حبيبى على كرسى الاعتراف
ربنا يعينك يارب
الاسئله بعد البطاقه الشخصيه

اهلا وسهلا يا دكتور منور الكرسى

اسمحلى اسال كام سؤال...


أهلا وسهلا ، اتفضلي اسألي

ايه اكتر شئ ممكن يضايقكـ ومستحيل تسامح فيه ابداااا؟

الغدر

ايه الشئ اللى حصلك وعمره ما كان فى حسابك يحصل ابدا ولا متوقع وحصل ؟

في كتير من حياتي بأتخوف من أن النتيجة الحلوة ما تحصلش وبأتوقع الأسوأ ، وعشان كده بأزعل قوي لما بيحصل الأسوأ لكن بأقدر أتخلص منه ، لكن لسه ما حصلش أكبر حاجة وحشه ، لأني مش عارفها ، حسب كلامك هتبقى مفاجأة .

ايه اكتر موقف حصلك واحرجك وامام احد ما ؟؟؟

أن فيه حد صغّرني بيني وبين نفسي وقدام الخاصة ، وما قدرتش أتخلص من الاحراج ده فترة كبيرة .


ايه اكتر صفه بتحبها فى نفسك واكتر شئ بتكره فيك ؟

اكتر صفة بأحبها في نفسي : مبدأ الشك ، لأن بسببه ما بأتعصبش لرأي حتى لو كان غلط ، لكن بأدور على الحقيقة وبأعتبر رأيي صواب يحتمل الخطأ . أكتر صفة أكرهها في نفسي / يمكن تكون الكسل ،

لو رجع بيك الزمن شويا كنت هتتمنى تعمل ايه فى وقت معين محتاجه انت انه يرجع

أجيب كامريا وأصور كل حاجة ، وأجيب كاميرا فيديو وأسجل كل حاجة ، وأجيب نوته وأكتب كل ذكرى مريت بها ، لأن ده إللي باقي لنا من الماضي كذكريات ، وفجأة تلاقيك فقدت عزيز عليك ، ومع الوقت يمكن تنسى شكله . ولو رجع بي الزمن هأقعد فترة أكبر مع أقاربي وأحبابي إللي ماتو .

ولو رجع بي الزمن هاقعد مع عمي محمود الله يرحمه وهأتعلم منه كتير .

هتغير ايه او هتعمل ايه او شئ حصل زمان وحابب تصلحه او تمحيه من حياتك ؟

الزمن ما بيرجعش لكن كل إللي أقدر في الحاضر هو أني أتعلم من أخطائي في الماضي وأتعايش معاها .

-من هو مثلك الاعلى ؟

طبعا رقم واحد هو سيدنا محمد صلى الله عليه وسلم . ثم والدي ، وناس كتيرة اتعلمت منها حاجات كتيرة في مراحل حياتي وصعب أني أحصرهم في واحد . إللي علموني كتير .

-من هم اهم الناس فى حياتك ؟

عائلتي ، ثم أصدقائي وأقربائي ، طبعا من ضمنهم خاصة الخاصة لكن ما أقدرش أذكر أسماء على المنتدى وسواء عارفين أو مش عارفين ففيه ناس منهم مش هأنسى لهم أدوارهم في حياتي

ايه اكتر قسم بتحبه فى المنتدى؟؟

مش اكتر قسم ، أكتر مواضيع ، ودي في أي قسم لما تكون بتناقش بجدية مواضيع هامة ، أو تعطي معلومة هامة .

ايه رايك فى نفسك هل انت راضى عن نفسك ولا لالالا؟ ولو مش راضى عن نفسك ليه؟؟؟

الحمد لله ، فيه قصور ولكن طول ما أنا عايش بأحاول أطوّر من نفسي . وأنا الوقتي مش أنا قبل سنة ولا أنا بعد سنة .

ما أجمل شيء في الاسلام ؟

أنه الصلة الوحيدة بخالق الكون ، إللي هو الله ، وكل الديانات التانيين في دماغهم أنهم فعلا واصلين مع رب الكون لكن ( وما دعاء الكافرين إلا في ضلال ) .

مالذي يهمك في موضوعك عدد الردود أو عدد الزوار ؟؟؟؟

التفاعل ، وبعدين زي ما بتشوفي ، مواضيعي بتكون قليلة في الزيارات او الردود ، لكن المهم يكون فيه تفاعل أو استفادة لو يعني فيها إفادة .

