السلام عليكم ورحمة الله وبركاتهوعليكم السلام ورحمة الله وبركاته
دستوررررواللهم لا شماته يعنىوالله أنا اتورطت في الكرسي ،ولو كنت أخدت بالي من أول ما الموضوع اتعمل كنت لغيته لكن للأسف ما شوفتوش إلا بعد ما ناس ردت عليه
مش بحب اشمت انا فى حد ماشى يا ضياءوسبق وقلتلكـ الدنيا يوم ليكـ ويوم التلات يعنىفعلا ، مع أني كنت بأعمل كل اللي في وسعي اني ما اقعش في المطب ، لكن القدر تقولي ايه .
يالا ما علينا ربنا معاكـآمين
أزمه وماتعديش برحتها البيت بيتهاوالله انا كنت انسحبت خلاص . بس لو ما جاوتبش هأتفهم غلط .
طبعاً أجابات جبارهبس على فكره الفوزير غلط ماتنساش بس الجمايل دى بعرفكـ اهوهما انا عارف انها غلط ، فين الجميلة ؟ الجميلة أنك كنتي تجيبيلي الحل .
أنا كنت داخله أشمت واخرج علطول.... يوووه سورى قصدى اسلم وأخرج علطولماهو السلام في بعض المواقف بيبقى شماته . يعني لو واحد زعلان وبصيتي له وقلتي له سلامو عليكو ، هيفهم على طول .
قولت أسأل سؤالين عيب بردو أدخل بأيدى فاضيه وحشه فى حقى جداًبدل ما تدخلي بكيلو فاكهة وانا ضيف على الكرسي بتاعكم ، يللا مش مشكلة .
نبتدى
صفه فيكـ بتتمنى أنكـ تغيرها؟الكسل .
لما سمعت مره اتنين بيتكلمو عنكـ لقيت جمله شدتنى عيبه طيبته الزايده؟تعتقد إن الطيبه الزايده بجد عيب؟انا ما اعرفش تقصديني انا وللا مين . لكن كان هناك مشكلة عندي وهي المسامحة على طول الخط . في الزمن اللي احنا فيه لازم الواحد يسامح كتير لكن لما يشوف أن الناس هتستغل خطؤه ( أخذ شيء بسيف الحياء ) أو ( ضياع الحق بسبب التخاذل عنه ) لقيت أن دي صفة لازم تتغير شوية عندي . هل نجحت في التغيير ؟. ده اللي مش عارف احكم عليه الوقتي ،
ويا ترى دى حاجه تسعدكـ ولا تضيقكـ؟ايه اللي يسعدني ، كلام الناس وللا الطيبة ؟
ما كان لله دام واتصل وما كان لغير الله انقطع وانفصل ، وأرجو من الله أنه يخلص نفسي من شرورها وأولها هو عدم الإخلاص لله .
من دراستى للتعامل مع الشخصيات اللى بعرفهاوبصراحه ومن غير تزويق كلام حسيت سفركـ هروب؟إجاباتي ما بتتغيرش يا وردا ، راجعي إجاباتي القديمة وانتي تعرفي .
ومش لازم أضيف تفاصيل بس حابه أعرف ايه تعليقكـ؟بصراحة ما اعرفش ايه اللي انتي تقصديه ، لكن كان فيه 5 اسباب وراء سفري يا وردا مش سبب واحد . واحب احتفظ بالخمس اسباب كلها لنفسي .
لكن السؤال ... إيه اللي السفر أضافه لي ؟ أعتقد أنه عالج حاجات كتير من اسباب سفري .
حلم إتمنيت تحققه وصحيت لقيته سراب؟أكيد فيه أحلام حلمتها وما اتحققتش ، لكن لو بطلنا نحلم نموت ، لكني مؤمن بفضل الله عليّ وبأن لو فيه حلم ما اتحققش فأكيد لأن ربنا عارف أن الخير مش فيه أو أن ربنا هيحقق لي حلمي ( جوهر حلمي ) بطريقة تانية . وما تنسيش ( لكي لا تأسوا على ما فاتكم ولا تفرحوا بما آتاكم ) . يمكن الإنسان يتعب شوية لحد ما يقدر يأقلم نفسه لكن في النهاية يقدر يعدّل أوضاعه .
ولو فكرنا شوية ، هنلاقي أننا عندنا نعم كتير علينا ( إن فضله كان عليك كبيرا ) ( وكان فضل الله عليكم عظيما ) ( وإن تعدوا نعمة الله لا تحصوها ) . يعني مش حلم ولا اتنين إللي هيخلوني أكفر بنعم ربنا عليّ . ربنا بياخد مني حلم وبيعطيني غيره أحلام .
