوب ساخر وخفيف

إن شاء الله هبقى أعرض بعضها

وليه كتاب جميل جداً أسمه (مبسوطه يا مصر)

ودا تم إصداره قريب

متشكره يا محمود على ردكـ وإهتمامكـ

أخى//إسلام حماقى

متشكره ليكـ وفعلاً الكلمات معبره جداً عن حالة حب

وتمنى من الطرف الأخر يكون حاسسها

وكمان يتبادل معه نفس المشاعر

مودتى لكـ

أخى//ديمترى

أيه داا كله؟

جوهره حته واحده؟

ربنا يخليكـ يارب

بشكركـ على زوقكـ

لكـَ خالص احترامى

أخى//مستر روكـ

متشكره ليكـ جداً

وأهلاً بيكـ معانا

إكتسبنا عضو فعال بجد

ربنا يوفقكـ

منتدى شباب ميت عزون /><br /><font color=

الموضوع الأصلي : مِـرسـال لـحـبـيـبـتى المصدر : منتدى ميت عزون www.meetazoon.com

أنشر الموضوع لأصحابك على الفيسبوك