ماهو المقياس الحقيقي لحضرتك في معرفه أصدقائه وأعدائه ؟؟؟؟؟؟

1 -الخبرة
2 - جزى الله الشدائد كل خير ....... عرفت بها عدوي من صديقي
3 - عند الشدائد تعرف الرجال
ا4 - لصديق وقت الضيق

ماهو السؤال الذي لاتتوقع أن تُسأل به ؟؟

طب لو أنا مش متوقعه هأتوقعه الوقتي وأقولهولك إزاي ؟
على العموم نفسي ما أتسألش عن إيه رأيك في العضو الفلاني ، ولا أحب أتسأل أسئلة دينية ومعلومات عامة ، وأحب أتسأل أسئلة تنفعني لما أحاول أفكر فيها ويمكن تنفع حد لو شاف إجاباتي . وانا لحد الوقتي استفدت من الأسئلة إللي اتسألتها على الكرسي .


واخيرا


!!ايه احساسك دلوقتى حاليا وانت قاعد اهووو على الكرسى ؟؟

حاسس أن حد هيحرجني.

تحياتى لحضرتك

.................

بص بقى يا دكتور ضياء
اولا مرحبا بيك على الكرسى ويارب يكون مريح

مش مريح ويا ويلك لما تقع فيه ومنك لله .


ثانيا متزعلشى منى من الى هعمله فيك وانت على كرسى الاعتراف

خلاص يا ريس ، اعمل اللي انت عاوزه لأنها تلفانه تلفانه


ثالثا وده الاهم جاوب بسرعه

الاعضاء دى بتمثل بالنسبه ليك ايه بصراحه وبكل وضوح


ما تيجي تسيبك من الأسئلة عن الأعضاء دي ،
لأن دخولي في المنتدى مش كتير ومش بآخد بالي من بعض الأعضاء ، وبأحترمهم كلهم .

وتدى لكل واح لقب
وعاوزك تقوللى رايك بصراحه ووضوح

رايك فى

المدير
المدير . ماهو ده لقبه . وهو الآس بتاع المنتدى
مستمع جيد للمشاكل ، وميزته أنه بيسمع للأعضاء وبيحاول ينفذ رغباتهم ، وعيبه هي في ميزته لما بتزيد ، بأقول له ما تحاولش ترضي بعض الأعضاء لو هم غلط . خليك واضح معاهم . الغلط غلط والصح صح .



على

البريء
بيحاول يجيب للمنتدى كل جديد ويتفاعل مع المواضيع الموجودة مرح مسامح



حسام


من الأعضاء المميزين في المنتدى ، بيطور من نفسه .

صدفه


توأم وردا . ده لقبها ، لأنها فعلا ماشيه على خط وردا سواء في النقاش وفي المواضيع وفيه تشابه كبير بين الاثنين مع الاحتفاظ بمميزات كل واحد فيهم .

قمر


المجتهدة بابتسامة .

والاستاذ خال القاضى

رمانة الميزان

فعلا هو رمانة الميزان في المنتدى .



بحر

حبيبي بحر ، العثل ده لقبه . رأيي أنه مرح وكلامه قليل لكن مهم


رامى


روميو ، بسيط . بيحاول يوصل للجميع . لكن مواضيعه قليلة ، نفسي يكترها .

فتاه


فاكهة المنتدى ، كلامها بيتميز بأنه عفوي ، وبأعتبرها حالة خاصة في المنتدى .
جوليت

مجتهدة ، وبتحاول تتفاعل في المنتدى

مريومه

محترمة ، آراءها بتكون متوازنة .

اسلام حماقى

هو ما دخلش من زمان ليه على المنتدى ، يمكن بيدخل بس مش بآخد بالي ، كان الأول بيعطي على طول مواضيع ومشاركات لكنها قلت ، أتمنى أنه يكتب زي كتير تاني .