ودايما عندي الكلمة دي ( اللهم إني أثق بك ) ودايما حتى لو كان نفسي أحقق حلم معين فلازم بأدعي ربنا انه يوفقني للخير سواء الخير في تحقيق الحلم ده أو في غيره ( آباؤكم وأبناؤكم لا تدرون أيهم أقرب لكم نفعا فريضة من الله إن الله كان عليما حكيما ) ( وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون )
ده ما يمنعش أن الإنسان بيتأثر شوية لما بيفوق من حلمه ، لكن برضه ما بيستمرش في البكاء على الأطلال . وأعطي مثال يعيد شوية لكن جايز يقرب الصورة ..... ليه دايما بنفتكر هزيمة 67 وما بنفتكرش حرب الاستنزاف ولا انتصارات 73 . لازم كل واحد فينا يكون مؤمن بالقدرة على التأقلم والتعايش والتغيير للأفضل .
لكن برضه الإنسان بيفضل فترة مدروخ ، لكن بعد كده بيفوق .
ويا ستي زي ما حلمت مرة أقدر أحلم مرات ومرات ، أنسى أني حلمت الحلم إللي ما حققتوش وأحلم من جديد . ليه لأ ؟
في النهاية أحب أقول أني بأدور على البساطة وحلمي لسه موجود يمكن تحقيقه لكن بوسائل أخرى .
قولت لحد بكرهكـ من قلبكـ وكنت تعنيها؟مش فاكر يا وردا ، لكن أعتقد أني لو قلت لحد بأكرهك من قلبي يبقى أكيد عمل حاجة تستاهل الكره ده ، لكن مش فاكر أني بأكره حد ، حتى لو اختلفت مع أي حد وزعلت منه فبأعطيه العذر والحجج لأعماله . مع زعلي منه . إنما آجي لواحد وأقول له بأكرهك . يمكن تحصل قريب ويمكن ما تحصلش . الله أعلم .
لو رجع بيكـ الزمان لثانوى كنت تتمنى تكون انت الدكتور صلاح ولا لقب تانى غير ده؟سؤال يا وردا ، هل الألقاب هي إللي بتصنع الإنسان ؟ في زمنا يمكن ناس شايفه كده لكن انا مش شايف كده .
كنت بأفكر في تانية ثانوي أدرس كيمياء لأن كان نفسي أدخل علوم ، بالذات قسم فيزياء نووية . وده يمكن يرجع لأني لحبي للعلوم . ولكن احنا في محيط ما يساعدش على حاجة زي دي ، لأن مش هيبقى فيه شغل من كلية العلوم ، وناس أكبر مني قعدت تقنع فيّ بكده ، لأننا في مصر ، ورجعت عن الفكرة وفضلت في علمي علوم ، كان نظرة أمي لي هي أني طالما كنت متفوق طول عمري يبقى لازم أدخل كلية الطب ، وطبعا تقدري ترسمي رسومات جميلة وأنتي في الثانوي عن حياتك في المستقبل وأنتي جراحة .... ومتفوقة . للأسف نظرتنا يمكن محتاجة تغيير .
طبعا ده لأن معلوماتي في الثانوية غير معلوماتي الوقتي ، والوقتي بأحاول أعطي خبرتي البسيطة للناس علشان خاطر تفهم الحقيقة .
التفوق في الحياة مش بأنك تدخل كلية القمة ، التفوق هو أنك تحقق نجاحك في المجال إللي انت فيه أو بتحبه .
كان حلمكـ تكون دكتور بيطرى ولا التنسيق اللى اتحكم فى حلمكـ؟بالتنسيق ، وكنت رافض أكتب الكلية دي في ورقة التنسيق ، وكان جدي لما عرف أني كتبتها - مجرد كتابتها - في التنسيق قعد يتريق عليّ .
والسبب زي ما قلت أننا في مصر ونظرتنا للأمور نظرة سطحية ونظرة المجتمع ناحية حاجات كتيرة عاوزه تتغير .
لكن لما عرفت أني دخلت الطب البيطري بقه إيه اللي حصل يا ست وردا ؟
فرحت جدا وبصيت لنموذج قدامي اعتبرته ناجح وهو ابن عمتي الدكتور عبد العزيز أحمد العدل . مع أن فيه ناس قابلوني قالوا لو مش هتفتح مزرعة سيب الكلية . حتى ناس تانيين قالوا ادخل كلية من كليات الحاسب الآلي ، وكله بيتكلم من باب النصح .
