قـول للـزمـان إرجـع يـا زمـان

تاريخ التسجيل : 10/05/2009

خروج الولد وموعد رجوعه البيت

زمان: كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري

دلوقتي:
تلاقي الولد داخل الساعة 1 صباحاً,

باباه يقوله كويس انك متأخرتش
النهاردة!!,

يرد الولد: تأخير ايه يا مان أنا طالع اغير هدومي ونازل تاني,

انا وكام واحد من اصحابي عندنا ماتش كده على الماشي..

خش انت نام ومتقلقش
وانا مش هتأخر..

الاب نام وصحي ونزل يصلي الفجر وهو راجع يلاقي ابنه عند
بتاع الفول بياكل:

ايه يابني انت لسه مروحتش؟

يرد الولد: اهلااااا بالكبير
اوى

معلش بأه الماتش سخن اصله ولسه خلصان ولا ايه يا جماعة؟؟

كله يهز راسه
بالموافقة وبؤه مليان اكل,,

يكمل الولد بعدين لقينا عصافير بطننا (بتطير)
قلنا نسدها بأه
*******
البنت لما حد يسألها.. إنتى مخطوبة؟

زمان: - لسه ربنا مأذنش,

وعينها فى الأرض ووشها يحمر

دلوقتي: - لأ ليه عندك عريس؟

إيدي على كتفك.. ناس معندهاش نظر
*******
الولد داخل على باباه ياخد مصروف الاسبوع

زمان: ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه

دلوقتى:
- إيه يا مان احنا النهاردة كام فى الشهر؟

انت مش هتأبّجني ولا إيه حكايتك
بالظبط؟

يالا اختصر عشان معنديش وقت وصاحبي بيرنلي عشان انزل..

ايه يا عم
مش سامعني يعني؟

عايز الفلووووس...المونييييي

*******
دخول الاب البيت
زمان: يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب

ولو معاه حاجة يشيلوها عنه
دلوقتى:
الولد قاعد قدام الكمبيوتر او بيتفرج على ماتش كورة،

البنت بتتكلم فى
التليفون.. مش فاضيين يعملوا ايه!!..

الاب على الباب بيخبط..

مع العلم ان
الاب ليه خبطة مميزة يعني عارفين انه اللى على الباب..

الاب خبط مرة
واتنين ويرن الجرس..

فين وفين البنت اخدت بالها ان فى حد بيخبط:

انت يابني
متسيب اللي في ايدك ده وتروح تفتح لبابا,

يرد الاخ: نعم هاخد اوامر منك
اظن؟؟؟

ما تقومي انتى ياختي بدل الرغي اللى مالوش لازمة,

ترد: نعم؟؟

على
الاقل انا بتكلم فى التليفون اقول ايه لصاحبتي يعني؟؟

انما انت مبتعملش
حاجة ماتقوم انت ولا انت لازم تمارس دور راجل البيت وخلاص؟؟..

يرد:
ماتعدلي كلامك معايا انا اخوكي والولد هنا وكلامي لازم يتسمع..

ترد على
العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا
*******
نزول المرأة للعمل
زمان: كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل

دلوقتي:
- هوا قاسم امين..

هو اللى بهدلنا..

هو اللى نزلنا الشغل وخلانا نتبهدل..

انا ايه اللى يخليني انزل واتبهدل فى المواصلات كده,,

مش لو كنا قاعدين فى
بيوتنا كان يبقى اكرم لنا؟؟
*******
ولد حب يتعرف على بنت

زمان:
الولد لو راح يكلم بنت..

بعد ما تطلع عينه..

يحمر وشها..

ولو ردت عليه
يبقى كلمة وخلاص

وغالباً بتكون بتصده وبتمشي خايفة لا يكون اخوها معدي
ويشوفها ويزعقلها

دلوقتي: الولد راح يكلم
بنت ردت عليه تقوله: لخّص عايز ايه من الأخر يعني؟؟

يعدي عليها اخوها
ومعاه صاحبته يعملها باي

من بعيد وهى ترد عليه ويمشي..

يمكن افتكر اللى
واقف معاها ده عمود نور..

طبعا الولد واقف مندهش المهم يجي يتكلم تاني ترد
عليه تقوله على فكرة انا مرتبطة وصاحبي..

يعني حتى مش خطيبها..

هيعدي عليا
دلوقتي وعلى فكرة بيغير عليا موووت
*******
نزول الولد لشراء احتياجات البيت

زمان: كانت البنت المفروض متنزلش كتير

والولد فى غياب الاب راجل البيت يعني يشتري كل احتياجات والدته دون تذمر

دلوقتي:
الام يطلع عينها من التحايل على الولد ينزل يجيب حاجة من البقال اللي
جنبهم..