مبقتش ملاك

رومانسي ، ونفسي يشارك أكتر في المواضيع الحوارية



سامح الصاوى

الله يخلف عليه الابن الصالح ، و طبعا زعيم الديكور هيكون سامح الصاوي بدون كلام

محمد هلال

ما بيدخلش كتير على المنتدى ، وهو عنده إمكانيات كتيرة يقدر يفيد الناس بيها هنا لكنه لسه ما استخدمهاش كلها

البرنسيسه

بتتفاعل مع المنتدى وبتشارك فيه

طه حسين

إنسان مؤثر . وبرضه منتظرين منه يكتر مشاركاته

قاهر الحب

نفسي يرجع يكتب زي الأول ، هو وديميتري

وعاوز تقول كلمه لكل واحد

ندخل فى الجد بقى
إيه أقصى أقصى أقصى شيء ممكن تتخيل المنتدى ممكن يوصل له يعني من التطور ؟

يكبر شوية بشوية ، يشمل خط طناح ، يبقى له موارد ماليه تسمح له أنه يبقى أكبر ، يدخله ناس يعطوه ثقل أكتر وأكتر ، ويبقى موقع عليه شامل زي دي في دي فور آراب . ده شيء ممكن لكنه محتاج لوقت ومجهود كبير ، وما ينفعش فيه المجهود الفردي . يعني من الآخر أن منتدى ميت عزون يبقى منارة للثقافة المصرية . أو أكتر .

ده مش شيء مستحيل
المنتدى يبقى عليه كمان ( مدرسك الخصوصي ) وحاجات كتيرة لكن مع الوقت والمجهود .

ايه اكتر شئ ممكن يضايقكـ ومستحيل تسامح فيه ابداااا؟

الغدر . والتعصب للباطل وأنت عارف أنه باطل ، يعني مش معاك العذر بالجهل .

ايه الشئ اللى حصلك وعمره ما كان فى حسابك يحصل ابدا ولا متوقع وحصل

أجبت علي السؤال قبل كده

ايه اكتر صفه بتحبها فى نفسك واكتر شئ بتكره فيك ؟

أجبت قبل كده لكن أقول تاني ، أحب مبدأ الشك وأكره الكسل

هل الغيرة منك او عليك جزء مهم فى حياتك؟

الغيرة مني جزء مهم لما يكون في حدود ، الغيرة عليّ ، طب مين إللي هيغير علي؟ أنا لا متجوز ولا خاطب مين إللي هيغير علي .
مين الاعضاء اللى لما تدخل المنتدى تحب تشوفهم موجدين؟

كل عضو لما أكتب موضوع عارف أنه هيحاورني فيه ويتفاعل معايا

اكتر موقف انت ندمان عليه؟

عندما ينعقد لساني ولا أستطيع أن أتكلم . ودي حالة عامة ، تقدر تدخلها تحت ( أكتر شيء تكرهه فيك )


من هو الشخص اللى انت ظلمته ؟

نفسي


موقف محرج اتحطيت فيه

أجبت قبل كده ، لما فيه حد صغرني قدام نفسي وقدام الخاصة وفضلت محروج فترة من حياتي ويمكن أثر علي لحد الوقتي الله أعلم .

لحظات عشتها تتمنى ترجع تانى؟وليه؟

الطفولة ، لأن ساعتها ما كنتش أعرف العالم فيه كل الشرور دي - وبرضه فيه كل الخير ده - يعني لأن خبرتي السيئة بالحياة كانت قليلة ، ولأن المسئولية في الفترة دي بتكون على أبويا وأمي مش عليّ أنا . ولأن في الفترة دي ناس كنت أعرفها وماتو . ولأن دايما كلنا بنحن للطفولة ، مع أني وأنا صغير كنت أحب أكبر .

لو حد جرحك اوى وطلب منك انك تسامحه هتعمل ايه وهل هترجع معاه زى الاول؟

مع الوقت هأرجع زي الأول لكن ممكن أحتاج فترة من الزمن

إنت حاسس ان الحياة تستاهل نعيشها وامتي الانسان لازم ياخد موقف مع نفسه ومع الي حواليه؟

طبعا الحياة تستاهل أننا نعيشها ، مهما كانت الظروف صعبة ، الإنسان لازم ياخد موقف لما الموقف يحتاج وقفه ، يعني تشد وقت ما يحتاج شدة وتتساهل وقت ما يحتاج تساهل . بالذات ساعة الكرامة .

لا تسقني ماء الحياة بذلة ....... بل فاسقني بالعز كأس الحنظل


ايه رايك فى اللى يوعد حبيبه بحاجات ويحلموا سوا وفجاءه تلاقيه اتخلى عنك لاسباب انت نفسك مش عارفها ولا قادر تفهمها ؟


أنا ضد فكرة أن حد يكلم واحدة ، عشان كده مش هأعرف إيه الإجابة على سؤالك ، لكن الوقت كفيل بتصحيح الخطأ والنسيان .

سلام دلوقتى لما ابقى اجيلك