وناس نصحتني وكان نفسها أني أعيد السنة ، لأنها تعرف مستواي كويس . لكن رفضت كل ده ، وقلت توكلت على الله ، ولما دخلت الكلية عرفت أن نظرتنا عن الطب البيطري من برّه قاصرة جدا ، وحتى لما اتخرجت وسافرت عرفت أن نظرتنا في مصر قاصرة جدا . ولما قابلت دكاترة من استراليا وأناقشهم في شغلهم ، ومن الاتحاد الأوروبي وكنت بأناقشهم في قضايا زي جنون البقر والأمن الغذائي عرفت قد إيه إحنا محتاجين نغير نظرتنا للأمور من السطحية للتعمق .
أمتى دمعت بجد وحسيت إنكـ موجوع أوى ودموعكـ لازم تنزل؟بيحصل ، وإلا ما أتحسبش من البشر ولا هيميزني شيء عن الحيوانات . طالما إحساسي مش ميّت يبقى امكانية أني أدمع وارده . لكن بيني وبين نفسي في الغالب .
بتعتبر دموع الرجل ضعف؟بالعكس ، دموعه في الموضع الصحيح هي من مصادر قوته ، لأن معنى بكاؤه أنه فيه شيء محتاج يتعالج . ويعني يكفيني أن الرسول صلى الله عليه وسلم بكى على ابنه إبراهيم .
المشير الجمسي في مباحثات الكيلو 101 بكى ونزلت دمعته وكسنجر قال ( لم أكن أظن أن هذا الرجل يمكن أن يبكي ) الراجل بكى لأنه حس أن السياسة هتضيع منجز عسكري ، ده رأيه وقتها يمكن عدله بعدها لكن بكى .
ولا هو إنسان عنده مشاعر وأحاسيس فلازم يعبر عن اى كبت جواه؟هو ده
فى حد نفسكـ تعتذر له وتقوله أنا أسف جداً تعبتكـ وظلمتكـ طبعاً دا غير صلاح عثمان؟ليه الاستثناء ، ما كنت هأهرب من السؤال وأخلص .
أبويا وأمي . هم دول أكتر ناس ظلمتهم معايا لكن في النهاية معايا أعذاري دايما ـ
عشت طفولتكـ العاديه ولا تخللها مسؤلية البيت وراجل البيت بعد سفر الوالد؟بدون أم صلاح ما كانش هيبقى صلاح صلاح . الطفولة كانت عادية زيي زي أي واحد ، يمكن كان فيه تأثير ، مثلا ما بأتأخرش بعد العشاء . ولكن إيه رأيك أنتي ؟ هل اتأثرت بسفر الوالد وانحرفت مثلا ؟ لو كان فيه أي نواقص فالحمد لله عوضتها من اللي حوالي .
نفسكـ تقول لمين مشتاقلكـ أوى؟لو واحد هيبقى صديقي ، بس فيه ناس كتير نفسي أقعد معاها ومشتاق لها مش واحد بس .
لما بيتقفل عليكـ باب وترفع إيدكـ بتزلل للسما وتقول يااارب بتدعى بأيه تحققه؟أنه يقبضني وهو راضي عني . وأنه يبعد عني الحرام ويرزقني من الحلال . لأنه لو قبضني وهو راضي عني يبقى مش هيضغب عليّ.
مش حرماكـ من حاجه أهوهلا بجد كتر خيرك
أشرب إشربما أنا قاعد اشرب من ساعتها ، فعلا مقلب مش هأسامح إللي عمله فيّ
نكمل بقىفى قرار نزل المدارس الحكوميه النهارده بدأو يطبقوه إن كل مدرسه تمضى إقرار بخلع النقاب ولازم يكون وشها مكشوف ودا اصدره وزير التعليم الجديد أيه رأيكـ ولنفترض انت متزوج من مدرسه منقبه وسمعت القرار دا ايه رد فعلكـ؟ما ينفعش أتكلم في قضية مش فاهمها قوي . أفهم هو قال القرار ليه ، ومعارضته قالو ايه . وده برضه بيرجع لحكم الاسلام في النقاب ، وهل اسلاميا من حق السلطة أنها تعمل حاجة زي دي . بجد والله ما اعرف بالذات النقطة الأخيرة ، ولنفترض أن حكم الإسلام هو أن ده مش من حقه ، يبقى ساعتها هأعارض القرار .