حتى يرد: ماتخلي فلانة تنزل ماهي قاعدة ما بتعملش حاجة..

الام
تقوله: يابني اختك المفروض ماتنزلش كتير ديه مهما كانت بنت والوقت متاخر..

يرد: بنت يعني ايه؟؟

العو هياكلها مثلا؟

ولا الاشكيف مستنيها؟

دي بنتك
تخوف بلد..

تقول الأم: يابني انت المفروض راجل البيت..

يرد: وانتوا خليتوا
فيها راجل مش طالبتم بالمساواة؟

يالا اشربوا عشان تبقوا تقولوا الراجل زى
الست.

. هى فى حاجات وحاجات لأ يعني؟؟

حاجة غريبة اوي

ودا زمان فعلاً قول للزمان إرجع يا زمان

منتدى شباب ميت عزون /><!--
بداية قالب الموضوع الاصلي - www.meetazoon.com --><br /><font color=

الموضوع الأصلي : قـول للـزمـان إرجـع يـا زمـان المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: WARDA

تاريخ التسجيل : 03/05/2009

وهاتلى قلب لا داب ولا حب.....ولا انجرح ولا شاف حرمان
يا سلاااااااااااااااام
يا ورده Very Happy

الموضوع الأصلي : قـول للـزمـان إرجـع يـا زمـان المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: اسلام حماقي

تاريخ التسجيل : 02/05/2009

قول للزمان ارجع يا زمان

موضوع يمس مشكلة ذهاب خلق إسلامي وهو الحياء . ودرجة من درجات احترام الآباء .

بس السؤال هنا . إيه الأسباب إللي اتسببت في كده ؟

نقدر نقول ، " تغيرت طرق تعامل الأبناء مع المحيط لتغير تعامل المحيط معهم . "

طبعا كل موقف بالأعلى يحتاج تعليق مختلف عن الآخر حتى نصل للأسباب الحقيقية بتفرعاتها .

لكني أريد التحدث عن نقطة واحدة . خلق الحياء ، والذي نراه قد تضاءل عند بعض الشباب والشابات

موقف استغربته : في يوم من الأيام وأنا ذاهب إلى الكلية ، مررت من أمام مدرسة فريدة حسان للبنات ، ووجدت البنات يقفون على الشبابيك ، وسمعت صفيرهم ونداءاتهم للأولاد في الشارع !!! كان موقف عجيب

موقف جعلني أضحك ضحكة حزن . استهجنت الأمر في تلك الأيام لأني لم أر مثيلا له من قبل .

لكني الآن علمت بعض الأسباب .

الأول هو الوازع الديني

فالتنشئة على الأخلاق الحميدة ، وعلى الإيمان " والحياء شعبة من الإيمان " كفيلة بتغيير الحال

التليفزيون ، وما به من برمجة لعقول النشأ منذ الصغر على الانفتاح العلماني . وغسيل المخ الذي لا يتوقف على مدار الساعة ، بالذات بعد دخولنا عصر المحطات الفضائية

انشغال الأب والأم بالماديات على حساب الروحانيات

أصدقاء السوء ، فالبنت تفسدها بنت ، والولد يفسده ولد

تساهل الأب والأم مع أبنائهم في الكثير من الأخطاء

لم تعد وزارة التربية والتعليم وزارة تربية ... !!!

الأمر يحتاج مراجعة جدية . أنتظر أسمع للمزيد من وجهات النظر

شكرا على الموضوع المؤثر فعلا على المستقبل يا وردا

منتدى شباب ميت عزون /><br /><font color=

الموضوع الأصلي : قـول للـزمـان إرجـع يـا زمـان المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: ضياء الحق

تاريخ التسجيل : 11/05/2009

اللــــــــــــــــــــــــــــــــــــــــــــــــــه موضوع جميل اخت ورده وهوه ده فعلا اللى بيحصل بس معلشى فى حجات أنى بتبلغى فيها شويه يعنى موضوع دخول الأب البيت ده موضوع ممكن يكون بيحصل بس أراهن بنسبه 1% ويمكن مفيش ولكن ما أحسن هذا الموضوع

قول للزمان أرجع يا زمان

مشكوره أخت ورده
منتدى شباب ميت عزون /><br /><font color=

الموضوع الأصلي : قـول للـزمـان إرجـع يـا زمـان المصدر : منتدى ميت عزون www.meetazoon.com

أنشر الموضوع لأصحابك على الفيسبوك

توقيع: the_hero