ما هو اصعب موقف مر بحياتكـ ؟هو انتي اسئلتك صعبة ليه يا ورده ، كلها صعبة ، هو انا كنت عملت فيكي كده وانتي على الكرسي ، لعلمك كان فيه اسئلة كان ممكن أسألهالك وما رضيتش . ارحموا من في الأرض يرحمكم من في السماء .
امتنع عن الإجابة على السؤال ده .
لو اعتبرنا حياتكـ كتاب فهل تريد ان تقطع صفحه منه او من حياتكـ فماهى الصفحه ولماذا؟فعلا بأهتم أني أوثق حياتي مكتوبة يا وردا عشان ما انساش ، مش أني أقطع ، لكن ما بأوثقش المعاصي ودي إللي نفسي تتقطع من حياتي . أما الأخطاء فتتساب عشان أتعلم منها .
هاعطيكـ كلمات ترد عليها بكلمه فقطحرااااام ، يعني كلمة واحدة ... مش هتكفي ، لكن هأحاول
النتوسيلة
اسرتكــحياتي
الاملسلاحي
الذكرة الحلوةالباقية
المنتدىنادي
الحبالغامض
الاحزانمتبددة
الحياهمتناقضة
ربكـالرحيم
اصدقاائكـأشقائي
نصيحه تهديها ليا؟حرام عليكي ، ابقي ارحمي اللي يقعد على الكرسي ، اسئلتك لو أجبت عليها بطريقة مباشرة يبقى رحت في داهية .
ورأيكـ فى مشاركاتى؟جميلة وبتشغل العقل ، ونفسي ترجعي تشاركي بالردود زي الأول .
مارأيكـ في العقليات المهاجرة ؟ كفيلة بأنها تبني مصر ، لو فيه إدارة صح.
مالذي جعل الدول العربية لا تهتم بهؤلاء العلماء ؟ وماهو الحل حسب رأيكـعدم تقدير العرب للعلم ، الحل هو الاهتمام بالمراكز العلمية ، والمراكز البحثية ، والبحوث التطبيقية .
وماهى السعاده فى نظرك؟راحة البال إللي مصدرها رضا الله
استراحه يتخللها مشروبطب كويس الحمد لله ان فيه استراحة .
ماهو أحسن كتاب قرأته ومن هو صاحبه ؟؟؟مش فاكر ، ومش من النوع اللي بيحب يقرأ الكتاب من الجلدة للجلدة إلا نادرا ،
حين تمسكـ القلم فى وقت فراغكـ ترسم أم تكتب وماذا ترسم أو تكتب؟أكتب ، ممكن شعر ، ممكن مقال . والمقالات يا إما بتوثق الماضي وبتحلله ، يا إما بتتكلم عن فكرة يا إما بتحاول توثق الحاضر ، يا إما بأحاول أستشرف المستقبل ، يا إما بأكتب فكره عشان ما تضيعش مني .
شعوركـ ايه على الكرسى؟الكرسي كشف لي عن نفسي شوية حاجات بسب الأسئلة ، وده في حد ذاته شيء كويس ، لكن الكرسي ممكن يكشف طريقة تفكيري للناس . الكرسي صعب مش سهل . شعوري هو أن تمنيت أني ما اقعدش على الكرسي .
اهديكـ هذه الألقاب لمن تهديهاااااابسمه المنتدىمبدع المنتدىاجمل شئ فى المنتدىامل المنتدىذكاء المنتدىعبقرية المنتدىحب المنتدىفليسوفة المنتدىملكة الابداع
أتحفظ عن اهداء الألقاب لأني متأكد أني مش هأكون دقيق وهأظلم البعض .
[size=16]
- من العضو الذى تشعر بانه نشيط لكن رغباته مكبوته
انتي ، وصدفة ، والشيخ خالد القاضي وديميتري وانا . لأني فعلا شوفت طريقتكم قبل كده وبعدين حاسس أنكم توقفتم شوية .
فيه ناس تانية تقدر تعمل أكتر من كده ومكسلة شوية
الباقي نشيط قد المستطاع . انما سؤالك عن اللي تكاسلو شوية .
ما هى الغلطة التى لم تشعر بها إلا بعد مدة طويله
ان بقالي 3 ساعات في الرد على اسئلتك
بس كفايه كدا
إحتمال ابقى أرجع
تشرفي أكيد . شكرا على الأسئلة إللي كانت فعلا صعبة ، الأسئلة على كرسي الاعتراف من بعض الاعضاء كانت صعبة بالنسبة لي .
[/size]
1, 2, 3
الأربعاء فبراير 10, 2010 4:04 pm
الموضوع الأصلي : 
')
')
الكلمات الدلالية 
رابط الموضوع 
HTML كود الموضوع